നേരിട്ടുള്ള വിദേശ നിക്ഷേപം ഇടിയുന്നു

കൊച്ചി: ആഗോള മേഖലയിലെ അനിശ്ചിതത്വങ്ങൾക്കിടെ ഒക്‌ടോബർ മുതൽ ഡിസംബർ വരെയുള്ള മൂന്ന് മാസത്തിനിടെ ഇന്ത്യൻ വ്യവസായ മേഖലയിലേക്കുള്ള നേരിട്ടുള്ള വിദേശ നിക്ഷേപം 5.6 ശതമാനം ഇടിഞ്ഞ് 1,90 കോടി ഡോളറായി. മുൻവർഷം ഇതേകാലയളവിൽ നേരിട്ടുള്ള വിദേശ നിക്ഷേപം 1155 കോടി ഡോളറായിരുന്നു. ജൂലായ് മുതൽ സെപ്തംബർ വരെയുള്ള രണ്ടാം ത്രൈമാസക്കാലയളവിൽ വിദേശ നിക്ഷേപം 43 ശതമാനം വർദ്ധനയോടെ 1361 കോടി ഡോളറായിരുന്നു.. ഏപ്രിൽ മുതൽ ഡിസംബർ വരെയുള്ള ഒൻപത് മാസത്തിൽ വിദേശ നിക്ഷേപം 27 ശതമാനം ഉയർന്ന് 4,067 കോടി ഡോളറായെന്നും കേന്ദ്ര സർക്കാരിന്റെ കണക്കുകൾ വ്യക്തമാക്കുന്നു.