എറണാകുളം പാലാരിവട്ടം കണയന്നൂർ യൂണിയൻ ഓഫീസിലെ മതിലിൽ കയറിക്കൂടിയ പൂച്ചകൾ

ഇന്ന് വായനാ ദിനം...ഓൺലൈൻ മാധ്യമങ്ങളും ദൃശ്യ മാധ്യമങ്ങളും സജീവമായെങ്കിലും ഇന്നും വായനയുടെ ലോകം സജീവമാണ്.കോട്ടയം തിരുനക്കരയിൽ റോഡരുകിൽ നിന്ന് പത്രം വായിക്കുന്നയാൾ

വായനാ ദിനത്തോടനുബന്ധിച്ച് എറണാകുളം പബ്ളിക് ലൈബ്രറിയിൽ സ്കൂൾ വിദ്യാർത്ഥികൾ സന്ദർശിച്ചപ്പോൾ

വായനാ ദിനത്തോടനുബന്ധിച്ച് എറണാകുളം പബ്ളിക് ലൈബ്രറിയിൽ സ്കൂൾ വിദ്യാർത്ഥികൾ സന്ദർശിച്ചപ്പോൾ

തൃക്കൊടിത്താനം ചെമ്പുപുറംപാറക്കുളത്തിൽ വീണ് മുങ്ങി മരിച്ച ആദർശിന്റെ മൃതദേഹം വീട്ടിൽ കൊണ്ടുവന്നപ്പോൾ കരയുന്ന അമ്മ ആഷ (വലത്)

കുവൈറ്റിൽ തീപിടിത്തത്തിൽ മരിച്ച പായിപ്പാട് സ്വദേശി ഷിബിൻ വർഗീസിന്റെ മൃതദേഹം പൊതുദർശനത്തിന് വച്ചപ്പോൾ അന്ത്യചുംബനം നൽകുന്ന മകൻ എയ്ഡൻ

കുവൈറ്റിൽ തീപിടുത്തത്തിൽ മരിച്ച ചങ്ങനാശ്ശേരി ഇത്തിത്താനം സ്വദേശി ശ്രീഹരിയുടെ മൃതദേഹം പൊതുദർശനത്തിന് വെച്ചപ്പോൾ വിലപിക്കുന്ന അമ്മ ദീപ.

കുവൈറ്റിൽ തീപിടുത്തത്തിൽ മരിച്ച ചങ്ങനാശ്ശേരി ഇത്തിത്താനം സ്വദേശി ശ്രീഹരിയുടെ സംസ്കാര ചടങ്ങുകൾ നടക്കവേ സമീപത്ത് നിറകണ്ണുകളോട് നിൽക്കുന്ന പിതാവ് പ്രദീപ്.

കുവൈറ്റിൽ തീപിടുത്തത്തിൽ മരിച്ച ചങ്ങനാശ്ശേരി ഇത്തിത്താനം സ്വദേശി ശ്രീഹരിയുടെ മൃതദേഹം സംസ്കരിക്കുന്നതിന് മുന്നേ അന്ത്യചുമ്പനം നൽകി വിലപിക്കുന്ന അമ്മ ദീപയും ബന്ധുക്കളും.

സ്വീകരണം കൊണ്ടു മൂടി...കേന്ദ്ര സഹ മന്ത്രിയായി ചുമതലയേറ്റ ശേഷം ആദ്യമായി കോട്ടയത്ത് എത്തിയ ജോർജ് കുര്യന് ബി.ജെ.പി ജില്ലാ കമ്മിറ്റിയുടെ ആഭിമുഖ്യത്തിൽ കെ.പി.എസ് മേനോൻ ഹാളിൽ നൽകിയ സ്വീകരണ പരിപാടിയിലേക്ക് ആനയിച്ച് കൊണ്ടുവരുന്നു. ബി.ജെ.പി സംസ്ഥാന അധ്യക്ഷൻ കെ.സുരേന്ദ്രൻ ജില്ലാ അധ്യക്ഷൻ ലിജിൻ ലാൽ തുടങ്ങിയവർ സമീപം.

ജില്ലാ സാമൂഹ്യനീതി വകുപ്പും സി.എം.എസ് കോളേജും സംയുക്തമായി കോട്ടയം കെ.എസ്.ആർ.ടി.സി സ്റ്റാൻഡിൽ സംഘടിപ്പിച്ച മുതിർന്ന പൗരന്മാരോടുള്ള അതിക്രമങ്ങൾക്കെതിരെയുള്ള ബോധവൽക്കരണ ദിനാചരണത്തിൻ്റെ ഭാഗമായി നടത്തിയ ഫ്ലാഷ് മോബ്.

ചങ്കായിരുന്നവൻ...കുവൈറ്റിൽ തീപിടിത്തത്തിൽ മരിച്ച ഇത്തിത്താനം സ്വദേശി ശ്രീഹരിയുടെ മൃതദേഹം തുരുത്തി സെന്റ് ജൂഡ് മിഷൻ ആശുപത്രി മോർച്ചറിയിലേക്ക് എത്തിച്ചപ്പോൾ സങ്കടം സഹിക്കാനാവാതെ പൊട്ടിക്കരയുന്ന സുഹൃത്തുക്കൾ

അഭിമാനപൂർവ്വം... കേന്ദ്രസഹമന്ത്രിയായി ചുമതലയേറ്റ ശേഷം ആദ്യമായി നാട്ടിലെത്തിയ ജോർജ് കുര്യൻ ഭാര്യ അന്നമ്മയ്ക്കും ബന്ധുക്കൾക്കുമൊപ്പം ഏറ്റുമാനൂർ നമ്പ്യാകുളത്തെ സെൻ്റ് തോമസ് പള്ളിയിലെ പിതാവിൻറെ കല്ലറയിൽ പ്രാർത്ഥിക്കാൻ എത്തിയപ്പോൾ.

അവിടുത്തെ ഹിതംപോൽ... കേന്ദ്രസഹമന്ത്രിയായി ചുമതലയേറ്റ ശേഷം നാട്ടിലെത്തിയ ജോർജ് കുര്യൻ ഭാര്യ അന്നമ്മയ്ക്കൊപ്പം ഇടവക പള്ളിയായ നമ്പ്യാകുളത്തെ സെൻ്റ് തോമസ് പള്ളിയിലെത്തി പ്രാർത്ഥിക്കുന്നു.

ആളിക്കത്തി ദുഃഖം...കുവൈറ്റിൽ തീപിടുത്തത്തിൽ മരിച്ച ചങ്ങനാശ്ശേരി ഇത്തിത്താനം സ്വദേശി ശ്രീഹരി പി.ജിയുടെ മൃതദേഹം തുരുത്തി സെൻറ് ജൂഡ് മിഷൻ ഹോസ്പിറ്റലിലെ മോർച്ചറിയിൽ വെക്കാൻ കൊണ്ടുവന്നപ്പോൾ മൃതദേഹം കണ്ട് സങ്കടം സഹിക്കാനാവാതെ പൊട്ടിക്കരയുന്ന സഹോദരൻ അർജുനെ സുഹൃത്തുക്കൾ ആശ്വസിപ്പിക്കാൻ ശ്രമിക്കുന്നു.

പ്രതിരോധം തകർത്ത്... എസ്.എഫ്.ഐ കോട്ടയം ജില്ലാ കമ്മിറ്റിയുടെ നേതൃത്വത്തിൽ നീറ്റ് പരീക്ഷയിലെ അപാകതയിൽ കൃത്യമായ അന്വേഷണം നടത്തുക എന്ന ആവശ്യത്തിൽ നടത്തിയ ഹെഡ് പോസ്റ്റോഫീസ് മാർച്ചിനെത്തുടർന്ന് പൊലീസുമായുള്ള ഉന്തിലും തള്ളിലും ഗേറ്റ് തകർന്നു വീണപ്പോൾ അകത്ത് കയറി പോസ്റ്റ് ഓഫീസിൻറെ പടിയിലിരുന്ന് പ്രതിഷേധിക്കുന്ന പ്രവർത്തകർ

ഒത്തുപിടിച്ചാൽ... എസ്.എഫ്.ഐ കോട്ടയം ജില്ലാ കമ്മിറ്റിയുടെ നേതൃത്വത്തിൽ നീറ്റ് പരീക്ഷയിലെ അപാകതയിൽ കൃത്യമായ അന്വേഷണം നടത്തുക എന്ന ആവശ്യത്തിൽ നടത്തിയ ഹെഡ് പോസ്റ്റോഫീസ് മാർച്ചിനെത്തുടർന്ന് പ്രവർത്തകരെ പോലീസ് അറസ്റ്റ് ചെയ്തു നീക്കിയപ്പോൾ

മഴ മൂടിയ കുളിരോടെ... ഇന്നലെ പുലർച്ചെ പെയ്ത മഴയിൽ കുട ചൂടി ബൈക്കിലിരുന്നും നടന്നും ജോലി സ്ഥലങ്ങളിലേക്കും മറ്റും പോകുന്നവർ. നഗമ്പടം ഇറഞ്ഞാൽ റോഡിൽ നിന്നുള്ള കാഴ്ച.

തിരയൊടുങ്ങാത്ത മയക്കം... ട്രോളിംഗ് നിരോധനത്തെ തുടർന്ന് കോഴിക്കോട്‌ പുതിയാപ്പ ഹാർബറിൽ നിർത്തിയിട്ടിരിക്കുന്ന മത്സ്യബന്ധന ബോട്ടുകൾ.

പെരുന്നാൾ ദിനത്തിൽ കോഴിക്കോട് ബീച്ചിൽ അനുഭവപ്പെട്ട തിരക്ക്