കെ.എസ്.എഫ്.ഇ ഗ്യാരന്റി കമ്മിഷൻ ഗഡു കൈമാറി

തൃശൂർ: കെ.എസ്.എഫ്.ഇ നടപ്പു സാമ്പത്തിക വർഷത്തെ ഗ്യാരന്റി കമ്മിഷന്റെ ആദ്യ ഗഡുവായ 83.25 കോടി രൂപ സർക്കാരിന് കൈമാറി. ധനമന്ത്രി അഡ്വ. കെ.എൻ.ബാലഗോപാലിന് കെ.എസ്.എഫ്.ഇ ചെയർമാൻ കെ. വരദരാജനും മാനേജിംഗ് ഡയറക്ടർ ഡോ.എസ്.കെ. സനിലും ചേർന്നാണ് ചെക്ക് കൈമാറിയത്. കെ.എസ്.എഫ്.ഇ ഫിനാൻസ് ജനറൽ മാനേജർ എസ്.ശരത്ചന്ദ്രൻ, കമ്പനി സെക്രട്ടറി എമിൽ അലക്‌സ്, ലെയ്‌സൺ ഓഫീസർ ജയചന്ദ്രൻ നായർ, ജീവനക്കാരുടെ സംഘടനാ പ്രതിനിധികളായ എസ്.അരുൺ ബോസ്, വി.എൽ.പ്രദീപ്, എസ്.വിനോദ്, എസ്.സുശീലൻ തുടങ്ങിയവർ പങ്കെടുത്തു.