Latest News Photos | Kerala | Keralakaumudi.com

EDITOR'S CHOICE

പാലക്കാട്‌ ബി.ജെ. പി ഈസ്റ്റ്‌ ജില്ലാ പ്രസിഡന്റ്‌ ആയി സ്ഥാനമേറ്റ പ്രശാന്ത് ശിവനെ സംസ്ഥാന വൈസ് പ്രസിഡന്റ് ഡോ.കെ. എസ് രാധാകൃഷ്ണൻ പൊന്നാടയണിയിച്ചു സ്വീകരിക്കുന്നു. സംസ്ഥാന വൈസ്.പ്രസി: ഡോ.ജെ. പ്രമീള ദേവി സമീപം

ഡിസോൺ കലോത്സവത്തിൽ കെ.എസ്.യു പ്രവർത്തകർ അക്രമം നടത്തിയെന്ന് ആരോ പ്പിച്ച് എസ്.എഫ്.ഐ പ്രവർത്തകർ തൃശൂരിൽ സംഘടിപ്പിച്ച മാർച്ച് തടയുന്നതിനായ് പൊലീസ് കെട്ടിയ കയറിനടിയിൽക്കൂടി സ്കൂൾ വിട്ട് വീട്ടിലേക്ക് പോകുന്ന വിദ്യാർത്ഥികൾ.

കളമശ്ശേരി ശിഹാബ് തങ്ങൾ ട്രസ്റ്റിന്റെ നേതൃത്വത്തിൽ സുസജ്ജമായ അത്യാധുനിക മൊബൈൽ ലാബ് ഡയാലിസിസ് സെന്റർ ആൻഡ് ലബോറട്ടറിയുടെ ഉദ്ഘാടന ചടങ്ങിനെത്തിയ മുസ്ളീം ലീഗ് നേതാവ് പി.കെ. കുഞ്ഞാലിക്കുട്ടി മന്തി പി. രാജീവുമായി സൗഹൃദ സംഭാഷണത്തിൽ

ആൾ കേരള ലോട്ടറി ട്രേഡേഴ്സ് യൂണിയൻ എഐടിയുസി സംസ്ഥാന സമ്മേളനത്തിന്റെ ഭാഗമായി കോട്ടയത്ത് നടന്ന പ്രതിനിധി സമ്മേളനം സംസ്ഥാന ജനറൽ സെക്രട്ടറി കെ പി രാജേന്ദ്രൻ ഉദ്ഘാടനം ചെയ്യുന്നു

കോട്ടയം പൊലീസ് പരേഡ് ഗ്രൗണ്ടിൽ നടന്ന റിപ്പബ്ലിക് ദിനാഘോഷചടങ്ങിൽ മന്ത്രി വി.എൻ. വാസവൻ ദേശീയപതാക ഉയർത്തുന്നു

എറണാകുളം മറൈൻഡ്രൈവിൽ നടന്ന സി.പി.എം എറണാകുളം ജില്ലാ സമ്മേളനത്തിന്റെ പൊതുസമ്മേളന വേദിയിലേക്ക് ജില്ലാ സെക്രട്ടറി സി.എൻ. മോഹനനൊപ്പം കടന്ന് വരുന്ന മുഖ്യമന്ത്രി പിണറായി വിജയനെ കണ്ട് ആശ്ചര്യത്തോടെ നോക്കുന്ന കുട്ടി റെഡ് വോളണ്ടിയർമാർ. വാഹനം മുന്നിലെത്തിയപ്പോൾ സല്യൂട്ട് നൽകുന്നതും കാണാം

കോട്ടയം പൊലീസ് പരേഡ് ഗ്രൗണ്ടിൽ നടന്ന റിപ്പബ്ലിക് ദിനാഘോഷചടങ്ങിൽ മന്ത്രി വി.എൻ. വാസവൻ പരേഡ് സല്യൂട്ട് സ്വീകരിക്കുന്നു

എറണാകുളം മറൈൻഡ്രൈവിൽ നടന്ന സി.പി.എം എറണാകുളം ജില്ലാ സമ്മേളനത്തിന്റെ പൊതുസമ്മേളനം ഉദ്ഘാടനം ചെയ്യാനെത്തിയ മുഖ്യമന്ത്രി പിണറായി വിജയൻ മന്ത്രി പി. രാജീവുമായി സംഭാഷണത്തിൽ

DAY IN PICS More Photos

കോട്ടയം പ്രസ് ക്ലബിൽ നടന്ന മീറ്റ് ദ പ്രസ് പരിപാടിയിൽ ബിജെപി കോട്ടയം വെസ്റ്റ് ജില്ലാ പ്രസിഡന്റ് ലിജിൻ ലാലും കോട്ടയം ഈസ്റ്റ്‌ ജില്ലാ പ്രസിഡന്റ് റോയി ചാക്കോയും പങ്കെടുക്കുന്നു

നാഗമ്പടം ശ്രീ മഹാദേവക്ഷേത്രത്തിലെ ഉത്സവത്തിന് കുമരകം ഗോപാലൻ തന്ത്രികളുടെയും ക്ഷേത്രം മേൽശാന്തി കുമരകം രതീഷ് ശാന്തികളുടെയും മുഖ്യകാർമികത്വത്തിൽ കൊടിയേറ്റുന്നു. കോട്ടയം യൂണിയൻ ചെയർമാൻ തുഷാർ വെള്ളാപ്പള്ളി, കോട്ടയം യൂണിയൻ കൺവീനർ സുരേഷ് പരമേശ്വരൻ തുടങ്ങിയവർ സമീപം.

കുടമാളൂർ സെൻ്റ് മേരീസ് മേജർ ആർക്കി എപ്പിസ്ക്കോപ്പൽ തീർഥാടന കേന്ദ്രത്തിൽ പരിശുദ്ധ കന്യകാമറിയത്തിൻ്റെ ദർശന തിരുനാലിനോടനുബന്ധിച്ച് ഇന്നലെ നടന്ന നഗര പ്രദക്ഷിണം

പാലാ മരിയസദനത്തെ കുറിച്ച് കേരളകൗമുദി പ്രസിദ്ധീകരിച്ച "സന്തോഷ യിടം" ദൈവത്തിന്റെ മുഖമുള്ള മനുഷ്യർ എന്ന പുസ്തകത്തിന്റെ പ്രകാശനം ശ്രീലങ്കയിലെ ഇന്ത്യൻ എംബസി ഫസ്റ്റ് സെക്രട്ടറി റോഷ്ണി തോംസണ് നൽകി പാലാ ബിഷപ്പ് മാർ ജോസഫ് കല്ലറങ്ങാട്ട് നിർവഹിക്കുന്നു. സന്തോഷ് മരിയ സദനം കേരളകൗമുദി കോട്ടയം യൂണിറ്റ് ചീഫ് ആർ. ബാബുരാജ്, റിപ്പോർട്ടർ സുനിൽ പാലാ, രാജി മാത്യു പാംബ്ലാനി , മിനി സന്തോഷ്, എബി.ജെ. ജോസ്, സാംജി പഴേപറമ്പിൽ എന്നിവർ സമീപം

എറണാകുളം ശിവക്ഷേത്രോത്സവത്തോടനുബന്ധിച്ച് ഡർബാർ ഹാൾ ഗ്രൗണ്ട് വേദിയിലെ ഭരതനാട്യത്തിന് മുന്നോടിയായി അവസാനവട്ട ഒരുക്കം നടത്തുന്ന പനയപ്പിള്ളി സ്വദേശി വൈഷ്ണവി. അമ്മ വിനിത സമീപം

എറണാകുളത്തപ്പൻ ശിവ ക്ഷേത്രത്തിൽ ക്ഷേത്രം തന്ത്രി പുലിയന്നൂർ ആര്യൻ നമ്പൂതിരിപ്പാടിന്റെ മുഖ്യകാർമികത്വത്തിൽ നടന്ന കൊടിയേറ്റം

പഴവങ്ങാടി ഫോർട്ട് മാനർ ഹോട്ടലിൽ ബോംബ് ഭീഷണിയെത്തുടർന്ന് ഹോട്ടലിലെ പാർക്കിംഗ് ഏരിയയിൽ ഗോഡ് സ്‌ക്വാഡിലെ പോലീസ് നായ പരിശോധന നടത്തുന്നു

എറണാകുളം കളമശേരി എൻ.എ.ഡി പമ്പ് ഹൗസ് റോഡിന് സമീപത്തെ തോട്ടിൽ വെള്ളത്തിൽ നീരാടുന്ന താറാവുകൾ

ARTS & CULTURE More Photos

കുടമാളൂർ സെന്റ് മേരീസ് തീർത്ഥാടന ദേവാലയത്തിലെ ദൈവമാതാവിന്റെ ദർശന തിരുന്നാളിന് ആർച്ച് പ്രീസ്റ്റ് ഫാ. മാണി പുതിയിടം കൊടിയേറ്റുന്നു

കളിയരങ്ങിൽ...തിരുനക്കര തൃക്കൈക്കാട്ട് സ്വാമിയാർ മഠം ഹാളിൽ നടന്ന കളിയരങ്ങിന്റെ 'കാലകേയ വധം' കഥകളിയിൽ ഇന്ദ്രനായി കലാമണ്ഡലം അതുൽ പങ്കജും, മാധവിയായി കലാമണ്ഡലം ശ്രീരാമനും.

ഭാരത് ഭവനിൽ കീഴില്ലം ഉണ്ണികൃഷ്ണനും സംഘവും അവതരിപ്പിച്ച മുടിയേറ്റത്തിൽ നിന്ന്

പാണാവള്ളി നീലംകുളങ്ങര ശ്രീനാരായണവിലാസം ശ്രീ മഹാവിഷ്ണു ക്ഷേത്രത്തിലെ ഉത്സവത്തോടനുബന്ധിച്ച് മാനവീയം കലാസാസ്കാരിക വേദി അവതരിപ്പിച്ച ഇങ്ങനെയും ചിലർ എന്ന നാടകത്തിൽ നിന്ന്.

അതിരമ്പുഴ സെൻ്റ് മേരീസ് ഫൊറോന പള്ളിയിൽ വിശുദ്ധ സെബസ്ത്യാനോസിൻ്റെ തിരുനാളിനോടനുബന്ധിച്ച് നടന്ന പ്രദക്ഷിണം.

SHOOT @ SIGHT More Photos

ചൂടല്ലേ ഇത്തിരി ഫ്രൂട്സ് ആകാം... പൈനാപ്പിൾ കഴിക്കുന്ന വാനരന്മാർ

വിശപ്പറിഞ്ഞ്... നാടോടി സ്ത്രീയോടൊപ്പം തിരുനക്കര മൈതാനത്ത് വിശ്രമിച്ചിരുന്ന കുട്ടിക്ക് ബിസ്ക്കറ്റ് വാങ്ങി നൽകുന്ന ഫുഡ് ഡെലിവറി ബോയി

കരുത്തേകാൻ...ഇന്ത്യൻ ആർമിയിലേക്കുള്ള അഗ്നിപഥ് റിക്രൂട്ട്മെന്റിന്റെ ഭാഗമായി തൃശൂർ മുൻസിപ്പൽ സ്റ്റേഡിയത്തിൽ ഉദ്യോഗാർത്ഥികളുടെ ഫിസിക്കൽ ടെസ്റ്റ് പരിശോധന നടത്തുന്നതിനിടയിൽ വരിയിൽ പുഷ് അപ്പ് ചെയ്യുന്നവർ.

അമിതമായ ചൂടു വർധിക്കുന്ന സാഹചര്യത്തിൽ വെയിൽ കണ്ണിൽ തട്ടി വാഹനം ഓടിക്കാൻ പറ്റാതെ വരുമ്പോൾ ഗ്ലാസിൽ പത്രം ഒട്ടിച്ചു മറയാക്കി വാഹനം ഓടിക്കുന്ന കെ.എസ്.ആർ.ടി.സി ബസ് ഡ്രൈവർ.

നിര നിരയായ്... ആലപ്പുഴ ചങ്ങനാശ്ശേരി റോഡിൽ പാലത്തുരുത്തി പാലത്തിന്റെ നിർമ്മാണാവശ്യത്തിനായുള്ള കമ്പി തോളിൽ ചുമന്നുകൊണ്ടുപോവുന്ന തൊഴിലാളികൾ

ആലപ്പുഴ ബീച്ചിൽ ഒന്നരമാസത്തോളം നീണ്ടുനിന്ന മറൈൻ എക്സ്പോ സമാപിച്ചതോടെ സ്റ്റാളുകളും മറ്റും അഴിച്ചു മാറ്റാനായി ക്രെയിനിൽ തൂങ്ങിയിറങ്ങുന്ന തൊഴിലാളി അസ്തമയ സൂര്യൻ്റെ പശ്ചാത്തലത്തിൽ

കാഴ്ചകൾ കണ്ട്... തലസ്ഥാന നഗരിയിൽ വില്പനക്കെത്തിച്ച കളർ അടിച്ച കോഴികുഞ്ഞുങ്ങൾ.

കൂടണയും നേരം... കോട്ടയം ഇരയിൽ കടവിൽ നിന്നുള്ള അസ്തമയ കാഴ്ച.

SPORTS More Photos

തിരുവനന്തപുരം സെൻട്രൽ സ്റ്റേഡിയത്തിൽ നടന്ന സ്‌കൂൾ റോളർ നെറ്റ് ബോൾ ചാമ്പ്യൻഷിപ്പിൽ അണ്ടർ 14 ആൺകുട്ടികളുടെ ഫൈനലിൽ കോഴിക്കോട് സിൽവർ ഹിൽസ് പബ്ലിക് സ്‌കൂളിന്റെ ഗോൾ ശ്രമം തടയുന്ന കാഞ്ഞങ്ങാട് ക്രൈസ്റ്റ് സി.എം.ഐ പബ്ലിക് സ്‌കൂൾ ടീം. മത്സരത്തിൽ 2-1ന് കാഞ്ഞങ്ങാട് ക്രൈസ്റ്റ് സി.എം.ഐ പബ്ലിക് സ്‌കൂൾ ടീം വിജയിച്ചു

ശ്രീനാരായണ ഗുരു ഓപ്പൺ സർവകലാശാല അത്‌ലറ്റിക് മീറ്റിൽ 51 വയസിന് മുകളിൽ പ്രായമുള്ള വനിതകളുടെ 100 മീറ്റർ ഓട്ടമത്സരത്തിൽ ഒന്നാം സ്ഥാനം നേടുന്ന കൊല്ലം ഫാത്തിമ മാത കോളേജിലെ എ.ഗീതാകുമാരി അമ്മ

മലപ്പുറം മഞ്ചേരി പയ്യനാട് സ്റ്റേഡിയത്തിൽ വെച്ച് നടക്കുന്ന എലൈറ്റ് കേരള പ്രീമിയർ ലീഗിൽ പറപ്പൂർ എഫ് സി കേരളയും കോവളം ഫുട്ബോൾ ക്ലബ്ബും തമ്മിൽ നടന്ന മത്സരത്തിൽ ബോളുമായി മുന്നേറുന്ന പറപ്പൂർ എഫ് സി. 2:0ഗോൾ നിലയിൽ പറപ്പൂർ എഫ് സി കേരള വിജയിച്ചു.

പയ്യനാട് സ്റ്റേഡിയത്തിൽ വച്ച് നടക്കുന്ന എലൈറ്റ് കേരള പ്രീമിയർ ലീഗിൽ കേരള ബ്ലാസ്റ്റേഴ്‌സും ഗോകുലം എഫ് സിയും തമ്മിൽ നടന്ന മത്സരത്തിൽ ഗോകുലം എഫ് സിക്കെതിരെ ഗോൾ നേടുന്ന കേരള ബ്ലാസ്റ്റേഴ്‌സ്. 1:0 ഗോൾ നിലയിൽ കേരള ബ്ലാസ്റ്റേഴ്‌സ് വിജയിച്ചു.

വിജയ ചിരി... തൃശൂർ കോർപറേഷൻ ഗ്രൗണ്ടിൽ സംഘടിപ്പിച്ച തൃശൂർ ഈസ്റ്റ് - വെസ്റ്റ് ഉപജില്ല എൽ.പി വിഭാഗം കായിക മത്സരത്തിൽ നടന്ന റിലേ മത്സരത്തിൽ നിന്ന്.

തിരുവനന്തപുരം ജിമ്മി ജോർജ്ജ് ഇൻഡോർ സ്റ്റേഡിയത്തിൽ നടക്കുന്ന സംസ്ഥാന കരാട്ടെ ചാമ്പ്യൻഷിപ്പിൽ സീനിയർ ആൺകുട്ടികളുടെ കുമിതെയിൽ നിന്ന്

കോട്ടയം നാഗമ്പടം ഇൻഡോർ സ്റ്റേഡിയത്തിൽ നടന്ന ജില്ലാതല സബ് ജൂനിയർ കബഡി ചാമ്പ്യൻഷിപ്പിൽ ഇത്തിത്താനം ഏച്ച്.എസ്.എസും സെൻറ് ലിറ്റിൽ തെരേസാസ് വൈക്കവും തമ്മിൽ നടന്ന മത്സരം.

തിരുവനന്തപുരം ജിമ്മി ജോർജ്ജ് ഇൻഡോർ സ്റ്റേഡിയത്തിൽ നടക്കുന്ന സംസ്ഥാന കരാട്ടെ ചാമ്പ്യൻഷിപ്പിൽ സബ് ജൂനിയർ വിഭാഗം പെൺകുട്ടികളുടെ ( -35 കിലോ ) കുമിതെയിൽ നിന്ന്

SPECIALS More Photos

നെഞ്ചും വിരിച്ച്...ഇന്ത്യൻ ആർമിയിലേക്കുള്ള അഗ്നിപഥ് റിക്രൂട്ട്മെന്റിന്റെ ഭാഗമായി തൃശൂർ മുൻസിപ്പൽ സ്റ്റേഡിയത്തിൽ ഉദ്യോഗാർത്ഥികളുടെ ഫിസിക്കൽ ടെസ്റ്റ് പരിശോധന നടത്തുന്നു.ആറു വർഷത്തിനുശേഷമാണ് തൃശൂരിൽ റിക്രൂട്ട്മെൻറ് നടക്കുന്നത്

സി.പി.ഐ സംസ്ഥാന സമ്മേളനത്തിന്റെ സ്വാഗതസംഘം രൂപീകരണയോഗത്തിനിടെ സംസ്ഥാന സെക്രട്ടറി ബിനോയ് വിശ്വം വിപ്ലവ ഗായിക പി.കെ.മേദിനിയോടൊപ്പം നർമ്മ സംഭാഷണത്തിലേർപ്പെട്ടപ്പോൾ

പൊല്ലാപ്പായ പോള... നഗരത്തിലെയും കുട്ടനാട്ടിലെയും ഇടത്തോടുകളിലെയും കനാലുകളിലെയും പോളശല്യം മൂലം ദുരിതത്തിലായിരിക്കുകയാണ് നാട്ടുകാരും ജലയാത്ര ചെയ്യുന്നവരും. പോള തിങ്ങിനിറഞ്ഞ ആലപ്പുഴ ചുങ്കം തോട്ടിലൂടെ വള്ളം തള്ളിനീക്കി യാത്രചെയ്യുന്നയാൾ

പൂജ്യനാരി ദിനത്തിന്റെ ഭാഗമായി കേരള ബ്രാഹ്മണ സഭ ജില്ലാ വനിതാവിഭാഗത്തിന്റെ ആഭിമുഖ്യത്തിൽ ശ്രീപദ്മനാഭ സ്വാമി ക്ഷേത്രത്തിന്റെ കിഴക്കേനടയിൽ സംഘടിപ്പിച്ച കോല മത്സരത്തിൽ നിന്ന്.

കെ.എസ്.ആർ.ടി.സി ലോഫ്ലോർ ബസിടിച്ച് തകർന്ന ശക്തൻ രാജാവിൻ്റെ പ്രതിമ അറ്റകുറ്റപണികഴിഞ്ഞ് വീണ്ടും സ്ഥാപിച്ച് ഒരു മാസം പിന്നീട്ട് ഇന്നലെ ഉദ്ഘാടനത്തിനായ് ഒരുക്കിയ ശേഷം ഉദ്ഘാടനം വീണ്ടും മാറ്റിയപ്പോൾ

പ്രതിപക്ഷ നേതാവ് വി.ഡി സതീശൻ നയിക്കുന്ന മലയോര സമര യാത്രക്ക് തൃശൂർ ജില്ലയിലെ ചായ്പൻകുഴിയിൽ നൽകിയ സ്വീകരണ ചടങ്ങിൽ വന്യമൃഗങ്ങളുടെ ആക്രമണത്തിൽ പരിക്കേറ്റവരെ ആശ്വസിപ്പിക്കുന്ന പ്രതിപക്ഷ നേതാവ് വി.ഡി സതീശൻ ബെന്നി ബെഹനാൻ എം.പി തുടങ്ങിയവർ സമീപം

പ്രതിപക്ഷ നേതാവ് വി.ഡി സതീശൻ നയിക്കുന്ന മലയോര സമര യാത്രക്ക് തൃശൂർ ജില്ലയിലെ ചായ്പൻകുഴിയിൽ നൽകിയ സ്വീകരണത്തിൽ നിന്ന്.

TRENDING THIS WEEK

© Copyright Keralakaumudi Online