തൃശൂർ: ജനങ്ങളുടെ രാഷ്ട്രീയ ബോധത്തിൽ വിശ്വാസം അർപ്പിക്കാമെന്നതിന് വലിയ തെളിവാണ് മോദി സർക്കാരിൽ നിന്ന് എൻ.ഡി.എ മുന്നണി സർക്കാർ എന്ന നിലയിലേക്കുള്ള മാറ്റമെന്ന് ആർ.ജെ.ഡി സംസ്ഥാന പ്രസിഡന്റ് എം.വി.ശ്രേയാംസ്‌കുമാർ
ദേശീയ രാഷ്ട്രീയത്തിലെ മാറ്റത്തിന്റെ തുടക്കത്തെ മതേതര സോഷ്യലിസ്റ്റുകൾ സന്തോഷത്തോടെ സ്വീകരിക്കും. രാഷ്ട്രീയ യുവജനത സംസ്ഥാനകമ്മിറ്റി നടത്തിയ എം.പി.വീരേന്ദ്രകുമാർ സ്മൃതി സംഗമം ഉദ്ഘാടനം ചെയ്യുകയായിരുന്നു അദ്ദേഹം. രാഷ്ട്രീയ യുവജനതാദൾ സംസ്ഥാന പ്രസിഡന്റ് തേവലക്കര അദ്ധ്യക്ഷനായി. ഡി.വൈ.എഫ്.ഐ സംസ്ഥാന പ്രസിഡന്റ് വി.വി.വസീഫ്, യൂത്ത് കോൺഗ്രസ് സംസ്ഥാന വൈസ് പ്രസിഡന്റ് അബിൻ വർക്കി, യൂത്ത് ലീഗ് ജനറൽ സെക്രട്ടറി പി.കെ.ഫിറോസ് , എ.ഐ.വൈ.എഫ്. സംസ്ഥാന പ്രസിഡന്റ് എൻ.അരുൺ, യൂജിൻ മോറേലി, പി.കെ.പ്രവീൺ തുടങ്ങിയവർ സംസാരിച്ചു .