വന നിയമഭേദഗതി കർഷക വിരുദ്ധം

കോട്ടയം; നിയമസഭ പാസാക്കിയ പുതിയ വനനിയമഭേദഗതിയിൽ സർക്കാരിന്റെ കർഷക വിരുദ്ധ നയമാണ് വ്യക്തമാക്കുന്നതെന്ന് കേരള കോൺഗ്രസ് വർക്കിംഗ് ചെയർമാൻ പി.സി തോമസ് പറഞ്ഞു. പട്ടയം കൈവശാവകാശവും ഉടമസ്ഥാവകാശവും തെളിയിക്കുന്ന രേഖയാണെന്ന നിയമവ്യവസ്ഥ കാറ്റിൽ പറത്തി 1971 മുതൽ കർഷകർക്കുള്ള ആ അവകാശം ഇല്ലാതാക്കിയത് വഴി കർഷക ദ്രോഹമാണ് കേരള സർക്കാർ ചെയ്തിരിക്കുന്നത്. അടിയന്തരമായി നിയമം പിൻവലിക്കാൻ തയാറായില്ലെങ്കിൽ കർഷകരുടെ ശക്തമായ പ്രതിഷേധത്തിനും സമരങ്ങൾക്കും കാരണമാകുമെന്ന് തോമസ് പറഞ്ഞു.