തിരുവനന്തപുരം: മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ (പീഡോഡോണ്ടിക്സ്)- എൻ.സി.എ- വിശ്വകർമ്മ, എൽ.സി/എ.ഐ (കാറ്റഗറി നമ്പർ 163/2021, 164/2021), അസിസ്റ്റന്റ് പ്രൊഫസർ (പെരിയോഡോണ്ടിക്സ്)- എൻ.സി.എ - എൽ.സി/എ.ഐ(കാറ്റഗറി നമ്പർ 166/2021), അസിസ്റ്റന്റ് പ്രൊഫസർ (ഓറൽ മെഡിസിൻ ആൻഡ് റേഡിയോളജി) - രണ്ടാം എൻ.സി.എ - എൽ.സി/എ.ഐ (കാറ്റഗറി നമ്പർ 165/2021) തസ്തികകളിലേക്ക് ജൂൺ 1 ന് പി.എസ്.സി ആസ്ഥാന ഓഫീസിൽ അഭിമുഖം നടത്തും.
ഇൻഷ്വറൻസ് മെഡിക്കൽ സർവീസസ് വകുപ്പിൽ അസിസ്റ്റന്റ് ഇൻഷ്വറൻസ് മെഡിക്കൽ ഓഫീസർ - ഒന്നാം എൻ.സി.എ - എൽ.സി /എ.ഐ (കാറ്റഗറി നമ്പർ 264/2020) തസ്തികയിലേക്ക് ജൂൺ 2, 3, 8 തീയതികളിലും ആരോഗ്യ വകുപ്പിൽ റീഹാബിലിറ്റേഷൻ ടെക്നീഷ്യൻ ഗ്രേഡ് 2 - ഒന്നാം എൻ.സി.എ - ഒ.ബി.സി (കാറ്റഗറി നമ്പർ 525/2021) തസ്തികയിലേക്ക് ജൂൺ 2 നും പി.എസ്.സി ആസ്ഥാന ഓഫീസിൽ അഭിമുഖം നടത്തും.
ആരോഗ്യ വകുപ്പിൽ ജൂനിയർ കൺസൾട്ടന്റ് (അനസ്തേഷ്യ) - മൂന്നാം എൻ.സി.എ - ഈഴവ/തിയ്യ/ബില്ലവ (കാറ്റഗറി നമ്പർ 160/2020) തസ്തികയിലേക്ക് ജൂൺ 2 ന് രാവിലെ 10 ന് പി.എസ്.സി ആസ്ഥാന ഓഫീസിൽ അഭിമുഖം നടത്തും.
സർട്ടിഫിക്കറ്റ് പരിശോധന
കേരള സംസ്ഥാന പട്ടികജാതി/പട്ടികവർഗ്ഗ വികസന കോർപ്പറേഷൻ ലിമിറ്റഡിൽ ജില്ലാ മാനേജർ (കാറ്റഗറി നമ്പർ 241/2018) തസ്തികയിലേക്ക് 30 നും സഹകരണമേഖലയിലെ അപെക്സ് സൊസൈറ്റികളിൽ ഡ്രൈവർ (ജനറൽ കാറ്റഗറി) (കാറ്റഗറി നമ്പർ 410/2019) തസ്തികയിലേക്ക് 30, 31 തീയതികളിൽ രാവിലെ 10 നും തിരുവനന്തപുരം ജില്ലയിൽ വിവിധ വകുപ്പുകളിൽ ലാസ്റ്റ് ഗ്രേഡ് സെർവന്റ്സ് (പട്ടികജാതി/പട്ടികവർഗ്ഗം) (കാറ്റഗറി നമ്പർ 308/2020) തസ്തികയുടെ സാദ്ധ്യതാപട്ടികയിലുൾപ്പെട്ടവർക്ക് 30 നും പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.
ആരോഗ്യ സർവകലാശാല പരീക്ഷാ ടൈംടേബിൾ
മൂന്നാം വർഷ ബി.ഫാം ഡിഗ്രി സപ്ലിമെന്ററി (2010 ആൻഡ് 2012 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.
പ്രിലിമിനറി എം.ഡി/എം.എസ് ആയുർവേദ ഡിഗ്രി റഗുലർ/സപ്ലിമെന്ററി (2016 സ്കീം) പരീക്ഷാഫലം പ്രസിദ്ധീകരിച്ചു. ഉത്തരക്കടലാസുകളുടെയും, സ്കോർഷീറ്റിന്റെയും പകർപ്പ് ആവശ്യമുള്ളവർ ബന്ധപ്പെട്ട കോളേജ് പ്രിൻസിപ്പൽമാർ മുഖേന ഓൺലൈനായി 31ന് അകം അപേക്ഷിക്കണം.
അവസാന വർഷ പി.ജി ഡിപ്ലോമ ഇൻ ആയുർവേദ സപ്ലിമെന്ററി പരീക്ഷാഫലം പ്രസിദ്ധീകരിച്ചു. ഉത്തരക്കടലാസുകളുടെയും സ്കോർഷീറ്റിന്റേയും പകർപ്പ് ആവശ്യമുള്ളവർ ബന്ധപ്പെട്ട കോളേജ് പ്രിൻസിപ്പൽമാർ മുഖേന ഓൺലൈനായി 31നകം അപേക്ഷിക്കണം.
സെക്കൻഡ് ബി.എച്ച്.എം.എസ് ഡിഗ്രി റഗുലർ/സപ്ലിമെന്ററി (2015 സ്കീം) പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടെയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് ബന്ധപ്പെട്ട കോളേജ് പ്രിൻസിപ്പൽമാർ മുഖേന ഓൺലൈനായി 31നകം അപേക്ഷിക്കണം.
എം.ഡി.എസ് പാർട്ട് രണ്ട് സപ്ലിമെന്ററി പരീക്ഷയുടെ ഫൈനൽ ഡെസർട്ടേഷൻ 3310 രൂപ ഫീസ് സഹിതം ജൂൺ 25ന് വൈകിട്ട് അഞ്ചിന് മുൻപ് സർവകലാശാലയിൽ സമർപ്പിക്കണം. ഫൈനോടെ 8825 രൂപ ഫീസടച്ച് ഫൈനൽ ഡെസർട്ടേഷൻ ജൂലായ് ഏഴിന് വൈകിട്ട് അഞ്ച് വരെയും സമർപ്പിക്കാം.
സൗദിയിൽ നോർക്ക
വഴി നഴ്സ് നിയമനം
തിരുവനന്തപുരം: സൗദി ആരോഗ്യ മന്ത്രാലയത്തിന് കീഴിലുള്ള ആശുപത്രികളിൽ നോർക്ക റൂട്ട്സ് മുഖേന വനിതാ നഴ്സുമാരുടെ നിയമനത്തിന് അപേക്ഷ ക്ഷണിച്ചു. ബി.എസ്സി/ പോസ്റ്റ് ബി.എസ്സി നഴ്സിംഗും സി.ഐ.സി.യു/ സി.സി.യു അഡൾട്ട് ഇവയിൽ ഏതെങ്കിലും ഡിപ്പാർട്ട്മെന്റിൽ മൂന്നുവർഷത്തെ പ്രവൃത്തി പരിചയവും ഉള്ളവർക്ക് അപേക്ഷിക്കാം. ആകർഷകമായ ശമ്പളം. താമസം, ഭക്ഷണം, വിസ എന്നിവ സൗജന്യം. ബയോഡാറ്റയും രേഖകളും സഹിതം rmt3.norka@kerala.gov.in എന്ന ഇ മെയിൽ വിലാസത്തിൽ അപേക്ഷകൾ അയയ്ക്കാം. 26 ആണ് അവസാന തീയതി.
സ്റ്റാഫ് നഴ്സ് ഒഴിവുകളിലേക്ക് അപേക്ഷിക്കാൻ താത്പര്യമുള്ള മറ്റു ഡിപ്പാർട്ട്മെന്റുകളിൽ ജോലി ചെയ്യുന്ന നഴ്സുമാർക്ക് (വനിത, ബി.എസ്സി നഴ്സിംഗ് ) ഇതേ ഇ മെയിൽ വിലാസത്തിലേക്ക് രേഖകൾ അയയ്ക്കാം. സംശയനിവാരണത്തിന് നോർക്ക റൂട്ട്സിന്റെ 18004253939 എന്ന ടോൾ ഫ്രീ നമ്പറിൽ ഇന്ത്യയിൽ നിന്നും +91 8802 012345 എന്ന നമ്പറിൽ വിദേശത്തു നിന്നും (മിസ്ഡ് കോൾ സൗകര്യം) ബന്ധപ്പെടാം.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |