ലോക പ്രമേഹ ദിനാചരണം 14 ന്

പാലാ: ഇന്ത്യൻ മെഡിക്കൽ അസോസിയേഷൻ പാലാ ശാഖയും മരിയൻ മെഡിക്കൽ സെന്റർ ആശുപത്രിയുമായി ചേർന്ന് ലോക പ്രമേഹ ദിനചാരണം 14ന് രാവിലെ 9.30ന് മരിയൻ സെന്റർ ആശുപത്രിയിൽ നടത്തുമെന്ന് ഐ.എം.എ ഭാരവാഹികൾ അറിയിച്ചു. മുൻകൂട്ടി പേര് രജിസ്റ്റർ ചെയ്യുന്ന 100 പേർക്ക് ബ്ലഡ് ഷുഗർ, എച്ച്.ബി.എ.1സി, ലിപിഡ് പ്രൊഫൈൽ മുതലായ ടെസ്റ്റുകൾ സൗജന്യമായി ചെയ്തു കൊടുക്കും. തുടർന്ന് പ്രമേഹ ദിനാചരണ ക്ലാസുമുണ്ട്. മരിയൻ മെഡിക്കൽ സെന്റർ അഡ്മിനിസ്‌ട്രേറ്റർ സിസ്റ്റർ ലിൻസി ഇമ്മാനുവേൽ, ഐ.എം.എ ഭാരവാഹികളായാ ഡോ. സോം വി തോമസ്, സെക്രട്ടറി ഡോ.സാം മാത്യു, മെഡിക്കൽ സൂപ്രണ്ട് ഡോ. മാത്യു തോമസ്, ചീഫ് ഫിസിഷ്യൻ ഡോ. സിറിയക് തോമസ് എന്നിവർ ക്യാമ്പിന് നേതൃത്വം കൊടുക്കും.