ബോളിവുഡ് താരത്തിന്റെ ലംബോർഗിനി അപകടത്തിൽപെട്ടു, രണ്ട് പേർക്ക് ദാരുണാന്ത്യം, വൈറൽ വീഡിയോ

മുംബയ്: ബോളിവുഡ് നടിയുടെ ആഡംബര കാറിടിച്ച് രണ്ട് പേർക്ക് ദാരുണാന്ത്യം. ഇറ്റലിയിലെ സർഡിനയിലായിരുന്നു അപകടം. ഷാരൂഖ് ഖാൻ ചിത്രം സ്വദേസിലെ നായികയായ ഗായത്രി ജോഷിയും ഭർത്താവായ വികാസ് ഒബ്‌റോയിയും സഞ്ചരിച്ചിരുന്ന ലംബോർഗിനിയാണ് അപകടത്തിൽപ്പെട്ടത്.

അപകടത്തിൽ സ്വി​റ്റ്സർലാൻഡ് സ്വദേശികളായ ക്രൗട്ട്ലി (63). മാർക്സ് ക്രൗട്ട്ലി (67) എന്നിവരാണ് മരിച്ചത്. അവധികാലം ചെലവഴിക്കാനായിട്ടാണ് താരവും ഭർത്താവും ഇ​റ്റലിയിലെ സർഡിനയിൽ എത്തിയത്. ടെയ്‌ലഡയിൽ നിന്ന് ഓൾബിയയിലേക്ക് പോകുന്നതിനിടെയായിരുന്നു അപകടം. താരത്തിനും ഭർത്താവിനും അപകടത്തിൽ പരിക്കേറ്റിട്ടില്ലെന്നാണ് റിപ്പോർട്ടുകൾ. ലംബോർഗിനി കാർ ഫെരാരിയിലും തുടർന്ന് ക്യാമ്പർ വാനുമായും കൂട്ടിയിടിക്കുകയായിരുന്നു.

Two deaths on a Ferrari in Sardina, Italy pic.twitter.com/skT3CaXg0T

— Globe Clips (@globeclip) October 3, 2023

മഹാരാഷ്ട്രയിലെ നാഗ്പൂരിൽ ജനിച്ച ഗായത്രി വീഡിയോ ജോക്കിയായിട്ടാണ് സ്ക്രീനിൽ അരങ്ങേറ്റം കുറിച്ചത്. 2004ൽ അശുതോഷ് ഗോവാരിക്ക‌ർ സംവിധാനം ചെയ്ത സ്വദേസ് എന്ന ചിത്രത്തിലൂടെ അഭിനയ ജീവിതം ആരംഭിച്ചു. തുടർന്ന് 2005ൽ വ്യവസായിയായ വികാസ് ഒബ്റോയിയെ വിവാഹം കഴിക്കുകയായിരുന്നു.