റിപ്പബ്ളിക് ദിനാഘോഷച്ചടങ്ങുകളുടെ മുന്നോടിയായി തിരുവനന്തപുരം സെൻട്രൽ സ്‌റ്റേഡിയത്തിൽ വിവിധ സേനകളുടെ പരിശീലന പരേഡ്.
നാളെയുടെ കരുതൽ... കോട്ടയം എം.ടി സെമിനാരി എച്ച്.എസ്.എസ് മൈതാനത്ത് നടന്ന ജില്ലയിലെ വനിതാ സിവില്‍ എക്‌സൈസ് ഓഫീസര്‍ തസ്തികയിലേക്കുള്ള തിരഞ്ഞെടുപ്പിൽ കായികക്ഷമതാ പരീക്ഷയിൽ കാലിന് പരിക്കേറ്റ ഉദ്യോഗാർത്ഥിയെ ശുശ്രൂഷിക്കുന്ന സഹഉദ്യോഗാർത്ഥി.
തൃശുർ കോർപറേഷൻ പുല്ലഴി ഡിവിഷനിൽ വിജയിച്ച യു.ഡി.എഫ് സ്ഥാനാർത്ഥി കെ.രാമനാഥനെ എടുത്തുയർത്തി ആഹ്ലാദം പങ്കുവക്കുന്ന പ്രവർത്തകർ.
തിരുവനന്തപുരം കെ.പി.സി.സി ആസ്‌ഥാനത്ത് നടന്ന ഉമ്മൻ ചാണ്ടി നിയമസഭയിലെ അമ്പതാണ്ടുകൾ പുസ്തകത്തിന്റെ പ്രകാശനത്തിനെത്തിയ കെ.പി.സി.സി പ്രസിഡന്റ് മുല്ലപ്പളളി രാമചന്ദ്രനും ഉമ്മൻചാണ്ടിയും.
കാക്കിയ്ക്കുളളിലെ കാരുണ്യ ഹസ്‌തം... വിവിധ രാഷ്ട്രീയ സംഘടനകൾ നടത്തിയ നിയമസഭാ മാർച്ചിന് മുന്നോടിയായി നിയമസഭയ്ക്ക് മുന്നിലെ പ്രധാന റോഡ് പൊലീസ് ബാരിക്കേഡ് ഉപയോഗിച്ച് കെട്ടി അടച്ചപ്പോൾ അതുവഴി തലച്ചുമടുമായ് എത്തിയ വയോധികയെ ബാരിക്കേടിനും ഇലക്ട്രിക്ക് പോസ്റ്റിനും ഇടയിലൂടെ കടത്തി വിടുവാൻ ശ്രമിക്കുന്ന പൊലീസ് സേനാംഗം.
സ്വർണ്ണക്കടത്ത് കേസിൽ സ്പീക്കർ രാജിവയ്‌ക്കുക എന്നാവശ്യപ്പെട്ട് യൂത്ത് കോൺഗ്രസിന്റെ അഭിമുഖ്യത്തിൽ നടത്തിയ നിയമസഭാ മാർച്ചിൽ പങ്കെടുത്ത പ്രവർത്തകർക്ക് നേരെ പൊലീസ് നടത്തിയ ജലപീരങ്കി പ്രയോഗം.
കർഷകർ നടത്തി വരുന്ന സമരത്തിന് ഐക്യദാർഢ്യം പ്രഖ്യാപിച്ച് എസ്.എഫ്.ഐ പാളയം ഏരിയ കമ്മിറ്റിയുടെ നേതൃത്വത്തിൽ നടത്തിയ ഏജീസ് ഓഫീസ് മാർച്ച്.
സംസ്ഥാന ബഡ്ജറ്റിൽ നെൽകർഷകരോടുള്ള അവഗണനക്കെതിരെ ബി.ഡി.ജെ.എസ് പാലക്കാട് സ്റ്റേഡിയം ബസ് സ്റ്റാൻ്റിൽ സംഘടിപ്പിച്ച ധർന്ന സംസ്ഥാന വൈസ് പ്രസിഡൻ്റെ എ.എൻ. അനുരാഗ് ഉദ്ഘാടനം ചെയുന്നു.
അഗ്നിയുടെ ഇടനാഴിയിൽ... കോട്ടയം കളത്തിപ്പടിക്ക് സമീപം ചെമ്പോലയിൽ ദുരൂഹ സാഹചര്യത്തിൽ തീപിടുത്തമുണ്ടായ ജീനയുടെ വീടിൻറെ അടുക്കളയിലെ അടുപ്പിൽ തീ കത്തിക്കാൻ ഉപയോഗിച്ച പേപ്പർ കഷ്ണവും കത്തിക്കരിഞ്ഞ ഫ്രിഡ്‌ജും.
ഭദ്രമീ നിദ്ര... മനുഷ്യമനസിനെ ഞെട്ടിക്കുന്ന കൊടും ക്രൂരതകൾ മാതാപിതാക്കളോട് തുടർന്നുകൊണ്ടിരിക്കുന്ന നമ്മുടെ നാട്ടിൽ മക്കളാൽ ഉപേക്ഷിക്കപ്പെട്ടവരും അനാഥരുമായ നിരവധി വയോജനങ്ങളാണ് തെരുവിൽ അഭയം പ്രാപിക്കുന്നത്. കാരുണ്യത്തിൻറെ കരങ്ങൾ നീട്ടുന്ന ഭക്ഷണത്തിൽ സംതൃപ്തരായി പലരും കടത്തിണ്ണകളുടെയും മറ്റും തണലിൽ ആരെയും ഭയക്കാതെ സുഖമായി ഉറങ്ങുന്നു. കോട്ടയം തിരുനക്കര മൈതാനത്തിൻറെ പവലിയനിൽ സ്വസ്ഥമായി മയങ്ങുന്ന വൃദ്ധൻ.
വെയിലൊത്തൊരു വെൽഡിംഗ്... കെട്ടിടത്തിന്റെ മുകളിൽ ട്രെസ്‌ പണിയാൻ വെൽഡ് ചെയ്യുന്ന തൊഴിലാളി. കോട്ടയം മണർകാട് നിന്നുള്ള കാഴ്ച.
വഴി അടഞ്ഞ്... തൃശൂർ മോത്തി മഹൽ ഹോട്ടലിൽ സംഘടിപ്പിച്ച എൻ.സി.പി നേതൃത്വ യോഗത്തിൽ പങ്കെടുക്കുന്ന പാർട്ടി സംസ്ഥാന അധ്യക്ഷൻ ടി.പി. പീതാംബരൻമാസ്റ്റർ.
കേരള യൂണിവേഴ്സിറ്റിയിൽ താൽക്കാലിക സെക്ക്യുരിറ്റി ജീവനക്കാരായ തൊഴിലാളികളെ സ്ഥിരപ്പെടുത്തുക എന്ന ആവശ്യം ഉന്നയിച്ച് കേരള യൂണിവേഴ്സിറ്റി സെക്ക്യുരിറ്റി സ്റ്റാഫ് മേഖലാ കമ്മിറ്റിയുടെ നേതൃത്വത്തിൽ കേരള യൂണിവേഴ്സിറ്റി ആസ്ഥാനമന്ദിരത്തിനു മുന്നിൽ നടത്തിയ രാപ്പകൽ സമരം.
റെയിൽവെ സ്വകാര്യവൽക്കരണത്തിനെതിരെ സി.സി.ആർ.ടി.യുവിന്റെ നേതൃത്വത്തിൽ തിരുവനന്തപുരം ഡി.ആർ.എം ഓഫീസിനു മുന്നിൽ നടത്തിയ ഏകദിന നിരാഹാര സമരം.
കൂളായി മയങ്ങി... വഴിയരികിൽ കെട്ടിക്കിടക്കുന്ന വെള്ളത്തിൽ കിടന്ന് വിശ്രമിക്കുന്ന നായ. കോട്ടയം തെള്ളകത്ത് നിന്നുള്ള കാഴ്ച.
തിരഞ്ഞെടുപ്പ് നടന്ന തൃശൂർ കോർപറേഷൻ പുല്ലഴി ഡിവിഷനിലെ പോളിംഗ് സ്റ്റേഷനായ ലിറ്റിൽ ഫ്ലവർ ഗേൾസ് ഹൈസ്ക്കുളിൽ അറിയിപ്പ് ഫോറം എൻ7 ഒട്ടിക്കുന്ന തിരഞ്ഞെടുപ്പ് ഉദ്യോഗസ്ഥർ.
നിർമ്മാണത്തിനിടെ പാറ വീണ് കുതിരാൻ തുരങ്കത്തിൻ്റെ തകർന്നത് അന്വേഷിക്കുന്ന ടി.എൻ. പ്രതാപൻ എം.പി, കെ.പി.സി.സി ജനറൽ സെക്രട്ടറി അഡ്വ. ഷാജി കൊടങ്കണ്ടത്ത് തുടങ്ങിയവർ.
നവികരണ പ്രവർത്തനങ്ങളുടെ ഭാഗമായി പാലക്കാട് ടിപ്പു സുൽത്താൻ കോട്ടയുടെ ചുറ്റുമുള്ള പാഴ്ചെടിക്കൾ വെട്ടി വൃത്തിയാക്കുന്ന തൊഴിലാളി.
ഇടയ പാതയിൽ... കോട്ടയം ചാലുകുന്ന് സി.എസ്.ഐ ഹോളി ട്രിനിറ്റി കത്തീഡ്രലിൽ സഭാ മോഡറേറ്റർ ബിഷപ് എ. ധർമ്മരാജ് റസാലാമിൻറെ മുഖ്യകാർമികത്വത്തിൽ സി.എസ്.ഐ മദ്ധ്യകേരള മഹായിടവകയുടെ പതിമൂന്നാമത് ബിഷപ്പായി റവ. ഡോ. സാബു കെ. ചെറിയാനെ സ്ഥാനാഭിഷേകം ചെയ്യുന്നു.
വളയിട്ട ചങ്ങല... ദേശീയ കർഷക സമരത്തിന് ഐക്യദാർഢ്യം പ്രഖ്യാപിച്ചുകൊണ്ട് ഇടതു മഹിളാ സംഘടനകളുടെ നേതൃത്വത്തിൽ കോട്ടയം നഗരത്തിൽ നടത്തിയ മനുഷ്യച്ചങ്ങലയിൽ പ്രതിജ്ഞ ചൊല്ലിക്കൊടുത്തപ്പോൾ.
  TRENDING THIS WEEK
കവിതകളുടെ വഴിയിലൂടെ... ധനമന്ത്രി തോമസ് ഐസക്കിൻ്റെ ബഡ്ജറ്റ് അവതരണം പാലക്കാട് കുഴൽമന്ദം ഗവ: ഹൈസ്ക്കുള്ളിലെ എട്ടാം ക്ലാസ് വിദ്ധിയാർത്ഥിയായ സ്നേഹയുടെ കവിത ചെല്ലിയാണ് ആരംഭിച്ചത്.
എറണാകുളം ജനറൽ ആശുപത്രിയിൽ ആദ്യ കൊവിഡ് വാക്സിൻ സ്വീകരികരിച്ച ഡോ. ജോസ് ചാക്കോ പെരിയപുറം.
ഹെൽമെറ്റ് തോളിൽ തൂകി ബൈക്ക് ഓടിച്ചു പോകുന്ന യുവാവ്. വെള്ളയമ്പലത്ത് നിന്നുളള കാഴ്ച.
ഗുവാഹട്ടിയിൽ നടക്കുന്ന നാഷണൽ അത്‌ലറ്റിക് മീറ്റിലേക്കായി കാലിക്കറ്റ് യൂണിവേഴ്സിറ്റി സിന്തറ്റിക് ട്രാക്കിൽ നടക്കുന്ന സെലക്ഷൻ ട്രയൽസ്.
കൊവിഡ് വാക്‌സിൻ സ്വീകരിക്കാനായി തിരുവനന്തപുരം പാങ്ങപ്പാറ പ്രാഥമിക ആരോഗ്യ കേന്ദ്രത്തിലെ കാത്തിരിപ്പ് കേന്ദ്രത്തിനു മുന്നിൽ അകലം പാലിച്ച് വരി നിൽക്കുന്ന ആരോഗ്യ പ്രവർത്തകർ.
സ്നേഹയെ ഓൾ കേരള ഫോട്ടോഗ്രാഫഴ്സ് അസോസിയേഷൻ സംസ്ഥാന സമിതിയംഗം ഷാജി ദർശന ഉപഹാരം നൽകി ആദരിക്കുന്നു. സമീപം മാതാപിതാക്കളും ഫോട്ടോഗ്രാഫോഴ്സും. സംസ്ഥാന ബഡ്ജറ്റ് അവതരണത്തിൽ മന്ത്രി തോമസ് ഐസക്ക് കുഴൽമന്ദം ഗവ: ഹൈ സ്കൂളിലെ വിദ്യാർത്ഥിയായ സ്നേഹയുടെ കവിത ചൊല്ലിയിരുന്നു.
കേരള കൗമുദി അങ്കണത്തിലെ പത്രാധിപർ കെ. സുകുമാരൻ സ്‌മൃതി മണ്ഡപത്തിൽ പുഷ്‌പാർച്ചന നടത്തുന്ന ശ്രീനാരായണ ഗുരു ധർമ്മ സേവാസംഘം (എസ്.എൻ.ഡി.എസ്) ദേശീയ പ്രസിഡന്റ് ഷൈജാ കൊടുവള്ളി, കേന്ദ്ര സമിതി അംഗം ആർ. വാസുദേവൻ നായർ, ദേശീയ ജനറൽ സെക്രട്ടറി പി. അനിൽ പടിക്കൽ, ദേശീയ ജോയിന്റ് സെക്രട്ടറി കെ.ജി. സന്തോഷ് കുമാർ തുടങ്ങിയവർ.
തിരുവനന്തപുരം പാങ്ങപ്പാറ പ്രാഥമിക ആരോഗ്യ കേന്ദ്രത്തിൽ നടന്ന കൊവിഡ് വാക്‌സിൻ വിതരണത്തിന്റെ ജില്ലാ തല ഉദ്‌ഘാടനത്തിന് എത്തിയ മന്ത്രി കടകംപളളി സുരേന്ദ്രൻ ആദ്യമായി വാക്‌സിൻ സ്വീകരിക്കുന്ന ആരോഗ്യ വിദ്യാഭ്യാസ വകുപ്പ് ഡയറക്ടർ ഡോ. റംലാ ബീവിയുമായി സൗഹൃദ സംഭാഷണത്തിൽ.
കൊവിഡ് വാക്സിൻ സ്വീകരിക്കാൻ തൃശൂർ ജനറൽ ആശുപത്രിയിൽ കാത്തിരിക്കുന്നവർ.
തിരുവനന്തപുരം പാങ്ങപ്പാറ പ്രാഥമിക ആരോഗ്യ കേന്ദ്രത്തിലെ കൊവിഡ് വാക്‌സിനേഷൻ സെന്ററിൽ ആദ്യ വാക്‌സിൻ സ്വീകരിക്കാൻ എത്തിയ ആരോഗ്യ വിദ്യാഭ്യാസ വകുപ്പ് ഡയറക്ടർ ഡോ. റംലാ ബീവി.
© Copyright Keralakaumudi Online
Chief Editor - Deepu Ravi
Kaumudi Buildings, Pettah P O. TVM. 695024
Online queries: Deepu +919847238959, deepu[at]kaumudi.com