കാൽനട യാത്രക്കാർക്കും രക്ഷയില്ല... കാൽനടയാത്രക്കാരുടെ മുകളിലേക്ക് ഏതു നിമിഷവും വീഴാവുന്ന രീതിയിൽ നിൽക്കുന്ന ഇരുമ്പ് ഷീറ്റുകൊണ്ട് നിർമിച്ച മതിലും, ഇരുമ്പ് പോസ്റ്റും.ആലപ്പുഴ കോടതിപാലത്തിനു സമീപത്തുനിന്നുള്ള കാഴ്ച

ഇത് ഇവിടെ ഇരിക്കട്ടെ ... ബൈക്കിൽ യാത്ര ചെയ്യുന്ന കുട്ടികൾക്കും ഹെൽമറ്റ് നിർബന്ധമാക്കിയ സാഹചര്യത്തിൽ കുട്ടിക്ക് ഹെൽമെറ്റ് തെരഞ്ഞെടുത്ത് കൊടുക്കുന്ന അച്ഛൻ. തൃശൂർ കുറുപ്പം റോഡിലെ കടയിൽ നിന്നുമുള്ള ചിത്രം.

മാലിന്യത്തിൽ തലപ്പെട്ടു...എറണാകുളം മാർക്കറ്റ് റോഡിനു സമീപം കൂട്ടിയിട്ടിരിക്കുന്ന മാലിന്യത്തിൽ നിന്നും ഭക്ഷണം തിരയുന്ന തെരുവ് നായ

ആക്രി സാധനങ്ങൾ ശേഖരിച്ച് തള്ളുവണ്ടിയിൽ എറണാകുളം പൊന്നുരുന്നി പാലത്തിലൂടെ തള്ളി നീങ്ങുന്ന കാഴ്ച

ഇനി ഉറക്കം... എറണാകുളം എം.ജി. റോ‌‌ഡിൽ പതിവായി വീൽ ചെയറിൽ ഭിക്ഷയെടുത്ത് ജീവിക്കുന്ന അംഗപരിമിതനായ വൃദ്ധൻ കനത്ത ചൂടിനെത്തുട‌ർന്ന് സമീപത്തെ കടയുടെ വരാന്തയിൽ വിശ്രമിക്കുന്നു

സ്നേഹത്തണലിൽ...മഹാരാജാസ് കോളേജിലെ ബിരുദ വിദ്യാർത്ഥിയും ശാരീരിക പരിമിതികളുള്ള വീൽച്ചെയറിലിരിക്കുന്ന ശാദിയയുമായി കോളേജിലേക്ക് നടന്ന് നീങ്ങുന്ന സഹപാഠി അഹ്ബാൻ

ബൈക്കിൽ കുട്ടിയുമായി യാത്ര ചെയ്യുന്ന കുടുംബം.പന്ത്രണ്ട് വയസിൽ താഴെയുള്ള കുട്ടികൾക്ക് എ.ഐ കാമറയിൽ നിന്ന് പിഴ ഒഴിവാക്കിയിട്ടുണ്ട്.നാല് വയസിന് മുകളിലുള്ള കുട്ടികൾകക്ക് ഹെൽമറ്റ് നിർബന്ധമാണ്.കോട്ടയം നഗരത്തിൽ നിന്നുള്ള കാഴ്ച

അടങ്ങാതെ അമ്മമനം... അപകടത്തിൽ മരിച്ച കൊല്ലം സുധിയുടെ ഭൗതികദേഹം കൊല്ലം ചായക്കട മുക്കിലെ വീട്ടിൽ എത്തിച്ചപ്പോൾ പൊട്ടിക്കരയുന്ന അമ്മ ഗോമതി. ഫോട്ടോ: എം.എസ്. ശ്രീധർലാൽ

അപകടത്തിൽ മരിച്ച കൊല്ലം സുധിയുടെ ഭൗതികശരീരം കൊല്ലം ചായക്കട മുക്കിലെ വീട്ടിൽ എത്തിച്ചപ്പോൾ

ലോക പരിസ്ഥിതി ദിനത്തിൽ പീപ്പിൾസ് ലീഗൽ വെൽഫെയർ ഫോറവും കേരള ഫോറസ്റ്റ് ആൻഡ് വൈൽഡ് ലൈഫ് വകുപ്പും ചേർന്ന് മംഗളവനത്തിലെ മരമുത്തശ്ശി മഹാഗണി വൃക്ഷത്തെ ആദരിക്കൽ റിട്ട. ജസ്റ്റിസ് കെ. നാരായണകുറുപ്പ് നിർവഹിച്ചപ്പോൾ. കെ.ആർ. വീണാ ദേവി, സുമേഷ് കൃഷ്ണ, അഡ്വ. ഇ.എം. സുനിൽകുമാർ, കെ.എം. ജിജിമോൻ, അഡ്വ. സി.യു. സംഗീത് തുടങ്ങിയവർ സമീപം

ക്യാമറയിൽ എല്ലാം കാണുന്നു...എ.ഐ ക്യാമറ സ്ഥാപിച്ചതിൽ അഴുമതി ആരോപിച്ച് കോൺഗ്രസ് എറണാകുളം നോർത്ത് ബ്ലോക്ക് കമ്മിറ്റിയുടെ നേതൃത്തത്തിൽ മേനക ഹൈക്കോടതി റോഡിൽ സ്ഥാപിച്ചിരിക്കുന്ന ക്യാമറക്ക് കീഴിൽ റീത്ത് വെക്കുന്ന പ്രവർത്തകൻ

മിഴി തുറന്നിട്ടും.... പ്രവർത്തനം ആരംഭിച്ച എ ഐ ക്യാമറ യുടെ മുന്നിലൂടെ ഹെൽമെറ്റ് ധരിക്കാതെ യാത്ര ചെയുന്ന ഇരുചക്ര യാത്രക്കാർ.ആലപ്പുഴ ശവക്കോട്ട പാലത്തിനു സമീപത്തുനിന്നുള്ള ദൃശ്യങ്ങൾ

മജീഷ്യൻ ഗോപിനാഥ് മുതുകാട് കാസറഗോഡ് ആരംഭിക്കുന്ന ഡിഫറെൻറ് ആർട്ട്‌ സെന്റർ പ്രഖ്യാപന ഉദ്ഘാടന ചടങ്ങിന് കെ. കെ. ശൈലജ ടീച്ചർ എം എൽ എ എത്തിയപ്പോൾ

വിത്തെറിയാം...നദീ സംരക്ഷണ സമിതിയും പ്രകൃതി സംരക്ഷണ വേദിയും റാക്കോയും സംയുക്തമായി വൈറ്റില നെല്ല് ഗവേഷണ കേന്ദ്രത്തിന് പാടത്ത് നടത്തിയ വയൽ നടത്തം

കിഴക്കേക്കോട്ടയിലെ സുനിൽ വാക്സ് മ്യൂസിയത്തിൽ സ്ഥാപിക്കുന്ന കോടിയേരി ബാലകൃഷ്ണന്റെ മെഴുകുപ്രതിമ അദ്ദേഹത്തിന്റെ മരുതംകുഴിയിലെ വസതിയിൽ എത്തിച്ചപ്പോൾ വിതുമ്പുന്ന ഭാര്യ വിനോദിനി.

കോട്ടയം പ്രസ്‌ ക്ലബ്‌ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് എമര്‍ജന്‍സി മെഡിക്കല്‍ സര്‍വീസിന്‍റെ സഹകരണത്തോടെ അടിയന്തര ഘട്ടങ്ങളില്‍ ചെയ്യേണ്ട പ്രഥമ ശുശ്രൂഷകളെ സംബന്ധിച്ച് നടത്തിയ ക്ലാസ്സ്‌ ഉദ്ഘാടനം ചെയ്യാനെത്തിയ തിരുവഞ്ചൂര്‍ രാധാകൃഷ്ണന്‍ എം.എല്‍.എ ഡമ്മിയില്‍ സി.പി.ആര്‍ നല്‍കി നോക്കിയപ്പോള്‍. ഐ.ഐ.ഇ.എം.എസ് ജനറല്‍ മാനേജര്‍ എ.ആര്‍ ഗിരിഷ്, സീനിയര്‍ ഇന്‍സ്ട്രക്ടര്‍ ജിന്‍സി തോമസ്‌ തുടങ്ങിയവര്‍ സമീപം

അത്ര കളറല്ല ജീവിതം... എറണാകുളം മേനകയിലെ കൂറ്റൽ ഫ്ലാറ്റ് പെയിന്റ് അടിക്കുന്ന തൊഴിലാളി. ഇത്തരം ജോലികൾ ചെയ്യുമ്പോൾ തൊഴിലാളികൾക്കായി മികച്ച സുരക്ഷയൊരുക്കണമെന്നാണ് ചട്ടമെങ്കിലും നടപ്പാവാറില്ല

കോട്ടയം കോടിമത പച്ചക്കറി മാർക്കറ്റിന് സമീപമുള്ള മാലിന്യ സംസ്‌കരണ കേന്ദ്രത്തിന്റെ മുൻപിൽ കൂട്ടിയിട്ടിരിക്കുന്ന പ്ലാസ്റ്റിക് മാലിന്യം. കോടിമത എം.ജി റോഡിന്റെ ഇരുവശങ്ങളും മാലിന്യക്കൂമ്പാരമാണ്

ഇന്ന് ലോക പരിസ്ഥിതി ദിനം. റോഡുകളുടെ വി​കസനം അരി​കി​ലെ ചെടി​ത്തണ്ടുകൾക്കു പോലും ഭീഷണി​യാണ്. ഒരു മീറ്റർ കൂടി ഈ റോഡി​ന് വീതി​ കൂട്ടി​യാൽ പി​ന്നീടുണ്ടാവി​ല്ല തണലേകി​ നി​ൽക്കുന്ന മുളങ്കൂട്ടവും പച്ചപ്പുമൊക്കെ.പത്തനംതിട്ട അയിരൂർ കൊറ്റാത്തൂരിൽ റോഡരികിലെ ദൃശ്യം.

അമൃത ആശുപത്രി രജതജൂബിലി ആഘോഷങ്ങളുടെ ഉദ്ഘാടനം കേന്ദ്ര ആഭ്യന്തരമന്ത്രി അമിത്ഷാ ഉദ്ഘാടനം ചെയ്യുന്നു. മന്ത്രിമാരായ പി. പ്രസാദ്,​ വീണ ജോർജ്,​ ഹൈബി ഈഡൻ എം.പി,​ ടി.ജെ. വിനോദ് എം.എൽ.എ,​ മേയർ എം. അനിൽകുമാർ,​ അമൃതാനന്ദമയീമഠം വൈസ് ചെയർമാനും അമൃത വിശ്വവിദ്യാപീഠം പ്രസിഡന്റുമായ സ്വാമി അമൃതസ്വരൂപാനന്ദപുരി,​ അമൃത ഗ്രൂപ്പ് മെഡിക്കൽ ഡയറക്ടർ ഡോ. പ്രേം നായർ എന്നിവർ സമീപം.