പഹൽഗാം ആക്രമണത്തിലെ മുഖ്യൻ മൂസയെ തിരയുന്നു

ന്യൂഡൽഹി: പഹൽഗാമിൽ 26 വിനോദസഞ്ചാരികളെ കൊലപ്പെടുത്തിയ ഭീകരാക്രമണത്തിലെ പ്രധാനി പാകിസ്ഥാൻ പൗരനായ ഹാഷിം മൂസ എന്ന സുലൈമാൻ ആണെന്ന് ദേശീയ അന്വേഷണ ഏജൻസിയുടെ കണ്ടെത്തൽ. അക്രമം ആസൂത്രണം ചെയ്‌ത മൂസ രണ്ടു വർഷമായി ജമ്മു കശ്മീരിൽ സജീവമാണ്.

2023ൽ അതിർത്തിയിലൂടെ നുഴഞ്ഞു കയറിയ മൂസ ശ്രീനഗറിനോട് ചേർന്ന ബുധ്ഗാം ജില്ല കേന്ദ്രീകരിച്ചാണ് പ്രവർത്തിച്ചത്. ഡച്ചിഗാം വനമേഖലയായിരുന്നു താവളം. ഡച്ചിഗാം വനത്തിലൂടെ ത്രാളിലേക്കും അവിടെ നിന്ന് പഹൽഗാമിലേക്കും എത്താനാകും.

ഒരു വർഷമായി അതിർത്തിക്കടുത്തുള്ള പ്രദേശങ്ങളിൽ നിന്ന് കശ്മീരിലെ വിവിധ ജില്ലകളിലേക്ക് പാക് ഭീകരരെ എത്തിക്കാൻ സഹായിച്ച ചില സ്ളീപ്പിംഗ് സെല്ലുകളുമായി മൂസ ബന്ധം പുലർത്തിയിരുന്നു. ഈ സെല്ലുകളുമായി ബന്ധപ്പെട്ടവർ അന്വേഷണ ഏജൻസികളുടെ നിരീക്ഷണത്തിലാണ്. നാട്ടുകാർ അടക്കം രണ്ടായിരത്തോളം പേരെ ചോദ്യം ചെയ്യാൻ കസ്റ്റഡിയിലെടുത്തു.

ആക്രമണത്തിന്റെ ഉത്തരവാദിത്വം ഏറ്റെടുത്ത ദി റെസിസ്റ്റനന്റ് ഫ്രണ്ട് (ടി.ആർ.എഫ്)മെസേജിംഗ് ആപ്പുകൾ വഴി നടത്തിയ എൻക്രിപ്റ്റഡ് സന്ദേശങ്ങൾ പിടിച്ചെടുക്കാനും ശ്രമിക്കുന്നു. ടി.ആർ.എഫ് സജീവമായ ഡിജിറ്റൽ പ്ലാറ്റ്‌ഫോമുകൾ നിരീക്ഷണത്തിലാണ്. ഭീകരരെ പിടികൂടാൻ സഹായിക്കുകയോ, രഹസ്യ വിവരം നൽകുകയോ ചെയ്യുന്നവർക്ക് 20 ലക്ഷം രൂപ പാരിതോഷികം പ്രഖ്യാപിച്ചിട്ടുണ്ട്.

ഭീകരർ മലനിരകളിൽ
ബൈസരൻ പുൽമേട്ടിൽ വിനോദസഞ്ചാരികളെ കൊലപ്പെടുത്തിയ മറ്റ് ഭീകരർക്കൊപ്പം മൂസ പിർ പഞ്ചൽ മലനിരകളിൽ ഒളിച്ചിരിക്കുന്നതായാണ് സൂചന. പാക് പൗരൻമാരായ അലി ഭായ് എന്ന തൽഹ, ആസിഫ് ഫൗജി, ജമ്മുകാശ്‌മീർ അനന്ത്നാഗ് സ്വദേശി ആദിൽ ഹുസൈൻ തോക്കർ, പുൽവാമ സ്വദേശി ആസിഫ് ഷെയ്ഖ് എന്നിവരാണ് ആക്രമണം നടത്തിയ മറ്റ് ഭീകരരെന്നും തിരിച്ചറിഞ്ഞു. ആക്രമണത്തിൽ നിന്ന് രക്ഷപ്പെട്ടവർ നൽകിയ വിവരണങ്ങളുടെ അടിസ്ഥാനത്തിൽ പ്രതികളുടെ രേഖാചിത്രങ്ങളും പോലീസ് പുറത്തുവിട്ടിട്ടുണ്ട്.

അ​ൽ​ത്താ​ഫ് ​ല​ല്ലി

ജ​മ്മു​ക​ശ്മീ​രി​ലെ​ ​ബ​ന്ദി​പ്പോ​ര​യി​ലു​ണ്ടാ​യ​ ​ഏ​റ്റു​മു​ട്ട​ലി​ൽ​ ​ല​ഷ്‌​ക​റെ​ ​ത്വ​യ്ബ​ ​ഭീ​ക​ര​ൻ​ ​അ​ൽ​ത്താ​ഫ് ​ല​ല്ലി​യെ​ ​സു​ര​ക്ഷാ​ ​സേ​ന ഇന്നലെ​ ​വ​ധി​ച്ചത്.​ ​കു​ൽ​നാ​ർ​ ​മേ​ഖ​ല​യി​ൽ​ ​ഭീ​ക​ര​ർ​ ​ഒ​ളി​ച്ചി​രി​പ്പു​ണ്ടെ​ന്ന​ ​വി​വ​ര​ത്തെ​ ​തു​ട​ർ​ന്ന് ​സേ​ന​ ​ന​ട​ത്തി​യ​ ​പ​രി​ശോ​ധ​ന​യ്ക്കി​ടെ​യാ​ണ് ​ഏ​റ്റു​മു​ട്ട​ൽ.
​ ​ല​ഷ്‌​ക​റെ​ ​ത്വ​യ്ബ​യി​ലെ​ ​ഉ​ന്ന​ത​ ​ക​മാ​ൻ​ഡർ
​ ​ജ​മ്മു​ ​കാ​ശ്മീ​രി​ലെ​ ​ഭീ​ക​ര​വാ​ദ​ ​പ്ര​വ​ർ​ത്ത​ന​ങ്ങ​ളി​ൽ​ ​സ​ജീ​വ​മാ​യി​രു​ന്ന​ ​ഇ​യാ​ൾ​ ​സു​ര​ക്ഷാ​ ​ഏ​ജ​ൻ​സി​ക​ളു​ടെ​ ​നോ​ട്ട​പ്പു​ള്ളി​യാ​യി​രു​ന്നു
​ ​യു​വാ​ക്ക​ളെ​ ​റി​ക്രൂ​ട്ട് ​ചെ​യ്യു​ന്ന​തി​നും​ ​പ​രി​ശീ​ല​നം​ ​ന​ൽ​കു​ന്ന​തി​നും​ ​മു​ന്നി​ലു​ണ്ടാ​യി​രു​ന്നു
​ ​പ​ഹ​ൽ​ഗാം​ ​ആ​ക്ര​മ​ണ​ത്തി​ന്റെ​ ​ആ​സൂ​ത്ര​ണ​ത്തി​ലും​ ​ന​ട​പ്പാ​ക്ക​ലി​ലും​ ​പ​ങ്കു​ണ്ടെ​ന്ന് ​ക​രു​തു​ന്നു