ഗ്ലോബൽ സ്‌കിൽസ്- 2026

ഡിജിറ്റലൈസേഷൻ,ഓട്ടോമേഷൻ,ആഗോളവൽക്കരണം എന്നിവയുടെ പശ്ചാത്തലത്തിൽ തൊഴിൽ മേഖലയിൽ സ്‌കിൽ വികസനത്തിന് പ്രസക്തിയേറിയിട്ടുണ്ട്. തൊഴിൽ മേഖലയിൽ ആവശ്യമായ സ്‌കിൽ എത്രത്തോളമുണ്ട്,ഏറ്റവും കൂടുതലായി നിലവിലുള്ള സ്‌കില്ലുകൾ ഏതൊക്കെ,തൊഴിൽ മേഖലയിൽ ഡിജിറ്റൽ സ്‌കില്ലുകൾ എത്രത്തോളം ആവശ്യമുണ്ട് എന്നിവ ഓരോരുത്തരും മനസിലാക്കിയിരിക്കണം.ബിസിനസ്,ടെക്‌നോളജി,ഡാറ്റ സയൻസ് സ്‌കില്ലുകൾക്കാണ് ലോകത്താകമാനം പ്രാധാന്യമേറുന്നത്.

ബിസിനസ്:- അക്കൗണ്ടിംഗ്,കമ്മ്യൂണിക്കേഷൻ,സംരംഭകത്വം,സാമ്പത്തികം,മനുഷ്യവിഭവശേഷി,ലീഡർഷിപ് മാനേജ്മന്റ്, മാർക്കറ്റിംഗ്,സെയിൽസ്,സ്ട്രാറ്റജി & ഓപ്പറേഷൻസ് എന്നിങ്ങനെ ബിസിനസുമായി ബന്ധപ്പെട്ട സ്‌കില്ലുകൾക്ക് ആവശ്യകതയേറുകയാണ്.ഓഡിറ്റിംഗ്, പീപ്പിൾ മാനേജ്‌മെന്റ്, ബ്ലോക്ക് ചെയിൻ,ഡിജിറ്റൽ മാർക്കറ്റിംഗ്,ഓപ്പറേഷൻസ് മാനേജ്മന്റ് എന്നിവ ഇവയിൽ പെടുന്നു.

ടെക്‌നോളജി:- ടെക്‌നോളജി സ്‌കില്ലുകളിൽ ക്ലൗഡ് കമ്പ്യൂട്ടിംഗ്,കമ്പ്യൂട്ടർ നെറ്റ്‌വർക്കിംഗ്,കമ്പ്യൂട്ടർ പ്രോഗ്രാമിംഗ്,ഡാറ്റാബേസ്, മൊബൈൽ ഡെവലെപ്‌മെന്റ്,ഓപ്പറേഷൻസ് സിസ്റ്റംസ്,സെക്യൂരിറ്റി എൻജിനിയറിംഗ്,സോഫ്റ്റ്‌വെയർ എൻജിനിയറിംഗ്,കമ്പ്യൂട്ടർ സയൻസ്,വെബ് ഡെവലെപ്‌മെന്റ് എന്നിവയ്ക്ക് പ്രാധാന്യമേറുന്നുണ്ട്.സൈബർ സെക്യൂരിറ്റി,ആൻഡ്രോയിഡ് ഡെവലപ്‌മെന്റ്, സോഫ്റ്റ്‌വെയർ ആർക്കിടെക്ചർ, അൽഗൊരിതംസ് എന്നിവയ്ക്കാണ് സാധ്യതയേറുന്നത്.

ഡാറ്റാ സയൻസ്:- ഡാറ്റ സയൻസിൽ ഡാറ്റ അനാലിസിസ്, ഡാറ്റ മാനേജ്‌മെന്റ്, ഡാറ്റ വിഷ്വലൈസേഷൻ, മെഷീൻ ലേർണിംഗ്, മാത്തമാറ്റിക്‌സ്, പ്രോബബിലിറ്റി & സ്റ്റാറ്റിസ്റ്റിക്‌സ്, സ്റ്റാറ്റിസ്റ്റിക്കൽ പ്രോഗ്രാമിംഗ്, കമ്പ്യൂട്ടർ ആർക്കിടെക്ചർ, ബയോഇൻഫോർമാറ്റിക്‌സ്, എപിഡെമിയോളജി എന്നിവ ഉൾപ്പെടുന്നു.ഇന്ത്യയിൽ പശ്ചിമ ബംഗാൾ ഡാറ്റ സയൻസ് സ്‌കില്ലിൽ ഒന്നാം സ്ഥാനത്താണ്. കേരളം സെക്യൂരിറ്റി എൻജിനിയറിംഗിൽ മു ന്നിലാണ്.