പട്ടയമേള 26 ന്

പാലക്കാട്: ജില്ലാതല പട്ടയമേള ഫെബ്രുവരി 26 ന് മുണ്ടൂർ പൊരിയാനി എബ്രസൺ കൺവെൻഷൻ സെന്ററിൽ രാവിലെ 10.30 ന് ആരംഭിക്കും. പട്ടയമേളയുടെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ തൃശൂർ ജില്ലയിൽ നിർവഹിക്കും. റവന്യൂ മന്ത്രി കെ.രാജൻ അദ്ധ്യക്ഷത വഹിക്കും. പാലക്കാട് പട്ടയവിതരണത്തിന് മന്ത്രിമാരായ കെ.കൃഷ്ണൻകുട്ടി, എം.ബി.രാജേഷ് എന്നിവർ നേതൃത്വം നൽകും. ജില്ലയിലെ എം.പിമാർ, എം.എൽ.എമാർ, മറ്റ് ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും. വിവിധ വിഭാഗങ്ങളിലായി 4837 പട്ടയങ്ങൾ വിതരണം ചെയ്യും.