ക്രൗഡ് മാനേജ്‌മെന്റ് യോഗം ചേർന്നു

തൃശൂർ: സുവോളജിക്കൽ പാർക്ക് ഉദ്ഘാടനവുമായി ബന്ധപ്പെട്ട് ക്രൗഡ് മാനേജ്‌മെന്റ് യോഗം റവന്യൂ മന്ത്രി കെ. രാജന്റെ അദ്ധ്യക്ഷതയിൽ ചേർന്നു. ഉദ്ഘാടനത്തിനോട് അനുബന്ധിച്ച് എത്തിച്ചേരുന്ന ജനങ്ങളെ നിയന്ത്രിക്കുന്നതും അനുബന്ധമായ കാര്യങ്ങളും നടപടികളും യോഗത്തിൽ ചർച്ച ചെയ്തു. ഗതാഗത നിയന്ത്രണം, വാഹന പാർക്കിംഗ് ഒരുക്കൽ അടക്കമുള്ള ആവശ്യമായ നടപടികൾ സ്വീകരിക്കണമെന്ന് മന്ത്രി നിർദ്ദേശം നൽകി. അഡീഷണൽ ജില്ലാ മജിസ്‌ട്രേറ്റ് ടി. മുരളി, തൃശൂർ താലൂക്ക് തഹസിൽദാർ ടി. ജയശ്രീ, ബി.എൻ. നാഗരാജ്, കെ.ജെ. വർഗീസ്, ജില്ലാ പഞ്ചായത്ത്, ബ്ലോക്ക് പഞ്ചായത്ത്, പഞ്ചായത്ത് ജനപ്രതിനിധികൾ റവന്യൂ, വൈദ്യുതി, കെ.എസ്.ടി.പി, പൊലീസ്, അഗ്‌നിശമന സേന, ഫോറസ്റ്റ്, പഞ്ചായത്ത് ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.