അക്കാഡമിക് കരാറിൽ ഒപ്പുവെച്ചു

കുറ്റ്യാടി: ഈജിപ്ത് കേന്ദ്രമായി പ്രവർത്തിക്കുന്ന റാബിത്തുൽ ജാമിഅത്തുമായി സിറാജുൽ ഹുദ അക്കാഡമിക് സഹകരണ കരാറിൽ ഒപ്പുവെച്ചു. ഈജിപ്ത് സന്ദർശനത്തിനിടയിൽ സിറാജുൽ ഹുദാ കാര്യദർശി പേരോട് അബ്ദുറഹ്മാൻ സഖാഫി റാബിത്തുൽ ജാമിഅയുടെ ജനറൽ സെക്രട്ടറി ഡോ. സാമി ശരീഫുമായി നടത്തിയ കൂടിക്കാഴ്ച്ചയിലാണ് കരാറിൽ ഒപ്പുവെച്ചത്. റാബിതയും സിറാജുൽ ഹുദയും സംഘടിപ്പിക്കുന്ന കോൺഫറൻസുകൾ, ഹ്രസ്വ കോഴ്സുകൾ തുടങ്ങിയവയിൽ പങ്കെടുക്കാനുള്ള അവസരവും വിദ്യാർത്ഥികൾക്ക് തുടർ പഠനത്തിനുള്ള സൗകര്യവും കരാറിന്റെ ഭാഗമായി ചർച്ച ചെയ്തു. റാബിത പ്രതിനിധികളായ ഡോ. വലീദ് അബ്ദുറഹ്‌മാൻ ഡോ. മുഹമ്മദ് ഹദ്ദാദ് മറ്റു പ്രതിനിധികളും സംബന്ധിച്ചു.