തിരുവനന്തപുരം: കേരള സർവകലാശാല കാര്യവട്ടം യൂണിവേഴ്സിറ്റി കോളേജ് ഒഫ് എൻജിനീയറിംഗിൽ ഈമാസം നടത്തുന്ന 5ാം സെമസ്റ്റർ ബി.ടെക് (2020 സ്കീം)(റെഗുലർ 2021 അഡ്മിഷൻ, സപ്ളിമെന്ററി - 2020 അഡ്മിഷൻ) പരീക്ഷാ ടൈംടേബിൾ പ്രസിദ്ധീകരിച്ചു. വിവരങ്ങൾ വെബ്സൈറ്റിൽ.
പരീക്ഷാതീയതി
കേരള സർവകലാശാല 8ന് ആരംഭിക്കാനിരുന്ന ഒന്നാം സെമസ്റ്രർ എം.എ അറബിക് ലാംഗ്വേജ് ആൻഡ് ലിറ്ററേച്ചർ പരീക്ഷയുടെ എ.എൽ - 211 അപ്ളൈഡ് ഗ്രാമർ ആൻഡ് മോർഫോളജി - I പരീക്ഷ 23ലേക്ക് മാറ്റി. പരീക്ഷാകേന്ദ്രത്തിനും സമയത്തിനും മാറ്റമില്ല.
പി.എസ്.സി അഭിമുഖം
തിരുവനന്തപുരം: കേരള സ്റ്റേറ്റ് കോ-ഓപ്പറേറ്റീവ് റബ്ബർ മാർക്കറ്റിംഗ് ഫെഡറേഷനിൽ ഫിനാൻസ് മാനേജർ, പാർട്ട് 1 (ജനറൽ) (കാറ്റഗറി നമ്പർ 263/2022) തസ്തികയിലേക്ക് 15 ന് രാവിലെ 9.30 ന് പി.എസ്.സി ആസ്ഥാന ഓഫീസിൽ അഭിമുഖം നടത്തും. ഉദ്യോഗാർത്ഥികൾ സർട്ടിഫിക്കറ്റുകൾ സഹിതം പി.എസ്.സി ആസ്ഥാന ഓഫീസിലെ സി.എസ്. വിഭാഗത്തിൽ രാവിലെ 8ന് ഹാജരാകണം. ഫോൺ: 0471 2546442.
തിരുവനന്തപുരം ജില്ലയിൽ വിദ്യാഭ്യാസ വകുപ്പിൽ പാർട്ട്ടൈം ഹൈസ്കൂൾ ടീച്ചർ (അറബിക്) - രണ്ടാം എൻ.സി.എ ഈഴവ/തിയ്യ/ബില്ലവ (കാറ്റഗറി നമ്പർ 796/2022) തസ്തികയിലേക്ക് 16നും ഫുൾടൈം ജൂനിയർ ലാംഗ്വേജ് ടീച്ചർ (ഹിന്ദി) (തസ്തികമാറ്റം മുഖേന) (കാറ്റഗറി നമ്പർ 604/2022) തസ്തികയിലേക്ക് 17നും പി.എസ്.സി ആസ്ഥാന ഓഫീസിൽ അഭിമുഖം നടത്തും.
സർട്ടിഫിക്കറ്റ് പരിശോധന
ഭാരതീയ ചികിത്സാ വകുപ്പിൽ മെഡിക്കൽ ഓഫീസർ (വിഷ) (കാറ്റഗറി നമ്പർ 30/2023) തസ്തികയുടെ ചുരുക്കപട്ടികയിലുൾപ്പെട്ടവരിൽ ഒറ്റത്തവണ സർട്ടിഫിക്കറ്റ് പരിശോധന നടത്താത്തവർക്ക് മേയ് 6 ന് രാവിലെ 10.30 ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും. ഫോൺ: 0471 2546325.
റ്റേറ്റ് ഫാമിംഗ് കോർപ്പറേഷൻ കേരള ലിമിറ്റഡിൽ മെക്കാനിക്ക് ഗ്രേഡ് 2 (കാറ്റഗറി നമ്പർ 6/2023) തസ്തികയുടെ സാദ്ധ്യതാപട്ടികയിലുൾപ്പെട്ടവരിൽ സർട്ടിഫിക്കറ്റ് പരിശോധന പൂർത്തിയാക്കാത്തവർക്ക് 9ന് രാവിലെ 10.30 മുതൽ പി.എസ്.സി ആസ്ഥാന ഓഫീസിലെ അംബേദ്കർ ഹാളിൽ സർട്ടിഫിക്കറ്റ് പരിശോധന നടത്തും.
ഒമ്പത് പി.ജി.കോഴ്സുകൾ അനുവദിച്ചു
തിരുവനന്തപുരം: കൊല്ലത്തെ പാരിപ്പിള്ളി സർക്കാർ മെഡിക്കൽ കോളേജിൽ 9 പി.ജി.കോഴ്സുകൾ തുടങ്ങാൻ ധനകാര്യ വകുപ്പിന്റെ അനുമതി.34 സീറ്റുകളുണ്ടാകും.ജനറൽ മെഡിസിൻ,ജനറൽ സർജറി,അനസ്തേഷ്യോളജി എന്നിവയിൽ അഞ്ച് വീതവും ഒബ്സ്ട്രെട്രിക്സ് ആൻഡ് ഗൈനക്കോളജി,പീഡിയാട്രിക്സ്,ഓർത്തോപീഡിയാട്രിക്സ് എന്നിവയിൽ നാലു വീതവും ഇ.എൻ.ടി,ഓഫ്ത്താൽമോളജി എന്നിവയിൽ മൂന്നുവീതവും ട്രാൻസ്ഫ്യുഷൻ മെഡിസിനിൽ ഒന്നും സീറ്റുകളാണുള്ളത്.
എസ്.എൻ.പി.സി
വിദ്യാർത്ഥി ക്യാമ്പ്
കണിച്ചുകുളങ്ങരയിൽ
കൊച്ചി: ശ്രീനാരായണ പെൻഷനേഴ്സ് കൗൺസിൽ (എസ്.എൻ.പി.സി) ഗുരുവൈഖരി എന്ന പേരിൽ എട്ടാം ക്ളാസ് മുതലുള്ള വിദ്യാർത്ഥികൾക്കായി ത്രിദിന റെസിഡൻഷ്യൽ സമ്മർക്യാമ്പ് 23 മുതൽ 25 വരെ കണിച്ചുകുളങ്ങര ദേവീക്ഷേത്രത്തിൽ സംഘടിപ്പിക്കും. ക്യാമ്പിൽ എല്ലാ ദിവസവും എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ സാന്നിദ്ധ്യമുണ്ടാകും. കൃഷിവകുപ്പ് പ്രിൻസിപ്പൽ സെക്രട്ടറി ഡോ.ബി. അശോക്, ഇൻകംടാക്സ് ജോ. കമ്മിഷണർ ജ്യോതിസ് മോഹൻ, എം.ജി യൂണിവേഴ്സിറ്റി രജിസ്ട്രാർ ഡോ.സാബുക്കുട്ടൻ, റിട്ട. ഡിവൈ.എസ്.പിയും കരിയർ അനലിസ്റ്റുമായ കെ.എം.സജീവ്, പൊതുവിദ്യാഭ്യാസ റിട്ട. ജോ.ഡയറക്ടർ ഡോ.കെ. സോമൻ, റിട്ട. എംപ്ളോയ്മെന്റ് ഓഫീസർ ഡോ.ആർ. ബോസ്, സൈക്കോളജിസ്റ്റ് കെ.എസ്. അഹമ്മദ്കുട്ടി, റോബോട്ടിക്സ് ട്രെയ്നർ റഷീദ് മുഹമ്മദ്, യോഗ ട്രെയ്നർ ബെനില അനൂപ്, മെന്റലിസ്റ്റ് ഷാലിഖ് മുഹമ്മദ്, സംഗീതജ്ഞൻ ഷാനു ഓംകാര എന്നിവർ ക്ളാസെടുക്കും. 2000 രൂപയാണ് ക്യാമ്പ് ഫീ. ആദ്യം രജിസ്റ്റർ ചെയ്യുന്ന 50 പേർക്ക് 1000 രൂപ മതിയാകും. രജിസ്ട്രേഷന് : htts://shorturl.at/kIHMT, ഫോൺ: 90376 44729.
ഫണ്ട് അനുവദിച്ചു
തിരുവനന്തപുരം: വരുമാനം കുറഞ്ഞ 45ഗ്രാമപഞ്ചായത്തുകൾക്കും ആറ് മുനിസിപ്പാലിറ്റികൾക്കും വരവ് - ചെലവ് വിടവ് നികത്താൻ 15കോടിയുടെ ഗ്യാപ് ഫണ്ട് അനുവദിച്ചതായി ധനകാര്യവകുപ്പ് അറിയിച്ചു.6ാം ധനകാര്യ കമ്മിഷൻ ശുപാർശയനുസരിച്ചാണിത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |