കനത്ത മഴ തുടരുന്നു, തൃശൂർ ജില്ലയിൽ വിദ്യാഭ്യാസ സ്ഥാപനങ്ങൾക്ക് നാളെ അവധി

തൃശൂർ : കനത്ത മഴ തുടരുന്ന പശ്ചാത്തലത്തിൽ തൃശൂർ ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ശനിയാഴ്ച (ആഗസ്റ്റ് 16)​ ജില്ലാ കളക്ടർ അവധി പ്രഖ്യാപിച്ചു. മുൻ കരുതൽ നടപടിയുടെ ഭാഗമായാണ് അവധി,​ സി.ബി.എസ്.ഇ,​ ഐ.സി.എസ്.ഇ,​ കേന്ദ്രീയ വിദ്യാലയങ്ങൾ,​ അങ്കണവാടികൾ,​ മദ്രസകൾ,​ ട്യൂഷൻ സെന്ററുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. അതേസമയം മുൻകൂട്ടി നിശ്ചയിച്ച് പരീക്ഷകൾക്കും അഭിമുഖങ്ങൾക്കും മാറ്റം ഉണ്ടായിരിക്കില്ല.