എൻ.ജി.ഒ യൂണിയൻ ജനറൽ ബോഡി

വൈക്കം ; കേരള എൻ.ജി.ഒ. യൂണിയൻ വൈക്കം ഏരിയ ജനറൽ ബോഡി സീതാറാം ഓഡി​റ്റോറിയത്തിൽ ചേർന്നു. സംസ്ഥാന കൗൺസിൽ തീരുമാനങ്ങൾ വിശദീകരിക്കുന്നതിനും, സിവിൽ സർവീസിനെ സംരക്ഷിക്കാനും, ജീവനക്കാരുടെ ന്യായമായ അവകാശ അനുകൂല്യങ്ങൾ സംരക്ഷിക്കുന്നതിനും ആവശ്യമായ ഭാവി പ്രക്ഷോഭ പരിപാടികളെപ്പ​റ്റി യോഗം ചർച്ചചെയ്തു. ജില്ലാ സെക്രട്ടറി കെ.ആർ.അനിൽകുമാർ ഉദ്ഘാടനം ചെയ്തു. ഏരിയ പ്രസിഡന്റ് സരിതാദാസ് അദ്ധ്യക്ഷത വഹിച്ചു. ഏരിയ സെക്രട്ടറി റഫീഖ് പാണംപറമ്പിൽ റിപ്പോർട്ട് അവതരിപ്പിച്ചു. ജില്ലാ സെക്രട്ടേറിയ​റ്റംഗങ്ങളായ വി.കെ.വിപിനൻ, എം.ജി.ജയ്‌മോൻ എന്നിവർ പ്രസംഗിച്ചു.