ആളിക്കത്തി ദുഃഖം...കുവൈറ്റിൽ തീപിടുത്തത്തിൽ മരിച്ച ചങ്ങനാശ്ശേരി ഇത്തിത്താനം സ്വദേശി ശ്രീഹരി പി.ജിയുടെ മൃതദേഹം തുരുത്തി സെൻറ് ജൂഡ് മിഷൻ ഹോസ്പിറ്റലിലെ മോർച്ചറിയിൽ വെക്കാൻ കൊണ്ടുവന്നപ്പോൾ മൃതദേഹം കണ്ട് സങ്കടം സഹിക്കാനാവാതെ പൊട്ടിക്കരയുന്ന സഹോദരൻ അർജുനെ സുഹൃത്തുക്കൾ ആശ്വസിപ്പിക്കാൻ ശ്രമിക്കുന്നു.

പ്രതിരോധം തകർത്ത്... എസ്.എഫ്.ഐ കോട്ടയം ജില്ലാ കമ്മിറ്റിയുടെ നേതൃത്വത്തിൽ നീറ്റ് പരീക്ഷയിലെ അപാകതയിൽ കൃത്യമായ അന്വേഷണം നടത്തുക എന്ന ആവശ്യത്തിൽ നടത്തിയ ഹെഡ് പോസ്റ്റോഫീസ് മാർച്ചിനെത്തുടർന്ന് പൊലീസുമായുള്ള ഉന്തിലും തള്ളിലും ഗേറ്റ് തകർന്നു വീണപ്പോൾ അകത്ത് കയറി പോസ്റ്റ് ഓഫീസിൻറെ പടിയിലിരുന്ന് പ്രതിഷേധിക്കുന്ന പ്രവർത്തകർ

ഒത്തുപിടിച്ചാൽ... എസ്.എഫ്.ഐ കോട്ടയം ജില്ലാ കമ്മിറ്റിയുടെ നേതൃത്വത്തിൽ നീറ്റ് പരീക്ഷയിലെ അപാകതയിൽ കൃത്യമായ അന്വേഷണം നടത്തുക എന്ന ആവശ്യത്തിൽ നടത്തിയ ഹെഡ് പോസ്റ്റോഫീസ് മാർച്ചിനെത്തുടർന്ന് പ്രവർത്തകരെ പോലീസ് അറസ്റ്റ് ചെയ്തു നീക്കിയപ്പോൾ

മഴ മൂടിയ കുളിരോടെ... ഇന്നലെ പുലർച്ചെ പെയ്ത മഴയിൽ കുട ചൂടി ബൈക്കിലിരുന്നും നടന്നും ജോലി സ്ഥലങ്ങളിലേക്കും മറ്റും പോകുന്നവർ. നഗമ്പടം ഇറഞ്ഞാൽ റോഡിൽ നിന്നുള്ള കാഴ്ച.

തിരയൊടുങ്ങാത്ത മയക്കം... ട്രോളിംഗ് നിരോധനത്തെ തുടർന്ന് കോഴിക്കോട്‌ പുതിയാപ്പ ഹാർബറിൽ നിർത്തിയിട്ടിരിക്കുന്ന മത്സ്യബന്ധന ബോട്ടുകൾ.

പെരുന്നാൾ ദിനത്തിൽ കോഴിക്കോട് ബീച്ചിൽ അനുഭവപ്പെട്ട തിരക്ക്

കോൺഗ്രസ്‌ കോട്ടയം ഈസ്റ്റ്‌ ,വെസ്റ്റ് ബ്ലോക്ക്‌ കമ്മിറ്റികളുടെ ആഭിമുഖ്യത്തിൽ കുവൈറ്റ് ദുരന്തത്തിൽ മരിച്ചവർക്ക് തിരുനക്കര ഗാന്ധി സ്‌ക്വയറിൽ തിരുവഞ്ചൂർ രാധാകൃഷ്ണൻ എം.എൽ.എയുടെ നേതൃത്വത്തിൽ മെഴുകുതിരി കത്തിച്ച് ആദരാഞ്ജലികൾ അർപ്പിക്കുന്നു

മടങ്ങി വരവും കാത്തു ...കെ.എസ്.ആർ.ടി.സി ലോഫ്ലോർ ബസ്സ് ഇടിച്ച് തകർന്ന തൃശൂർ ശക്തൻ തമ്പുരാൻ പ്രതിമ പുനർനിർമാണത്തിനായി തിരുവനന്തപുരത്തേക്ക് കൊണ്ടുപോകുന്നത് പ്രതിമയുടെ ശില്പി കുന്നുവിള മുരളി വീക്ഷിക്കുന്നു.

വായന കൂട്ടിൽ...കാണാത്ത ലോകം കാണിക്കുകയും കേൾക്കാത്ത ശബ്ദം കേൾപ്പിക്കുകയും ചെയ്യുന്ന മാന്ത്രികതയുടെ ഒരു വായന ദിനവും കൂടി.വർഷങ്ങളായി വരാന്തയിൽ സെക്കൻഡ് ഹാൻഡ് പുസ്തകങ്ങൾ വില്പന നടത്തുന്ന തൃശൂർ മോഡൽ ഗേൾസ് സ്കൂളിന് സമീപത്തുള്ള നിന്നുമുള്ള ചിത്രം.

കുവൈറ്റിൽ ഫ്ലാറ്റിലുണ്ടായ തീപിടുത്തത്തിൽ മരണമടഞ്ഞ ചങ്ങനാശ്ശേരി ഇത്തിത്താനം സ്വദേശി ശ്രീഹരിയുടെ വീട്ടിലെത്തിയ മന്ത്രി വി.എൻ.വാസവൻ അച്ഛൻ പ്രദീപിനെ ആശ്വസിപ്പിക്കുന്നു.സി.പിഎം.ജില്ലാ സെക്രട്ടറി എ.വി.റസൽ സമീപം

ആറ്റിൽ തന്നെ ഒഴുക്കാം.... മീനച്ചിലാറ്റിൽ താഴത്തങ്ങാടി പാലത്തിനടിയിൽ അടിഞ്ഞുകൂടിയ മുളയും മരക്കൊമ്പുകളും ഉൾപ്പടെയുള്ള മാലിന്യങ്ങൾ ജെസിബി ഉപയോഗിച്ച് ഒഴുക്കി വിടുന്നു

സമരാവേശം... മദ്യനയ അഴിമതിയിൽ മന്ത്രിമാരായ എം.ബി. രാജേഷും മുഹമ്മദ് റിയാസും രാജിവെയ്ക്കണമെന്നാവശ്യപ്പെട്ട് യൂത്ത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ കോട്ടയം കളക്ട്രേറ്റിലേക്ക് നടത്തിയ മാർച്ചിനിടയിൽ മണ്ഡലം പ്രസിഡൻ്റ് വിനീത അന്ന തോമസ് ബാരിക്കേഡിൽ അള്ളി പിടിച്ച് കയറുന്നു

നൊമ്പര കാഴ്ച...കുവൈറ്റിൽ ഫ്ലാറ്റിൽ ഉണ്ടായ തീപിടുത്തത്തിൽ മരിച്ച പാമ്പാടി സ്വദേശി സ്റ്റെഫിൻ ഏബ്രഹാമിൻറെ മൃതദേഹം കോട്ടയം മന്ദിരം ആശുപത്രിയുടെ മോർച്ചറിയിലേക്കെത്തിക്കുമ്പോൾ ജനാലയിൽ കൂടി സങ്കടത്തോടെ നോക്കിനിൽക്കുന്ന ജീവനക്കാർ

നിയുക്ത എം.പി. ഷാഫി പറമ്പിൽന് പാലക്കാട് ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ ഓലവക്കോട് നൽകിയ സ്വീകരണത്തിൽ പ്രവർത്തകർ സമ്മാനിച്ച ഉമ്മൻ ചാണ്ടിയുടെ ഫോട്ടോ ഉയർത്തികാണിക്കുന്നു.

യെമനിൽ വധ ശിക്ഷക്ക് വിധിക്കപ്പെട്ട് കഴിയുന്ന നിമിഷ പ്രിയ ആക്ഷൻ കൗൺസിലിന്റെ നേതൃത്വത്തിൽ പാലക്കാട് പ്രസ്സ് ക്ലബിൽ നടന്ന വാർത്താ സമ്മേളനത്തിൽ യെമനിൽ നിന്ന് അമ്മ ഓൺ ലൈനിൽ സംസാരിക്കുന്നത് മാധ്യമക്കൾക്ക് കാണിക്കുന്നു മൂസ മാസ്റ്റർ.

ഒരു ചാൺ വയറിന്...കേരളത്തിന്റെ തെരുവുകളിൽ ഒരു നേരത്തെ ആഹാരത്തിനായി അലയുന്ന ഒരുപാട് വൃദ്ധരായ ആളുകൾ ഉണ്ട് മകൾ ഉപേക്ഷിച്ചു പോയവരും അനാഥരായവരുമാണ് അധികവും. കലൂർ ജംഗ്ഷനിൽ സിഗ്നൽ കാത്തു കിടക്കുന്ന വാഹനങ്ങളിൽ ഭിക്ഷയാചിക്കുന്ന വൃദ്ധൻ

നിയുക്ത എം.പി. ഷാഫി പറമ്പിൽന് പാലക്കാട് ജില്ലാ കോൺഗ്രസ് കമ്മിറ്റി ഒലവക്കോട് നൽകിയ സ്വീകരണത്തിൽ പ്രവർത്തകരെ അഭിവാദ്യം ചെയുന്നു.

കിഴക്കമ്പലം സെന്റ് ആന്റണീസ് പബ്ളിക് സ്കൂളിലെ മേരി ആൻ എന്ന കുതിര പ്രസവിച്ച കുഞ്ഞ്. വിദ്യാർത്ഥികൾക്ക് റൈഡിംഗ് പഠിപ്പിക്കുന്നതിനായി കോയമ്പത്തൂരിൽ നിന്നു വാങ്ങിയ കുതിരയാണ് കഴിഞ്ഞദിവസം പെൺകുഞ്ഞിന് ജന്മം നൽകിയത്

പാണാവള്ളിയിൽ നിന്ന് പെരുമ്പളത്തേക്കുള്ള ജലഗതാഗത വകുപ്പിന്റെ ബോട്ട് സർവീസ്

ബലിപെരുന്നാൾ ദിനത്തിൽ നടൻ മമ്മൂട്ടി കടവന്ത്ര സലഫി ജുമാമസ്ജിദിൽ നമസ്ക്കാരത്തിനെത്തിയപ്പോൾ