നെയ്യാറ്റിൻകരയിൽ തെങ്ങുവീണ് പാലം തകർന്നു; രണ്ട് സ്ത്രീകൾക്ക് ദാരുണാന്ത്യം

തിരുവനന്തപുരം: നെയ്യാ​റ്റിൻകര കുന്നത്തുകാലിൽ തെങ്ങ് വീണ് പാലം തകർന്ന് രണ്ട് സ്ത്രീകൾ മരിച്ചു. തൊഴിലുറപ്പ് തൊഴിലാളികളും ചാവടി സ്വദേശികളുമായ വസന്തകുമാരി, ചന്ദ്രിക എന്നിവരാണ് മരിച്ചത്. തെങ്ങിന്റെ മൂട് ഇളകി സമീപത്തെ തോടിന് കുറുകെയുണ്ടായിരുന്ന പാലത്തിലേക്ക് വീഴുകയായിരുന്നു. ഇവർ പാലത്തിന് സമീപത്ത് നിൽക്കുകയായിരുന്നു.

ഗുരുതര പരിക്കേറ്റ സ്ത്രീകളെ കാരക്കോണം മെഡിക്കൽ കോളേജ് ആശുപത്രിയിൽ എത്തിക്കുന്നതിന് മുൻപ് തന്നെ മരണം സംഭവിച്ചിരുന്നു. സംഭവസ്ഥലത്ത് പൊലീസെത്തി കൂടുതൽ വിവരങ്ങൾ ശേഖരിക്കുകയാണ്.