മദ്യലഹരിയിൽ പിതാവിനെ തളളിയിട്ട് കൊന്നു 

ആദൂർ (കാസർകോട് ): മദ്യലഹരിയിലെത്തിയ മകൻ പിതാവിനെ തള്ളിയിട്ട് കൊന്നു. ആദൂർ പാണ്ടി വെള്ളരിക്കയത്തെ ബാലകൃഷ്ണ നായക്കിനെയാണ് (57) കൊലപ്പെടുത്തിയത്. മകൻ നരേന്ദ്ര പ്രസാദിനെ (27) പൊലീസ് കസ്റ്റഡിയിലെടുത്തു. തിങ്കളാഴ്ച രാത്രിയിൽ ബാലകൃഷ്ണ നായക്കുമായുണ്ടായ വഴക്കിനിടെ തള്ളിയിട്ടതാകാമെന്നാണ് സംശയം. ഇവർ മദ്യപിച്ച് വഴക്കുകൂടുന്നത് പതിവാണെന്ന് പൊലീസ് പറഞ്ഞു. ശരീരത്തിൽ മുറിവുകളില്ല. വീഴ്ചയിൽ തലയ്ക്കേറ്റ ക്ഷതമായിരിക്കാം മരണകാരണമെന്നാണ് നിഗമനം. സരോജിനിയാണ് ഭാര്യ. മറ്റുമക്കൾ: ബിന്ദു, വിജിത, സുനിത.