മൊബൈൽ പാസ്‌പോർട്ട് സേവാ വാൻ പ്രവർത്തനം തുടങ്ങി

തിരുവനന്തപുരം: തിരുവനന്തപുരം റീജിയണൽ പാസ്‌പോർട്ട് ഓഫീസിന്റെ നേതൃത്വത്തിൽ ആരംഭിച്ച മൊബൈൽ പാസ്‌പോർട്ട് സേവാ വാൻ കളക്ടർ അനുകുമാരിയും റീജിയണൽ പാസ്‌പോർട്ട് ഓഫീസർ ജീവ മരിയ ജോയും ചേർന്ന് ഉദ്ഘാടനം ചെയ്തു. 11, 15, 16, 17 തീയതികളിൽ കുടപ്പനക്കുന്ന് ജില്ലാ കളക്ടറേ​റ്റിലും 21, 23 തീയതികളിൽ വർക്കല പോസ്​റ്റ് ഓഫീസിലും 29, 31 തീയതികളിൽ കരുനാഗപ്പള്ളി പോസ്​റ്റ് ഓഫീസിലും വാനിന്റെ പ്രവർത്തനം ഉപയോഗപ്പെടുത്താനാകും.ഈ പ്രദേശങ്ങളിൽ താമസിക്കുന്ന അപേക്ഷകർക്ക് www.passportindia.gov.in എന്ന വെബ്‌സൈ​റ്റ് വഴി മൊബൈൽ പാസ്‌പോർട്ട് സേവാ വാനിലെ അപ്പോയിന്റ്‌മെന്റുകൾ ബുക്ക് ചെയ്യാനും ആവശ്യമായ രേഖകൾ സഹിതം അനുവദിച്ച അപ്പോയിന്റ്‌മെന്റ് സ്ലോട്ടുകൾ അനുസരിച്ച് റിപ്പോർട്ട് ചെയ്യാനും കഴിയും. കൂടുതൽ വിവരങ്ങൾക്ക് ഫോൺ: 0471 2470225 (തിരുവനന്തപുരം ആർ.പി.ഒ), ഇമെയിൽ: rpo.trivandrum@mea.gov.in