കിടങ്ങൂർ ഗ്രാമപഞ്ചായത്തിലെ ബഡ്‌സ് റീഹാബിലിറ്റേഷൻ സെന്ററിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ നിർവഹിക്കുന്നു.

പഴമയുടെ പുതുമ... കോട്ടയം സംക്രാന്തിയിൽ നടന്ന സംക്രമ വാണിഭത്തിൽ നിന്ന് തഴപ്പായും കുട്ടയും വാങ്ങിപ്പോകുന്ന വീട്ടമ്മ. പഴമയുടെ ഓർമ്മ പുതുക്കലായി നടക്കുന്ന സംക്രമ വാണിഭത്തിൽ മുറം, തഴപ്പായ, മൺചട്ടികൾ, കുട്ടകൾ തുടങ്ങി നിരവധി സാധനങ്ങൾ വിൽപ്പനക്കെത്തും. മഴ ശക്തമായതോടെ ഇത്തവണയും കച്ചവടം കുറഞ്ഞു.

കോട്ടയം സംക്രാന്തിയിൽ നടന്ന സംക്രമ വാണിഭത്തിൽ നിന്ന് മുറവും കുട്ടയും വാങ്ങുന്നവർ

കോട്ടയം സംക്രാന്തിയിൽ നടന്ന സംക്രമ വാണിഭത്തിൽ മഴയെ തുടർന്ന് പ്ലാസ്റ്റിക്ക് പടുത പുതച്ച് ചട്ടിയും കാലവും വിൽക്കാനിരിക്കുന്ന വൈക്കപ്രയാർ സ്വദേശിനി ഓമന

കോട്ടയം മെഡിക്കൽ കോളേജ് ആശുപത്രിപ്പടിക്കൽ എസ്.എഫ്.ഐ കോട്ടയം ജില്ലാ കമ്മിറ്റിയുടെ നേതൃത്വത്തിൽ നടത്തിയ വിദ്യാർത്ഥി സംഗമത്തിന് മുന്നോടിയായി നടന്ന പ്രകടനം

കോട്ടയം ജവാഹർ നവോദയ വിദ്യാലയത്തിൽ രവീന്ദ്രനാഥ ടാഗോറിന്റെ പൂർണകായ പ്രതിമ അനാച്ഛാദനം ചെയ്തശേഷം പുഷ്പാർച്ചന നടത്തുന്ന കേന്ദ്രമന്ത്രി സുരേഷ് ഗോപി

സ്റ്റാർ സെൽഫി... കോട്ടയം ജവാഹർ നവോദയ വിദ്യാലയത്തിൽ രവീന്ദ്രനാഥ ടാഗോറിന്റെ പൂർണകായ പ്രതിമ അനാച്ഛാദനവും രവീന്ദ്ര ഉത്സവത്തിന്റെ ഉദ്‌ഘാടനവും ചെയ്യാനെത്തിയ കേന്ദ്രമന്ത്രി സുരേഷ് ഗോപിക്കൊപ്പം സെൽഫി എടുക്കുന്ന ആരാധിക

സസൂക്ഷ്മം...കോട്ടയം ജവാഹർ നവോദയ വിദ്യാലയത്തിൽ രവീന്ദ്രനാഥ ടാഗോറിന്റെ പൂർണകായ പ്രതിമ അനാച്ഛാദനവും രവീന്ദ്ര ഉത്സവത്തിന്റെ ഉദ്‌ഘാടനവും ചെയ്യാനെത്തിയ കേന്ദ്രമന്ത്രി സുരേഷ് ഗോപിക്ക് വേദിയിൽ കുടിക്കാൻ നൽകിയ നാരങ്ങാവെള്ളം ദേഹത്ത് വീഴാതെ സൂക്ഷിച്ച് കുടിക്കുന്നു. ഗ്രാമപഞ്ചായത്ത് പ്രസിഡന്റ് വി.ടി സോമൻകുട്ടി,സ്കൂൾ പ്രിൻസിപ്പൽ ജോളി വിൻസെന്റ് എന്നിവർ സമീപം