ഇവിടം പുഴയായിരുന്നു... നിറഞ്ഞൊഴുകിയിരുന്ന ഷിറിയ പുഴ കടുത്ത വേനലിനെ തുടർന്ന് പൂർണ്ണമായും വറ്റിയ നിലയിൽ. കാസർകോട് അംഗടിമൊഗറിൽ നിന്നുള്ള ദൃശ്യം.

കുമ്പള--കഞ്ചിക്കട്ട പാലം അടച്ച നടപടിയിൽ പ്രതിഷേധിച്ച് യു.ഡി.എഫ് കാസർകോട് കളക്ട്രേറ്റിലേക്ക് നടത്തിയ മാർച്ച്.

കനത്ത ചൂട് വകവെയ്ക്കാതെ കെ എസ് ഇ ബി യുടെ ട്രാൻസ്ഗ്രിഡ് കെ എൽ എസ് പി 2.0 പ്രൊജക്റ്റിന്റെ ഭാഗമായി 220/110 കെ വി ലൈനിൽ സ്പേസർ ഫിക്സിങ് തൊഴിലിലേർപ്പെട്ട അതിഥി തൊഴിലാളികൾ. കടന്നപ്പള്ളി ചന്തപ്പുരയിൽ നിന്നുള്ള കാഴ്ച്ച.

ആം ആദ്മി അല്ല ജീവിതം ആദ്മി, ഉപജീവനമാർഗ്ഗത്തിനായി പത്തനംതിട്ട നഗരത്തിൽ ചൂലുവില്പനയ്ക്ക് ഇറങ്ങിയ അന്യസംസ്ഥാന സ്ത്രീകൾ

കുടിവെള്ളം തേടി... വരണ്ടുണങ്ങുകയാണ് നാടും നഗരവും . കുളിക്കാൻ പോയിട്ട് കുടിക്കാൻ പോലും ഇറ്റു വെള്ളമില്ല. ഏത് വരൾച്ചാ കാലത്തും സമൃദ്ധമായിട്ടൊഴുകാറുള്ള കോഴിക്കോട് പുല്ലൂരാംപാറയിലെ മഞ്ഞപ്പൊയിൽ പാലത്തിന് മുകളിൽ നിന്നുള്ള പുഴക്കാഴ്ച..

അവധിക്കാലത്തെ വേനൽ കളി ... കണ്ണൂർ നീർക്കടവ് കടപ്പുറത്ത് ഫുട്ബാൾ കളിക്കുന്ന കുട്ടികൾ

നിറഞ്ഞൊഴുകിയിരുന്ന കണ്ണൂർ കീഴ്പ്പള്ളി കക്കുവ പുഴ കനത്ത വേനലിനെ തുടർന്ന് വറ്റിയ നിലയിൽ. ആദ്യമായാണ് ഈ പുഴ പൂർണ്ണമായും വറ്റി വരളുന്നത്

കണ്ണൂർ തയ്യിൽ തീരത്ത് ആഞ്ഞടിക്കുന്ന തിരമാലയ്ക്ക് സമീപം ചൂണ്ടയിടുന്നവർ

കടലിൽ മത്സ്യ ലഭ്യത കുറഞ്ഞതോടെ തീരത്തടുപ്പിച്ചിരിക്കുന്ന ബോട്ടുകളും തോണികളും. കോഴിക്കോട് വെള്ളയിൽ ഹാർബറിൽ നിന്നുള്ള ദൃശ്യം.

കൊടുംവേനലിലെ ചൂട് സഹിക്കവയ്യാതെ തളരുകയാണ് ജീവജാലങ്ങൾ. കോഴിക്കോട് ചേളന്നൂരിൽ പാടത്തിനരികിലുള്ള ചെറുകനാലിലൂടെ ഒഴുകുന്ന വെള്ളത്തിൽ നിന്നും ദാഹമകറ്റുന്ന താറാവുകൾ.

കള്ളക്കടൽ പ്രതിഭാസത്തിന്റെ ഭാഗമായി കോഴിക്കോട് ബട്ട് റോഡ് ബീച്ചിൽ നിന്നുള്ള ദൃശ്യം

ചൂട് ക്രമാതീതമായി കൂടിയത് മത്സ്യസമ്പത്തിനെ പ്രതികൂലമായി ബാധിച്ചിരിക്കുകയാണ്. ആറുകളിലും,ചെറു തോടിലും മീനുകൾ കുറഞ്ഞതോടെ ഉൾനാടൻ മത്സ്യത്തൊഴിലാളികൾ ദുരിതത്തിലാണ്. മത്സ്യബന്ധനത്തിന് ശേഷം വല കഴുകി വൃത്തിയാക്കുന്ന തൊഴിലാളികൾ. ആലപ്പുഴ പള്ളാത്തുരുത്തി പാലത്തിന് സമീപത്തുനിന്നുള്ള ദൃശ്യം

അസ്തമയ കാഴ്ചയ്ക്കായി... പൊള്ളുന്ന പകൽച്ചൂട് കഴിഞ്ഞ് ബീച്ചിൽ സമയം ചെലവഴിക്കാനെത്തിയവർ സൂര്യാസ്തമയം കണ്ട് നിൽക്കുന്നു. കോഴിക്കോട് ഭട്ട്‌ റോഡ് ബീച്ചിൽ നിന്നുള്ള കാഴ്ച.

വാഹനാപകടത്തില്‍ മരിച്ച ആകാശിന്റെ മൃതദേഹം പുത്തൂര്‍ എഎല്‍പി സ്‌കൂളില്‍ എത്തിച്ചപ്പോള്‍ പൊട്ടിക്കരയുന്ന സ്‌കൂള്‍ ജീവനക്കാര്‍.

കണ്ണൂർ ചെറുകുന്ന് വാഹനാപകടത്തിൽ മരിച്ച ആകാശിന്റെ മൃതദേഹത്തിനരികിൽ പൊട്ടിക്കരയുന്ന പിതാവ് അജിത്ത്.

കണ്ണൂർ ചെറുകുന്ന് വാഹനാപകടത്തിൽ മരിച്ച ആകാശിന്റെ മൃതദേഹത്തിനരികിൽ പൊട്ടിക്കരയുന്ന അമ്മ ഐശ്വര്യ.

കണ്ണൂർ ചെറുകുന്ന് പുന്നച്ചേരിയിൽ ഗ്യാസ് സിലിണ്ടർ കയറ്റിവന്ന ലോറിയും കാറും കൂട്ടിയിടിച്ചുണ്ടായ അപകടം. സംഭവത്തിൽ അഞ്ച് പേർ മരിച്ചു

തെയ്യം തടുക്കാത്ത ചൂട്... പുത്തൂര്‍ ശ്രീ നാറോത്തുംചാല്‍ മുണ്ട്യക്കാവ് മഹോത്സവത്തിന്റെ ഭാഗമായി കെട്ടിയാടിയ മടയില്‍ ചാമുണ്ഡി തെയ്യത്തിന് കനത്ത ചൂടില്‍ കാറ്റേല്‍ക്കാല്‍ ഫാന്‍ സൗകര്യം ഏര്‍പ്പെടുത്തിയപ്പോള്‍.

തൊഴിലാണ് ആയുധം...തൃശൂർ റെയിൽവേ സ്റ്റേഷനിൽ ചുട്ടുപൊള്ളുന്ന വെയിൽ വകവയ്ക്കാതെ റെയിൽവേ ട്രാക്ക് വൃത്തിയാക്കുന്ന ജീവനക്കാരി ശാന്ത.

കത്തുന്ന ചൂടിൽ...തൃശൂരിൽ കടുത്ത ചൂടിനൊപ്പം ഉഷ്‌ണതരംഗ മുന്നറിയിപ്പ് തുടരുന്ന സാഹചര്യത്തിൽ പാലയ്ക്കലിൽ പാലം പണിയിൽ ഏർപ്പെട്ടിരിക്കുന്ന അന്യ സംസ്ഥാന തൊഴിലാളി സഹിക്കാനാവാത്ത ചൂട് കാരണം വെള്ളം കൊണ്ടു മുഖം കഴുകുന്നു.