കുടിവെള്ള പദ്ധതി ഉദ്ഘാടനം

കായക്കൊടി: ഗ്രാമപഞ്ചായത്ത് 52 ലക്ഷം രൂപ അനുവദിച്ച് നിർമിച്ച കുഴിപ്പാട്ട് -ഇരൂളാം കുടിവെള്ള പദ്ധതി തദ്ദേശസ്വയംഭരണ മന്ത്രി എം.ബി രാജേഷ് ഉദ്ഘാടനം ചെയ്തു. കായക്കൊടി പഞ്ചായത്ത് പ്രസിഡന്റ് ഒ പി ഷിജിൽ അദ്ധ്യക്ഷത വഹിച്ചു. കായക്കൊടി പഞ്ചായത്ത് സെക്രട്ടറി ആർദ്ര റിപ്പോർട്ട് അവതരിപ്പിച്ചു. പഞ്ചായത്ത് സ്ഥിരം സമിതി അദ്ധ്യക്ഷരായ എ ഉമ, സരിത മുരളി, എം റീജ, പഞ്ചായത്ത് അംഗം സി.കെ ഷൈമ, എം.കെ ശശി, സാലിഹ്, എ റഷീദ്, പി.പി സനീഷ്, ഇ.കെ പോക്കർ, പ്രേംരാജ് കായക്കൊടി, പി രാജീവൻ എന്നിവർ പ്രസംഗിച്ചു. വാർഡ് അംഗം കെ ശോഭ സ്വാഗതവും കെ.പി ബാബു നന്ദിയും പറഞ്ഞു.