മഴയെത്തും മുന്നേ...ഇന്നലെ കൊച്ചി നഗരത്തിൽ കനത്ത മഴ പെയ്യുന്നതിനു മുന്നേ ആകാശത്ത് ഇരുണ്ടു കൂടിയ കാർമേഘം. ഗോശ്രീ പാലത്തിൽ നിന്നുള്ള കാഴ്ച്ച

ആറാടി...ശക്തമായ മഴയിൽ ആലുവ ശിവക്ഷേത്രവും മണപ്പുറവും വെള്ളത്തിൽ മുങ്ങിയപ്പോൾ

ആറാടി...ശക്തമായ മഴയിൽ ആലുവ ശിവക്ഷേത്രവും മണപ്പുറവും വെള്ളത്തിൽ മുങ്ങിയപ്പോൾ

കരയിലേക്ക്...ശക്തമായ മഴയിൽ വെള്ളത്തിലായ ആലുവ മണപ്പുറത്തെ വയലാർ രാമവർമ്മ സ്മൃതിമണ്ഡപത്തിൽ കുടുങ്ങിയ ആളെ ഫയർഫോഴ്സെത്തി രക്ഷിച്ച് കരക്കെത്തിക്കുന്നു

ശ്രീരാമ രാമ രാമ... കർക്കടക കാലത്തെ ദുരിതത്തിന് അറുതി വരുത്താൻ മനസ്സിൽ ഭക്തിയും ചുണ്ടിൽ രാമനാമജപവുമായി രാമായണമാസത്തെ വരവേൽക്കാൻ ഹൈന്ദവ ഭവനങ്ങൾ ഒരുങ്ങി. കോട്ടയം പുതിയ തൃക്കോവിൽ ക്ഷേത്രത്തിനു സമീപത്ത് പ്രണവം വീട്ടിൽ രാമായണ പാരായണം നടത്തുന്ന 87 വയസ്സുള്ള സരസ്വതിയമ്മ.

രാമകഥ കേട്ട്... ഇന്ന് രാമായണ മാസാരംഭം.കോട്ടയം തളിയിൽ ക്ഷേത്രത്തിന് സമീപത്തെ ശ്രീവിലാസ് വീട്ടിൽ രാമായണ പാരായണം നടത്തുന്ന വീട്ടമ്മയും കുട്ടിയും.

സമരമുഖം...പി.എസ്.സി അഴിമതിക്കെതിരെ യുവമോർച്ച കോട്ടയം ജില്ലാ കമ്മിറ്റിയുടെ നേതൃത്വത്തിൽ പി.എസ്.സി ഓഫീസിലേക്ക് നടത്തിയ മാർച്ചിനെ തുടർന്ന് റോഡിലിരുന്ന് പ്രതിഷേധിച്ച് യുവമോർച്ച സംസ്ഥാന സെക്രട്ടറി അധീന ഭാരതിയെ പോലീസ് അറസ്റ്റ് ചെയ്തു നിൽക്കുന്നു

നിറമഴ...നാഗമ്പടം വട്ടമൂട് പാലത്തിൽ നിന്നുള്ള മഴക്കാഴ്ച.

അന്നന്നത്തെ അന്നത്തിനായി മുച്ചക്രവാഹനത്തിൽ ഭാരവുമായി ആലപ്പുഴ നഗരത്തിലൂടെ പോകുന്ന വയോധികനായ തൊഴിലാളിയെ സഹായിക്കുന്ന കാൽനടയാത്രികൻ. എ.വി.ജെ ജംഗ്ഷനിൽ നിന്നുള്ള കാഴ്ച.

ആലപ്പുഴ അമ്പലപ്പുഴ കെ.കെ.കുഞ്ചു പിള്ള സ്മാരക ഗവ.എച്ച്.എസ്.എസ് ൽ നടന്ന പ്ലസ് വൺ തുല്യത പരീക്ഷ എഴുതിയ ശേഷം പുറത്തേക്ക് വന്ന സംസ്ഥാനത്തെ ഏറ്റവും മുതിർന്ന പരീക്ഷാർത്ഥി പി.ഡി.ഗോപിദാസും ഏറ്റവും പ്രായം കുറഞ്ഞ വിദ്യാർത്ഥി ആഷികും പരീക്ഷക്ക് ശേഷം സൗഹൃദം പങ്കിടുന്നു. ജില്ലാ പഞ്ചായത്ത് പ്രസിഡന്റ് കെ.ജി രാജേശ്വരി, ക്ഷേമകാര്യ സ്റ്റാന്റിംഗ് കമ്മിറ്റി അംഗം ആർ. റിയാസ്, സാക്ഷരതാ മിഷൻ ജില്ല കോർഡിനേറ്റർ പ്രകാശ് ബാബു തുടങ്ങിയവർ സമീപം.

പിടിവള്ളിയും പിടിവിടുന്നു.... നിത്യേന വിദ്യാർത്ഥികൾ ഉൾപ്പെടെ നിരവധി ആളുകൾ ആശ്രയിക്കുന്നപാലത്തിന്റെ ഇരുവശവുമുണ്ടായിരുന്ന കൈവരികളിലൊന്ന് പൂർണ്ണമായി ഇല്ലാതായതോടെ മറുവശത്തെ ദ്രവിച്ചുതുടങ്ങിയ കൈവരിയാണ് ഏകയുണ്ടായിരുന്ന പിടിവള്ളി. സിമന്റു തൂണുകൾ പൊട്ടിപൊളിഞ്ഞും, ദ്രവിച്ചുതുടങ്ങിയ കമ്പികൾ പുറത്തേക്ക് തള്ളിയും അപകടാവസ്ഥയിൽ നിൽക്കുന്ന കൈനകരി ചാലേച്ചിറ പാലത്തിൽ ശ്രദ്ധയൊന്ന് പാളിയാൽ അപകടം ഉറപ്പാണ്. ഒരുവശം മാത്രമായി ബാക്കി നിൽക്കുന്ന ദ്രവിച്ചുതുടങ്ങിയ കൈവരികളിൽ ഓരം ചേർന്ന് പിടിച്ച് കയറുന്ന പ്രദേശവാസി

സിറ്റി ഗ്യാസ് പദ്ധതിയുടെ ഭാഗമായി പൈപ്പിടാൻ വെട്ടിപ്പൊളിച്ചിട്ടിരിക്കുന്ന ആലപ്പുഴ നഗരത്തിലെ തിരക്കേറിയ റോഡുകളിലൊന്ന്. പിച്ചുഅയ്യർ ജംഗ്ഷനിൽ നിന്നുള്ള കാഴ്ച

കാറ്റിലും മഴയിലും സംസ്ഥാന പാത ആലപ്പുഴ മുഹമ്മ റോഡിൽ ഡി.സി. ജംഗ്ഷനിൽ റോഡിൽ വാഹനങ്ങൾക്ക് മുകളിലേക്ക് മരം കടപുഴകി വീണപ്പോൾ.

ഇരുണ്ട മേഘങ്ങൾക്കിടയിലൂടെ കടന്ന് പോകുന്ന നേവിയുടെ ജെറ്റ് വിമാനം

എറണാകുളം ജോസ് ജംഗ്ഷനിലെ രാത്രി കാഴ്ച. ക്യാമറയിലെ ലോംഗ് എക്പോഷർ ഉപയോഗിച്ചെടുത്ത ചിത്രം

പത്തനംതിട്ട റിംഗ് റോഡിൽ നിന്ന് കേരളകൗമുദി റോഡിൽ അതിശക്തമായ മഴയിൽ കരങ്കൽകെട്ട് ഇടിഞ്ഞ് വീണപ്പോൾ

വഞ്ചിപൊയ്യിക പുത്തമ്പിള കുഞ്ഞുമോന്റെ വീടിന്റെ മുകളിലേക്ക് മാവ് കാറ്റത്ത് കടപുഴകി വീടിന്റെ മുകളിലേക്ക് വീണപ്പോൾ കുഞ്ഞുമോനും ഭാര്യയും അത്ഭുതകരമായി രക്ഷപ്പെട്ടു

ഗുണ്ടാ സംഘങ്ങളെയും, കാപ്പ പ്രതികളെയും, ലഹരി മാഫിയകളെയും സംരക്ഷിക്കുന്ന ആരോഗ്യ മന്ത്രി വീണാ ജോർജ് രാജിവയ്ക്കണമെന്നാവിശപ്പെട്ട് പത്തനംതിട്ട കോൺഗ്രസ് കമ്മറ്റിയുടെ ആഭിമുഖ്യത്തിൽ മന്ത്രി വീണാ ജോർജിന്റെ ഓഫിസിലേക്കു നടത്തിയ മാർച്ച്.

പത്തനംതിട്ട   മിനിസിവിൽ   സ്റ്റേഷനുമുന്നിൽ   പൈപ്പ്   പൊട്ടി   വഴിയിലുണ്ടായ   വലിയ   കുഴി.

പത്തനംതിട്ട  പെരിങ്ങമലയിൽ   റോഡിലെ   ഇലക്ട്രിക്ക്   ലൈനിലേക്ക്   മരക്കമ്പ്  ഒടിഞ്ഞുവീണ്  പോസ്റ്റുകൾ   വഴിയിലേക്ക്     മറിഞ്ഞുവീണപ്പോൾ.