പൂരമേ... ആവേശമേ... തൃശൂർ പൂരത്തിന് വിളംബരമുണർത്തി നെയ്തലക്കാവിലമ്മയുടെ തിടമ്പേറ്റിയ എറണാക്കുളം ശിവക്കുമാർ വടക്കുംനാഥക്ഷേത്രത്തിലെ തെക്കേ ഗോപുര നട തുറന്ന് പുറത്തേക്ക് എഴുന്നള്ളുന്നു.

കരുതലും കഷ്ടപ്പാടും... കോട്ടയം ബേക്കർ മെമ്മോറിയൽ എൽ.പി. സ്കൂളിലെ കൊവിഡ് വാക്സിനേഷൻ സ്ഥിരം കേന്ദ്രത്തിൽ തിരക്ക് കൂടിയതിനെ തുടർന്ന് ടോക്കൺ ഉള്ളവരെ മാത്രം പൊലീസിന്റെ നിയന്ത്രണത്തിൽ അകത്തേക്ക് കടത്തിവിടുന്നു.

അകലം പാലിച്ച്... കോട്ടയം ബേക്കർ എൽ.പി.സ്കൂളിലെ കൊവിഡ് വാക്സിനേഷൻ കേന്ദ്രത്തിൽ കാത്ത് നിൽക്കുന്നവർ.

കൊവിഡിൻ്റെ പശ്ചാത്തലത്തിൽ തൃശൂർ സ്വാരാജ് റൗണ്ടിനു സമീപം കൂട്ടംകൂടി നിൽക്കുന്നവരെ തിരിച്ചയക്കുന്ന പൊലീസ്.

കോവിഡ് വാക്‌സിനേഷൻ ഓൺലൈനിൽ രജിസ്റ്റർ ചെയ്തവർക്ക് മാത്രമായി പരിമിതപ്പെടുത്തിയത് അറിയാതെ ജനറൽ ആശുപത്രിയിൽ വാക്‌സിൻ എടുക്കാൻ എത്തിയവരുടെ തിരക്ക്.

അതിജീവനം തേടി... കോട്ടയം പാറമ്പുഴ പ്രാഥമികാരോഗ്യ കേന്ദ്രത്തിൽ വാക്‌സിനെടുക്കുവാനായി മകൾ അന്നമ്മ സ്കറിയ കിടപ്പുരോഗിയായ ഇടക്കാട്ട് വീട്ടിൽ സ്കറിയ വി.കെയെ (82) കൊണ്ടുവന്നപ്പോൾ. എന്നാൽ രജിസ്റ്റർ ചെയ്തതിലെ അപാകത മൂലം ഇവർക്ക് വാക്‌സിനെടുക്കാതെ മടങ്ങേണ്ടി വന്നു.

കലികാലത്തേരിലേറി... കോട്ടയം പാറമ്പുഴ പ്രാഥമികാരോഗ്യ കേന്ദ്രത്തിൽ വാക്‌സിനെടുക്കുവാനായി മകൾ അന്നമ്മ സ്കറിയ ഓട്ടോയിലെത്തിച്ച കിടപ്പുരോഗിയായ ഇടക്കാട്ട് വീട്ടിൽ സ്കറിയ വി.കെയെ (82) കസേരയിലിരുത്തി എടുത്തുകൊണ്ട് വരുന്നവർ. എന്നാൽ രജിസ്റ്റർ ചെയ്തതിലെ അപാകത മൂലം ഇവർക്ക് വാക്‌സിനെടുക്കാതെ മടങ്ങേണ്ടി വന്നു.

തൃശൂർ പൂരത്തിന് വിളംബരം കുറിച്ച് കൊണ്ട് തേക്കേ ഗോപുര നട തുറക്കാൻ എറണാക്കുളം ശിവകുമാർ എഴുന്നള്ളുന്നു.

തിരുവനന്തപുരം ജനറൽ ആശുപത്രിയിൽ കൊവിഡ് വാക്‌സിൻ എടുക്കുന്നതിനായി ഓൺലൈൻ രജിസ്റ്റർ ചെയ്തവർ കാത്തുനിൽക്കുന്നു.

കോവിഡ് വ്യാപനതെ തുടർന്ന് മലമ്പുഴ ഡാം മുന്നിൽ പാലക്കാട് ജില്ലാ ആശുപുത്രിയുടെ സഞ്ചരിക്കുന്ന കൊവിഡ് പരിശോധന വാഹനത്തിൽ ആൻ്റീജെൻ ടെസറ്റ് ചെയുന്ന യുവാവ്. 300 രൂപയാണ് ഫീസ്. കൊവിഡ് ടെസറ്റ് കഴിഞ്ഞവർക്ക് മാത്രമെ ഉദ്യാനത്തിൽ പ്രവേശനം അനുവദിക്കു.

കൊവിഡ് വ്യാപനം തടയാൻ സംസ്ഥാനതലത്തിൽ ആരോഗ്യ വകുപ്പ് നടത്തുന്ന പരിശോധനയുടെ ഭാഗമായി കോട്ടയം ചന്തക്കടവിലെ പ്രത്യേക ബൂത്തിൽ സ്രവസാമ്പിൾ എടുക്കുന്നു.

കൊവിഡ് വ്യാപനം രൂക്ഷമായ സാഹചര്യത്തിൽ സുരക്ഷാനടപടികൾ കർശനമാക്കുന്നതിന്റെ ഭാഗമായി പൊലീസ് പാളയം മാർക്കറ്റിൽ നടത്തിയ പരിശോധനയിൽ കൊവിഡ് മാനദണ്ഡങ്ങളെ പറ്റി നിർദേശങ്ങൾ നൽകുന്നതിനിടെ സാനിറ്റൈസർ ഉയർത്തി കാണിക്കുന്ന മത്സ്യവിൽപ്പനക്കാരി.

കൊവിഡ് വ്യാപനം രൂക്ഷമായ സാഹചര്യത്തിൽ സുരക്ഷാനടപടികൾ കർശനമാക്കുന്നതിന്റെ ഭാഗമായി പൊലീസ് പാളയം മാർക്കറ്റിൽ നടത്തിയ പരിശോധനയിൽ കൊവിഡ് മാനദണ്ഡങ്ങളെ പറ്റി നിർദേശങ്ങൾ നൽകുന്നതിനിടെ തങ്ങൾ കൊവിഡ് മാനദണ്ഡങ്ങൾ പാലിച്ചാണ് കച്ചവടം നടത്തുന്നത് എന്ന് പറയുന്ന മത്സ്യ തൊഴിലാളികൾ.

തൃശൂർ പൂരം സുരക്ഷയുടെ ഭാഗമായി ഫയർഫോഴ്സിൻ്റെ ആഭിമുഖ്യത്തിൽ വടക്കുനാഥ ക്ഷേത്രത്തിന്റെ തേക്കേ ഗോപുരനടയിൽ സംഘടിപ്പിൽ ട്രയൽ.

മിന്നല്ലോടെ സാമ്പിൾ... തൃശൂർ പൂരത്തോടനുബന്ധിച്ച് തേക്കിൻക്കാട് മൈതാനിയിൽ നടന്ന പ്രതീകാത്മക സാമ്പിൾ വെടിക്കെട്ടിൽ കുഴിമിന്നൽ പൊട്ടിച്ചപ്പോൾ. തിരുവമ്പാടി, പാറമേക്കാവ് വിഭാഗങ്ങൾ ഓരോ കുഴി മിന്നൽ വീതമാണ് പൊട്ടിച്ചത്.

ഒന്നാം ഘട്ടം... കോട്ടയം ബേക്കർ മെമ്മോറിയൽ എൽ.പി. സ്കൂളിലെ കൊവിഡ് വാക്സിനേഷൻ സ്ഥിരം കേന്ദ്രത്തിൽ തിരക്ക് കൂടിയതിനെ തുടർന്ന് ടോക്കൺ ഉള്ളവരെ മാത്രം പൊലീസിന്റെ നേതൃത്വത്തിൽ അകത്തേക്ക് കത്തിവിടുന്നു.

പാലക്കാട് ഗവ: മോയൻസ് യു.പി. സ്കൂളിൽ കൊവിഡ് വാക്സിൻ എടുത്ത് പുറത്ത് വരുന്നവർ.

പാലായനം... കൊവിഡ് വ്യാപനത്തിൻ്റെ സാഹചര്യത്തിൽ കേരളത്തിൽ നിന്ന് ഇതര സംസ്ഥാനങ്ങളിലേക്ക് കൂട്ടത്തോടെ പോകുന്നവർ. കേരള തമിഴ്നാട് അതിർത്തിയായ വാളയാറിൽ നിന്നുള്ള കാഴ്ച്ച.

കൊവിഡ് വ്യാപനം രൂക്ഷമായ സാഹചര്യത്തിൽ രണ്ടാം ദിവസവും പൊലീസ് നടത്തിയ പരിശോധനയിൽ മാസ്ക് ശരിയായ രീതിയിൽ ധരിക്കാത്തവർക്കെതിരെ പൊലീസ് പിഴയീടാക്കുന്നു. പാളയത്ത് നിന്നുള്ള കാഴ്ച്ച.

ജിമ്മി ജോർജ് സ്റ്റേഡിയത്തിൽ രണ്ടാം ദിവസവും വാക്‌സിനേഷൻ മുടങ്ങിയതിനെ തുടർന്ന് വാക്‌സിൻ എടുക്കാൻ എത്തിയ ആളിന് വാക്‌സിൻ ലഭ്യമാകുന്ന കേന്ദ്രങ്ങളുടെ ലിസ്റ്റ് കാണിച്ചു കൊടുക്കുന്ന സെക്യൂരിറ്റി ജീവനക്കാരൻ.