പ്രധാമന്ത്രിയുടെ അദ്ധ്യക്ഷതയിൽ നീതി ആയോഗ് യോഗം ഇന്ന്

ന്യൂഡൽഹി: നിതി ആയോഗിന്റെ പത്താമതു ഭരണസമിതി യോഗം പ്രധാനമന്ത്രി നരേന്ദ്ര മോദിയുടെ അദ്ധ്യക്ഷതയി​ൽ ഇന്ന് ന്യൂഡൽഹി ഭാരത് മണ്ഡപത്തിൽ നടക്കും. വികസിത ഭാരതം@2047 ലക്ഷ്യത്തിനായി വികസിത സംസ്ഥാനം എന്ന പ്രമേയത്തെ അടിസ്ഥാനപ്പെടുത്തി സംസ്ഥാനങ്ങളിൽ ശ്രദ്ധ കേന്ദ്രീകരിച്ച്, അതിലൂടെ ഇന്ത്യയെ വികസിത രാഷ്ട്രമാക്കി മാറ്റാനുള്ള ചർച്ചകളുണ്ടാകും. സർക്കാർ വാർഷികാഘോഷ തിരക്കു കാരണം മുഖ്യമന്ത്രി പിണറായി വിജയൻ പങ്കെടുക്കുന്നില്ല. തമിഴ്നാട് മുഖ്യമന്ത്രി എം.കെ. സ്റ്റാലിൻ യോഗത്തിൽ പങ്കെടുക്കും.