എന്തുണ്ട് രാജൂ... പത്തനംതിട്ട റസ്റ്റ് ഹൗസിൽ മുൻ പ്രതിപക്ഷ നേതാവ് രമേശ് ചെന്നിത്തല പ്രസ് മീറ്റിന് ശേഷം അവിടെയുണ്ടായിരുന്ന സി.പി.എം ജില്ലാ സെക്രട്ടറി രാജു ഏബ്രഹാമുമായി കുശലം പറയുന്നു

എന്താ സാറെ ട്രാസ്ഫോർമർ ഉയർത്തി വയ്ക്കാൻ ബാരിക്കേ‌‌‌ഡ് വച്ച് റോഡ് തടഞ്ഞിരിക്കുന്നത്........ആരോഗ്യവകുപ്പ് മന്ത്രി വീണാ ജോർജ്ജ് രാജിവയ്ക്കണമെന്നാവിശപ്പെട്ട് യൂത്ത് കോൺഗ്രസ് പ്രവർത്തകർ വീണാ ജോർജ്ജിന്റെ ഓഫീസിലേക്ക് മാർച്ച് നടത്തുമെന്ന് അറിയിച്ചതിനെ തുടർന്ന് പൊലീസ് ബാരിക്കേഡുകൾ ഉപയോഗിച്ച് റോഡ് തടഞ്ഞപ്പോൾ ഇത് അറിയാതെത്തിയ സ്കൂട്ടർ യാത്രക്കാരൻ ട്രാസ്ഫോർമർ സ്ഥാപിക്കുന്ന കെ.എസ്.ഇ.ബി ഉദ്യോഗസ്ഥരോട് കാര്യം ആരായുന്നു.

ആരോഗ്യവകുപ്പ് മന്ത്രി വീണാ ജോർജ്ജ് രാജിവയ്ക്കണമെന്നാവിശപ്പെട്ട് യൂത്ത് കോൺഗ്രസ് പ്രവർത്തകർ വീണാ ജോർജ്ജിന്റെ ഓഫീസിലേക്ക് നടത്തിയ മാർച്ചിൽ പ്രവർത്തകരെ അറസ്റ്റ് ചെയ്യിത് നീക്കുന്ന പൊലീസ്.

ഓമല്ലൂർ രക്തകണ്ഠ സ്വാമിക്ഷേത്രത്തിൽ ചരിഞ്ഞ ആന ഓമല്ലൂർ മണികണ്ഠനെ സംസ്കാര ചടങ്ങുകൾക്കായി കല്ലേലിയിലേക്ക് കൊണ്ടുപോകുന്നു.

കാട്ടില്ലല്ല...ഒറ്റനോട്ടത്തിൽ ഒർജിനൽ ആണെന്ന് തോന്നുന്ന മാനുകളെ വില്പനയ്ക്കായി എറണാകുളം ഹൈക്കോടതി ഗോശ്രീ റോഡരുകിലെ ഫുട്പാത്തിൽ നിരത്തിവെച്ചിരിക്കുന്നു. ഈ പ്രദേശം പുല്ലുപിടിച്ച് കടുകയറിയതിനാൽ മാനുകൾ കാട്ടിൽ നിൽക്കുന്ന പ്രതീതിയാണ്

ആലപ്പുഴയിൽ കൊലചെയ്യപ്പെട്ട എയ്ഞ്ചൽ ജാസ്മിന്റെ മൃതദേഹം മാരാരിക്കുളം തെക്ക് പഞ്ചായത്ത് 15-ാം വാർഡിൽ കുടിയാംശേരി വീട്ടിൽ പൊതുദർശനത്തിന് വച്ചപ്പോൾ പൊട്ടിക്കരയുന്ന ഭർതൃമാതാവ് ഹർഷമ്മ

കേരള സർവ്വകലാശാല രജിസ്ട്രാറെ സെനറ്റ് ഹാളിലെ ഭാരതാംബ വിഷയത്തിൽ സസ്‌പെന്റ് ചെയ്തതിൽ പ്രതിഷേധിച്ച് എസ്.എഫ്.യുടെ നേതൃത്വത്തിൽ നടന്ന രാജ്ഭവൻ മാർച്ചിൽ ബാരിക്കേഡ് ചാടി കടന്ന് രാജ്ഭവന്റെ പ്രധാന ഗേറ്റിലേക്ക് ഓടി കയറാൻ ശ്രമിച്ച പ്രവർത്തകനെ മ്യൂസിയം സി.ഐ എസ്.വിമൽ തടയുന്നു

കോട്ടയം മെഡിക്കൽ കോളേജിലെ കെട്ടിടം തകർന്ന് മരിക്കാനിടയായ സംഭവത്തിൽ പ്രതിഷേധിച്ച് ആരോഗ്യ മേഖലയുടെ തകർച്ചക്ക് കാരണം വീണ വൈറസാണെന്ന് ആരോപിച്ച് പാലക്കാട് ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ സേറ്റഡിയം ബസ് സ്റ്റാന്റിലേക്ക് നടത്തിയ പ്രകടനം .