സംസ്ഥാന ബഡ്‌ജറ്റ്: നീണ്ട് നീണ്ട് പ്രഖ്യാപനങ്ങൾ, പറ്റിക്കപ്പെടുമോ പത്തനംതിട്ട?​

ഇന്ന് പ്രഖ്യാപിക്കുന്ന സംസ്ഥാന ബഡ്ജറ്റിൽ ജില്ലയ്ക്ക് പ്രതീക്ഷകളേറെയാണ്. എന്നാൽ കഴിഞ്ഞ ബഡ്ജറ്റുകളിലെ പ്രഖ്യാപനങ്ങളിൽ പലതും നടപ്പായില്ല. എങ്കിലും ജില്ല കാത്തിരിക്കുകയാണ് അഞ്ച് മണ്ഡലങ്ങളിലെ പ്രധാന പദ്ധതികളിലൂടെ...

1. ആറന്മുള

 കോഴഞ്ചേരി ചരിത്ര മ്യൂസിയം പ്രഖ്യാപനത്തിലൊതുങ്ങി

 ആറന്മുള വള്ളംകളിയുടെ പ്രധാന പവലിയൻ നിർമ്മാണത്തിന് രണ്ടുകോടി രൂപ കഴിഞ്ഞ ബഡ്ജറ്റിൽ അനുവദിച്ചെങ്കിലും പദ്ധതി നടപ്പായില്ല

 നാരങ്ങാനം -വലിയകുളം ഇൻഡോർ സ്റ്രേഡിയം യാഥാർത്ഥ്യമായില്ല

 മെഴുവേലി -ചെന്നീർക്കര പഞ്ചായത്തുകളിലെ റോഡ് നവീകരണം എങ്ങുമെത്തിയില്ല

 പ്രതീക്ഷയോടെ ആറന്മുള ഹെറിറ്റേജ് മ്യൂസിയം പദ്ധതി

 വാസ്തുവിദ്യ ഗുരുകുല വികസന പദ്ധതിയിലും പ്രതീക്ഷ

2. അടൂർ

 ആതിരമല ടൂറിസം പദ്ധതിക്ക് അനുമതിയില്ല

 പന്തളം ടൗണിൽ ഫൂട് ഓവർബ്രിഡ്ജ്, അടൂർ ടൗൺഹാൾ, പന്തളം ഫയർസ്റ്റേഷൻ എന്നിവയാണ് പ്രതീക്ഷ

 അടൂർ വ്യവസായ പാർക്കിന് അനുമതി ലഭിച്ചില്ല

 കല്ലുകുഴി- തെങ്ങമം റോഡ്, പന്നിവിഴ -തേപ്പുംപാറ റോഡ് എന്നിവ നടപ്പായില്ല

 എ.ഇ.ഒ ഓഫീസുകൾക്ക് പുതിയ കെട്ടിടം വേണം

 കൊടുമൺ ഇ.എം.എസ് സ്റ്റേഡിയത്തിൽ സ്‌പോട്‌സ് സ്‌കൂൾ അനുവദിച്ചില്ല

3. കോന്നി

 ഗവ.മെഡിക്കൽ കോളേജിന്റെ തുടർ വികസനത്തിന് ബഡ്ജറ്റിൽ പരിഗണന ലഭിച്ചേക്കും

 റിംഗ് റോഡിന് 20 കോടി അനിവദിച്ചെങ്കിലും ഒന്നുമായില്ല

 റസ്റ്റ് ഹൗസും സുവോളജി പാർക്കും നടപ്പായില്ല

 കോന്നിിലെ കോടതി കെട്ടിടം എങ്ങുമെത്തിയില്ല

4. തിരുവല്ല

 രാജ്യാന്തര നിലവാരത്തിൽ തിരുവല്ല പബ്ലിക് സ്റ്റേഡിയം വികസനം നടപ്പായില്ല
 ഡി.ഡി.ഒ, ഡി.ഇ.ഒ, എ.ഇ.ഒ, ഡയറ്റ്, എസ്.എസ്.കെ, ബി.ആർ.സി ഓഫീസുകൾ ഉൾപ്പെടുത്തി വിദ്യാഭ്യാസ സമുച്ചയം
 മുത്തൂരിൽ ഫ്‌ളൈ ഓവർ നിർമ്മാണം നടപ്പായില്ല

 സ്വാമിപാലം - മന്നംകരച്ചിറ പാലം നടപ്പായില്ല

5. റാന്നി

 ഇട്ടിയപ്പാറയിൽ ഇന്നർ റിംഗ് റോഡ് നടപ്പായില്ല

 വന്യമൃഗ ശല്യം ചെറുക്കാനുള്ള പദ്ധതി

 നോളേജ് വില്ലേജിന്റെ ഭാഗമായുള്ള വിവിധ പദ്ധതികൾ

 ശബരിമല വികസന പദ്ധതികൾ