മെഗാ തൊഴിൽ മേള നടത്തി

പാലക്കാട്: ചിനക്കത്തൂർ ലക്ഷ്മീനാരായണ വിദ്യാനികേതൻ സ്കൂളിൽ നടന്ന മെഗാ ജോബ് ഫെയറും ഹയർ എജ്യുക്കേഷൻ സെമിനാറും വി.കെ.ശ്രീകണ്ഠൻ എം.പി ഉദ്ഘാടനം ചെയ്തു. ലക്ഷ്മീനാരായണ കോളേജ് പ്രിൻസിപ്പൽ പി.കെ.ദിലീപ് കുമാർ അദ്ധ്യക്ഷനായി. സത്യൻ പെരുമ്പറക്കോട്, പി.രാജരത്നം, ശ്രീവത്സൻ, എൻ.കെ.കൃഷ്ണൻകുട്ടി, എ.കെ.സാജൻ, സ്കൂൾ പ്രിൻസിപ്പൽ കെ.ഷീല, കോ ഓർഡിനേറ്റർ ഉണ്ണികൃഷ്ണൻ എന്നിവർ സംസാരിച്ചു.

തൊഴിൽ അന്വേഷകർക്ക് ജോലിയവസരമൊരുക്കി നടന്ന മേളയിൽ 1200ഓളം ഉദ്യോഗാർത്ഥികൾ പങ്കെടുത്തു. നാനൂറിലധികം പേർക്ക് ജോലി ലഭിച്ചു. സെമിനാറിൽ നൂറുകണക്കിന് വിദ്യാർത്ഥികളും രക്ഷിതാക്കളും പങ്കെടുത്തു. അമ്പതോളം പ്രമുഖ സ്വകാര്യ കമ്പനികൾ മേളയുടെ ഭാഗമായി.