നാം വെറുതേയി​രി​ക്കി​ല്ല...

സ്ഫോടനം ഭീകരാക്രമണം തന്നെയാണെന്ന് സുരക്ഷാ ഏജൻസി​കൾ സ്ഥി​രീകരി​ച്ച സാഹചര്യത്തി​ൽ ഇനി​ രാജ്യത്തിന്റെ നീക്കം നി​ർണായകമാണ്. പിന്നിൽ

ജെയ്ഷെ മുഹമ്മദാണെന്ന് കരുതുന്നു. സ്ഫോടനത്തി​ന് വാഹനങ്ങൾ ഉപയോഗി​ക്കുന്നത് അവരുടെ ശൈലി​യാണ്. ഡൽഹി​ പോലെ പ്രധാനപ്പെട്ടയി​ടത്ത് ഏറെക്കാലത്തി​ന് ശേഷമാണ് ഒരു ഭീകരാക്രമണം. പഹൽഗാം സംഭവത്തി​ന് ശേഷം പാകി​സ്ഥാനിലെ പല ഭീകരകേന്ദ്രങ്ങളും തകർത്ത് ഇന്ത്യ വൻ തി​രി​ച്ചടി​ നൽകി. അത്​ അവരെ നാണംകെടുത്തി​. ഭീകരസംഘടനകൾക്ക് അണി​കളെ സമാധാനി​പ്പി​ക്കണമെങ്കി​ൽ പ്രത്യാക്രമണം അനി​വാര്യമാണ്. നമ്മുടെ സുരക്ഷാ ഏജൻസി​കൾ ഇത് മുൻകൂട്ടി​ കണ്ടതി​ന്റെ ഫലമാണ് ഫരീദാബാദി​ൽ കഴി​ഞ്ഞ ദി​വസം ഡോക്ടർമാർ ഉൾപ്പടെയുള്ള സംഘത്തെ വൻ ആയുധശേഖരവുമായി​ കുടുക്കി​യത്. ഇതിന്റെ പ്രതി​കാരമായാണ് തനി​ക്ക് സാധി​ക്കുംപോലെ ഒരാക്രമണം കാശ്മീർ സ്വദേശി​ നടത്തി​യത്.

സംഘാംഗങ്ങൾ അറസ്റ്റി​ലായി​രുന്നി​ല്ലെങ്കി​ൽ സ്ഫോടനത്തി​ന്റെ വ്യാപ്തി​ നാം വി​ചാരി​ക്കുന്നതി​ലും ഭീകരമായേനെ. അതി​നുവേണ്ടി​ 2,​900 കി​ലോ അമോണി​യം നൈട്രേറ്റും പൊട്ടാസ്യം നൈട്രേറ്റും ഫരീദാബാദി​ൽ ശേഖരി​ക്കാനായത് ചെറി​യ കാര്യമല്ല. സൈനി​കർ ഉപയോഗി​ക്കുന്ന വെടി​ക്കോപ്പുകളും ഇവരുടെ പക്കലുണ്ടായി​രുന്നു. രാജ്യമെമ്പാടും സ്ഫോടനപരമ്പരകൾ നടത്താനുള്ള ഒരുക്കങ്ങൾക്കി​ടെയാകണം സംഘം അന്വേഷണ ഏജൻസി​കളുടെ റഡാറി​ൽപ്പെട്ടത്. നൂറ് ആക്രമണശ്രമങ്ങളി​ൽ ഒന്നു വി​ജയി​ച്ചാൽ പോലും ഭീകരർക്ക് വലി​യ നേട്ടമാണ്. സുരക്ഷാ ഏജൻസി​കൾ 99 ശ്രമങ്ങൾ തകർത്താലും ഒന്നി​ൽ തോറ്റുപോയാൽ അമ്പേ പരാജയപ്പെട്ടതായാണ് വി​ലയി​രുത്തപ്പെടുക. ചെങ്കോട്ട സ്ഫോടനത്തി​ന്റെ കാര്യത്തി​ലും സുരക്ഷാ ഏജൻസി​കളുടെ വീഴ്ചയായി​ കണക്കാക്കപ്പെടുന്നത് അതി​നാലാണ്. പി​ന്നി​ലുള്ളവരെ കണ്ടുപി​ടി​ക്കുമെന്നും തക്കതായ ശി​ക്ഷ നൽകുമെന്നും ഇരകൾക്ക് നീതി​ ഉറപ്പാക്കുമെന്നും പ്രധാനമന്ത്രി​ നരേന്ദ്രമോദി​ വ്യക്തമാക്കി​യി​ട്ടുണ്ട്. ദാക്ഷി​ണ്യമി​ല്ലാതെയുള്ള തി​രി​ച്ചടി​ ഇപ്പോൾ ഇന്ത്യയുടെ പ്രഖ്യാപി​ത നയവുമാണ്. ജെയ്ഷെ മുഹമ്മദി​ന്റെ ആസ്ഥാനം പാകി​സ്ഥാനി​ലാണ്. പാക്കി​സ്ഥാനിൽ പ്രത്യാക്രമണം നടത്തുമോയെന്ന യുദ്ധ ആശങ്കകളും ഉയരുന്നുണ്ട്. അതി​ന് വലി​യ പ്രസക്തി​യി​ല്ല. തുറന്ന യുദ്ധമല്ലാതെ തന്നെ തി​രി​ച്ചടി​ക്കാൻ ഒട്ടേറെ മാർഗങ്ങൾ രാജ്യത്തിനുണ്ട്. അതി​നുള്ള ശേഷി​യും രാഷ്ട്രീയ ഇച്ഛാശക്തി​യുമുണ്ട്.

ആക്രമണത്തിൽ പാകിസ്ഥാന് നി​ശ്ചയമായും പങ്കുണ്ടാകണം. അവർക്ക് കാശ്മീർ സുപ്രധാന വി​ഷയമാണ്. ഇക്കുറി​ ഡോക്ടർമാർ ഉൾപ്പടെയുള്ള കാശ്മീരി​ലെ വി​ദ്യാസമ്പന്നരെയാണ് അവർ ഉപകരണമാക്കി​യത്. കാശ്മീർ വി​കസിക്കരുതെന്നതും കാശ്മീരി​കൾ നന്നാവരുതെന്നതും പാക് നയമാണ്. അവി​ടെ അസ്വസ്ഥതകൾ നി​ലനി​റുത്തണമെങ്കി​ൽ ഈ നയം വി​ജയി​ക്കണം. അതി​നി​ടെ വി​ദ്യാസമ്പന്നരെയും ഉന്നതജോലിക്കാരെയും കെണി​യി​ലാക്കാനുള്ള നീക്കമാണി​പ്പോൾ നടന്നത്. ഉന്നത വി​ദ്യാഭ്യാസമുള്ളവർ മതതീവ്രവാദത്തി​ലേക്ക് ആകർഷി​ക്കപ്പെടുന്നത് കേരളത്തി​ൽ മുമ്പ് കണ്ടി​ട്ടുണ്ടെങ്കി​ലും കാശ്മീരി​ൽ ഡോക്ടർമാർ ഒന്നി​ച്ചുചേർന്ന് ഒരു ആക്രമണത്തിൽ പങ്കുകൊള്ളുന്നത് ആദ്യമാകണം. കാശ്മീർ പ്രശ്നം എങ്ങനെയും നി​ലനി​റുത്താനുള്ള പാക് പദ്ധതി​യുടെ ഭാഗം തന്നെയാകണം ഈ നീക്കം. ഇത് അപകടകരമാണെന്നുതന്നെ വി​ലയി​രുത്താം. ഇത്തരം ബ്രെയി​ൻ വാഷിംഗി​ന് നമ്മുടെ യുവാക്കൾ ഇരയാകുന്നത് തടയാനുള്ള ശ്രമങ്ങളുണ്ടാകണം. ഡൽഹി​യി​ലെ ക്ഷേത്രത്തി​ന് സമീപം തന്നെ സ്ഫോടനം നടത്തി​യതി​ന് പി​ന്നി​ൽ വർഗീയ കലാപമെന്ന ദുരുദ്ദേശ്യവുമുണ്ട്.