ഓർമിക്കാൻ

1. സി.യു.ഇ.ടി പി.ജി പരീക്ഷാ ഷെഡ്യൂൾ:- കോമൺ യൂണിവേഴ്സിറ്റി എൻട്രൻസ് ടെസ്റ്റ് പി.ജി 2026 സബ്ജക്ട്‌വൈസ് പരീക്ഷാ ഷെഡ്യൂൾ നാഷണൽ ടെസ്റ്റിംഗ് ഏജൻസി പ്രസിദ്ധീകരിച്ചു. സി.ബി.ടി മോഡിൽ മാർച്ച് 6 മുതൽ 27 വരെയാണ് പരീക്ഷ. ദിവസേന മൂന്ന് ഷിഫ്റ്റുകളുണ്ടാകും. ആദ്യ സെഷൻ രാവിലെ 9 മുതൽ 10.30 വരെയും രണ്ടാം സെഷൻ 12.30 മുതൽ 2 വരെയും മൂന്നാം സെഷൻ വൈകിട്ട് 4 മുതൽ 5.30 വരെയും നടക്കും. വെബ്സൈറ്റ്: nta.ac.in.

2. ഐ.ടി.ഇ.പി അഡ്മിഷൻ:- 4 വർഷ ഇന്റഗ്രേറ്റഡ് ടീച്ചർ എഡ്യുക്കേഷൻ പ്രോഗ്രാം പ്രവേശനത്തിനായി നടത്തുന്ന നാഷണൽ കോമൺ എൻട്രൻസ് ടെസ്റ്റ് (എൻ.സി.ഇ.ടി) 2026ന് എൻ.ടി.എ അപേക്ഷ ക്ഷണിച്ചു. മാർച്ച് 10 വരെ അപേക്ഷിക്കാം. ഏപ്രിൽ 17നാണ് പരീക്ഷ. വെബ്സൈറ്റ്: nta.ac.in.