തൃശൂർ: വളർന്നുവരുന്ന തലമുറയ്ക്ക് പ്രോത്സാഹനമായി പാട്ട് ക്ലബ് പോലുളള കൂട്ടായ്മകൾ ഉണ്ടാകണമെന്ന് കളക്ടർ ഹരിത വി. കുമാർ. പ്രസ്ക്ലബ് ക്രിസ്മസ് - ന്യൂഇയർ ആഘോഷവും പാട്ട്ക്ലബിന്റെ ഉദ്ഘാടനവും നിർവഹിക്കുകയായിരുന്നു കളക്ടർ. പാട്ട് പാടിയാണ് കളക്ടർ പാട്ട്ക്ലബിന്റെ ഉദ്ഘാടനം നിർവഹിച്ചത്. പ്രസിഡന്റ് ഒ. രാധിക അദ്ധ്യക്ഷനായി. പ്രസ്ക്ലബ് സംഗീതം കമ്മിറ്റി കോ - ഓർഡിനേറ്റർ എ.വി. ശ്രീകുമാർ, കൺവീനർ ടി.വി. രവി, പ്രസ് ക്ലബ് വൈസ് പ്രസിഡന്റ് അരുൺ എഴുത്തച്ഛൻ, ട്രഷറർ കെ. ഗിരീഷ് , സെക്രട്ടറി പോൾ മാത്യു, എക്സിക്യൂട്ടീവ് അംഗങ്ങളായ സി.എസ്. ദീപു, അനിജ മോൾ തുടങ്ങിയവർ നേതൃത്വം നൽകി.
അംഗങ്ങളും കുടുംബാംഗങ്ങളും പാട്ടുകൾ ആലപിച്ച് പാട്ട് ക്ലബ്ബിനെ സജീവമാക്കി. ദീപികയിലെ ടി.എ. കൃഷ്ണപ്രസാദിന്റെ മകൻ ഋഷികേശിന്റെ തബല വാദനവും ഉണ്ടായിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |