വിമാനാപകടത്തിൽ നഷ്ടപ്പെട്ട പ്രമുഖർ

 വിജയ് രൂപാണി (2025)​)​

2025 ജൂൺ 12ന് അഹമ്മദാബാദിൽ നടന്ന എയർ ഇന്ത്യ വിമാനാപകടത്തിൽ ഗുജറാത്ത് മുൻമുഖ്യമന്ത്രി വിജയ് രൂപാണി കൊല്ലപ്പെട്ടു.

ലണ്ടനിലേക്ക് പുറപ്പെടാൻ അഹമ്മദാബാദ് വിമാനത്താവളത്തിൽ നിന്ന് പറന്നയുർന്ന വിമാനം തകർന്നുവീഴുകയായിരുന്നു. 242 പേരാണ് അപകടത്തിൽ കൊല്ലപ്പെട്ടത്.

 ജനറൽ ബിപിൻ റാവത്ത് (2021)
തമിഴ്നാട്ടിലെ കൂനൂരിനടുത്ത് എം.ഐ17 ഹെലികോപ്ടർ തകർന്ന് ഇന്ത്യയുടെ ആദ്യത്തെ സംയുക്ത സൈനിക മേധാവിയായ ജനറൽ ബിപിൻ റാവത്തും​ ഭാര്യയും മറ്റ് 11 പേരും കൊല്ലപ്പെട്ടു

 ദോർജി ഖണ്ഡു (2011)
തവാങ്ങിനും ഇറ്റാനഗറിനും ഇടയിൽ ഹെലികോപ്ടർ തകർന്ന് അരുണാചൽ പ്രദേശ് മുഖ്യമന്ത്രിയും മറ്റ് നാല് പേരും കൊല്ലപ്പെട്ടു.

 വൈ.എസ് രാജശേഖര റെഡ്‌ഡി (2009)​

ആന്ധ്രാപ്രദേശിലെ നല്ലമല വനത്തിൽ ഹെലികോപ്ടർ തകർന്ന് അന്നത്തെ ആന്ധ്രാ മുഖ്യമന്ത്രി വൈ.എസ്. രാജശേഖര റെഡ്ഡി കൊല്ലപ്പെട്ടു. അപകടകാരണം മോശം കാലാവസ്ഥ.

 ഒ.പി. ജിൻഡാൽ, സുരീന്ദർ സിംഗ് (2005)
2005 മാർച്ച് 31 ന് ഉത്തർപ്രദേശിലെ സഹാറൻപൂരിനടുത്ത് ഹെലികോപ്ടർ അപകടത്തിൽ ഹരിയാന മന്ത്രിമാരായിരുന്ന ഒ.പി. ജിൻഡാലും സുരേന്ദർ സിംഗും കൊല്ലപ്പെട്ടു

 സൗന്ദര്യ (2004)​

നടിയും ബി.ജെ.പി നേതാവുമായ സൗന്ദര്യ 2004 ഏപ്രിൽ 17ന് വിമാനാപകടത്തിൽ കൊല്ലപ്പെട്ടു. തിരഞ്ഞെടുപ്പ് പ്രചാരണത്തിനായി ആന്ധ്രയിലെ കരിംനഗറിലേക്കു പോകുന്നതിനിടെ ബംഗളൂരുവിനടുത്ത് ജക്കൂരിൽ ചെറുവിമാനം തകർന്നുവീഴുകയായിരുന്നു.

 ജി.എം.സി. ബാലയോഗി (2002)​

ആന്ധ്രയിലെ ലോക്സഭാ സ്പീക്കറും തെലുങ്കുദേശം പാർട്ടി നേതാവുമായിരുന്ന ജി.എം.സി. ബാലയോഗി 2002 മാർച്ച് മൂന്നിനാണ് ഹെലികോപ്ടർ അപകടത്തിൽ കൊല്ലപ്പെട്ടത്. ആന്ധപ്രദേശിലെ പശ്ചിമ ഗോദാവരി ജില്ലയിലെ ഭീമവാരത്ത് വച്ച് സ്വകാര്യ ഹെലികോപ്ടർ തകർന്നു വീഴുകയായിരുന്നു.

 മാധവ് റാവു സിന്ധ്യ (2001)​

കോൺഗ്രസ് നേതാവും മുൻ റെയിൽവേ മന്ത്രിയുമായിരുന്ന മാധവ് റാവു സിന്ധ്യ 2001ൽ നടന്ന വിമാനാപകടത്തിൽ കൊല്ലപ്പെട്ടു. ഉത്തർപ്രദേശിലെ മെയിൻപുരിയിൽ വിമാനം തകർന്നുവീഴുകയായിരുന്നു.

 സഞ്ജയ് ഗാന്ധി (1980)​

1980 ജൂൺ 23ന് കോൺഗ്രസ് നേതാവും മുൻപ്രധാനമന്ത്രി ഇന്ദിരാഗാന്ധിയുടെ മകനുമായ സഞ്ജയ് ഗാന്ധി വിമാനാപകടത്തിൽ കൊല്ലപ്പെട്ടു. സഞ്ജയ്‌യാണ് വിമാനം പറത്തിയിരുന്നത്.

ബൽവന്ത് റായി മേത്ത ( 1965)​

ഗുജറാത്തിന്റെ മുഖ്യമന്ത്രിയായിരുന്ന ബൽവന്ത് റായി മേത്ത 1965ൽ ഇന്ത്യ-പാക് യുദ്ധ സമയത്താണ് കൊല്ലപ്പെട്ടത്. മേത്ത സഞ്ചരിച്ച വിമാനം പാക്ക് സൈന്യം വെടിവച്ചിടുകയായിരുന്നു.