പത്മവിഭൂഷൺ വി.എസിന്റെ കുടുംബം സ്വീകരിക്കില്ല

തിരുവനന്തപുരം: മുൻ മുഖ്യമന്ത്രി വി.എസ്. അച്യുതാനന്ദന് മരണാനന്തര ബഹുമതിയായി ലഭിച്ച പത്മവിഭൂഷൺ കുടുംബം സ്വീകരിക്കില്ല. പാർട്ടി നിലപാടും മുൻ കമ്മ്യൂണിസ്റ്റ് നേതാക്കൾ സ്വീകരിച്ച നിലപാടുകളും പരിഗണിച്ചാണ് തീരുമാനമെന്ന് മകൻ വി.എ അരുൺകുമാർ കേരളകൗമുദിയോട് പറഞ്ഞു. പാർട്ടി മൂല്യങ്ങളെയും തീരുമാനങ്ങളെയും കമ്മ്യൂണിസ്റ്റെന്ന നിലയിൽ പിതാവ് എപ്പോഴും മുറുകെ പിടിച്ചിരുന്നു. അതിനൊപ്പമാണ് കുടുംബം. പാർട്ടി നിലപാട് ജനറൽ സെക്രട്ടറി എം.എ. ബേബിയും സംസ്ഥാന സെക്രട്ടറി എം.വി. ഗോവിന്ദനും വി.എസിൻെ്റ കുടുംബത്തെ അറിയിച്ചിരുന്നു.