കാലഹരണപ്പെട്ട 218 നിയമങ്ങൾ പിൻവലിക്കും

തിരുവനന്തപുരം: സംസ്ഥാനത്ത് കാലഹരണപ്പെട്ട 218 നിയമങ്ങൾ പിൻവലിക്കും. ഇതുസംബന്ധിച്ച് നിയമപരിഷ്കരണ കമ്മിഷൻ സർക്കാരിന് സമർപ്പിച്ച റിപ്പോർട്ട് അംഗീകരിക്കാൻ മന്ത്രിസഭായോഗം തീരുമാനിച്ചു.

കാലഹരണപ്പെട്ട നിയമങ്ങൾ പിൻവലിക്കുന്നതിനായുള്ള കേരള റദ്ദാക്കലും ഒഴിവാക്കലും ബില്ലിലെ നിർദ്ദേശങ്ങൾ ഭേദഗതികളോടെ അംഗീകരിക്കാനാണ് തീരുമാനം. തിരുവിതാംകൂർ, തിരു-കൊച്ചി, മലബാർ, കൊച്ചി പ്രദേശങ്ങൾക്ക് പ്രത്യേകം ബാധകമായിരുന്ന 37 നിയമങ്ങളും 181 നിയമഭേദഗതികളും കാലഹരണപ്പെട്ടതാണെന്ന് കമ്മിഷൻ ചൂണ്ടിക്കാട്ടിയിരുന്നു. ഭേദഗതി നിയമങ്ങളിൽ പലതും പിന്നീട് നിയമത്തിന്റെ ഭാഗമായി.

കാലഹരണപ്പെട്ട

നിയമങ്ങളിൽ ചിലത്:

₹ 1095ലെ മൃഗങ്ങളോടുള്ള ക്രൂരത തടയൽ നിയമം

₹1947ലെ ദേവദാസി സമ്പ്രദായം അവസാനിപ്പിക്കൽ നിയമം

₹1975ലെ കേരള താൽക്കാലിക കടാശ്വാസ നിയമം

₹തിരുവിതാംകൂർ കൊട്ടാരത്തിൽ സ്ഥിരമായി നെല്ലും അരിയും നൽകണമെന്ന വ്യവസ്ഥ നിരോധിച്ചുള്ള നിയമം

- 2005ലെ കേരള വിനോദസഞ്ചാര പ്രദേശങ്ങൾ സംരക്ഷിക്കൽ നിയമം

₹1124ലെ താലിയം വിളംബരം

₹തിരുവിതാംകൂർ- കൊച്ചി വിനോദ നികുതി നിയമം

ചട്ടം രൂപീകരിക്കും

കേരള ബഡ്സ് ആക്ട് സെക്‌ഷൻ 38 (1) പ്രകാരം കേരള ബാനിംഗ് ഒഫ് അൺ റഗുലേറ്റഡ് ഡെപ്പോസിറ്റ് സ്കീം ചട്ടങ്ങൾ രൂപീകരിക്കാൻ മന്ത്രിസഭായോഗം തീരുമാനിച്ചു.