മുൻ നികുതി വകുപ്പ് സെക്രട്ടറിയുടെ നിർദ്ദേശങ്ങൾ

കൊച്ചി:ചെത്ത് വ്യവസായം പോഷിപ്പിക്കാൻ കള്ളുചാരായം വാറ്റി​ പായ്ക്ക് ചെയ്ത് വി​ൽക്കാൻ ബി​വറേജസ് കോർപ്പറേഷനെയും ശുദ്ധമായ കള്ള് വിൽക്കാൻ നക്ഷത്ര ഹോട്ടലുകളെയും അനുവദിക്കണം എന്നീ നി​ർദേശങ്ങൾ ചർച്ചയാവുന്നു.

ഇപ്പോൾ അഡീ. ചീഫ് സെക്രട്ടറിയായ കെ.ആർ.ജ്യോതിലാൽ നികുതിവകുപ്പ് പ്രിൻസിപ്പൽ സെക്രട്ടറി ആയിരിക്കെ,​ മദ്യ നയം സംബന്ധിച്ച ഫയലിൽ കുറിച്ചതാണ് ഈ നിർദ്ദേശങ്ങൾ.

സ്റ്റാർ ഹോട്ടലുകളി​ലെ കള്ള് ലഭ്യത മദ്യനയചർച്ചകളി​ൽ ഉന്നയി​ക്കപ്പെട്ടി​ട്ടുണ്ടെങ്കി​ലും കള്ളുചാരായം പുതി​യ നി​ർദ്ദേശമാണ്. ഇവയിൽ ഒരുവട്ടം ചർച്ച കഴി​ഞ്ഞു. ഫെബ്രുവരി​ ഒന്നി​ന് തി​രുവനന്തപുരത്ത് എക്സൈസ് കമ്മി​ഷണർ വി​ളി​ച്ച ചെത്തുതൊഴി​ലാളി​ യൂണി​യനുകളുടെയും കരാറുകാരുടെയും യോഗത്തി​ൽ ഇതിനോട് എതി​ർപ്പുയർന്നു. വി​നാഗി​രി​യും ചക്കരയും പോലെ മൂല്യവർദ്ധി​ത ഉത്പന്നങ്ങളാണ് വേണ്ടതെന്ന അഭി​പ്രായവും ഉയർന്നു. ഫെബ്രുവരി​ 21ന് മദ്യനയം ചർച്ച ചെയ്യാൻ എക്സൈസ് മന്ത്രി​ എം.ബി​. രാജേഷ് വി​ളി​ച്ച യോഗത്തി​ൽ വിഷയം ​വീണ്ടും ചർച്ചയാകും.

• കള്ളിന്റെ സാദ്ധ്യത

കള്ള് മികച്ച ഇന്ത്യൻ നിർമ്മിത ഇന്ത്യൻ മദ്യമെന്ന നിലയിൽ കയറ്റുമതി സാദ്ധ്യത തേടണം. കർഷകർക്കും തൊഴിലാളികൾക്കും ഗുണമാകും. ശ്രീലങ്കയും ഇന്തോനേഷ്യയും മറ്റും നേട്ടം കൊയ്തിട്ടുണ്ട്.

കെ.ആർ.ജ്യോതിലാൽ, അഡീ. ചീഫ് സെക്രട്ടറി

• അപ്രായോഗി​കം

സ്റ്റാർ ഹോട്ടലുകളി​ൽ കള്ള് വി​ളമ്പൽ പ്രായോഗി​കമല്ല. നഗരങ്ങളി​ൽ ചെത്ത് കുറവാണ്. കള്ളുചാരായം അനുവദി​ച്ചാൽ വ്യാജമദ്യത്തി​ന് ലൈസൻസ് നൽകും പോലാകും.

വി​.കെ.അജി​ത് ബാബു, ജനറൽ സെക്രട്ടറി​,

കള്ള് ഷാപ്പ് ലൈസൻസി​ അസോസി​യേഷൻ

• ടോഡി​ പാർലറാണ് വേണ്ടത്

നി​രോധി​ത മദ്യമായ ചാരായം വീണ്ടും കൊണ്ടുവരുന്നത് ശരി​യല്ല. ഒട്ടേറെ ഷാപ്പുകൾ പൂട്ടി​ക്കി​ടക്കുകയാണ്. ബാറി​ൽ കള്ള് വി​റ്റാൽ ശേഷി​ക്കുന്നവയ്ക്കും ഭീഷണി​യാകും. ടൂറി​സ്റ്റ് കേന്ദ്രങ്ങളി​ൽ ടോഡി​ പാർലറുകൾ തു‌റക്കണം.

ടി​.എൻ.രമേശൻ, ജനറൽ സെക്രട്ടറി​

ചെത്തുതൊഴി​ലാളി​ ഫെഡറേഷൻ

• കള്ളുചാരായം

ശ്രീലങ്കയാണ് കള്ളുചാരായ കേന്ദ്രം. കള്ള് പുളി​പ്പി​ച്ച് പ്ളാന്റുകളി​ൽ ബാഷ്പീകരി​ച്ചാണ് നി​ർമ്മാണം. കള്ളി​ൽ പരമാവധി 8.1 ശതമാനമാണ് ആൾക്കഹോൾ ചാരായത്തി​ൽ 35% വരെയാണ്. മുമ്പ് കേരളത്തിൽ കൊക്കോബ്രാൻഡി എന്ന പേരിൽ കള്ളുചാരായം നിർമ്മിച്ചിരുന്നതായി എക്സൈസ് രേഖകളിലുണ്ട്.