വിജയ് വിശ്വനാഥിന് 5 വിക്കറ്ര്
ഹൈദരാബാദ്: വിനു മങ്കാദ് ട്രോഫി അണ്ടർ 19 ഏകദിന മത്സരത്തിൽ ബംഗാളിനെതിരെ കേരളത്തിന് ഒരുവിക്കറ്റിന്റെ തകർപ്പൻ ജയം. ആദ്യം ബാറ്ര് ചെയ്ത ബംഗാൾ 29.1 ഓവറിൽ 119 റൺസിന് ആൾ ഔട്ടായി. മറുപടിക്കിറങ്ങിയ കേരളം 43.5ഓവറിൽ 1 വിക്കറ്ര് മാത്രം ശേഷിക്കെ വിജയ ലക്ഷ്യത്തിലെത്തുകയായിരുന്നു (120/9). 5 വിക്കറ്രെടുത്ത വിജയ് വി വർഗീസാണ് കേരളത്തിന്റെ വിജയശില്പി.
അണ്ടർ 19 വിഭാഗത്തിൽ ബംഗാളിനെതിരെ ആദ്യമായാണ് കേരളം ജയം നേടുന്നത്. പുറത്താകാതെ 47 പന്തിൽ 24 റൺസുമായി പ്രതിസന്ധിയിൽ പതറാതെ പോരാടിയ ഗൗതം മോഹൻ കേരളത്തിന്റെ വിജയത്തിൽ നിർണായക പങ്കുവഹിച്ചു. പ്രീതിഷ് (29), അഭിഷേക് നായർ (17) എന്നിവരും നിർണായക സംഭാവന നൽകി. ബംഗാളിനായി രവികുമാർ 3 വിക്കറ്ര് വീഴ്ത്തി.
നേരത്തേ 7.1 ഓവറിൽ 40 റൺസ് നൽകിയാണ് വിജയ് 5 വിക്കറ്ര് വീഴ്ത്തിയത്. വിനയ് വി വർഗ്ഗീസ് മൂന്ന് വിക്കറ്റ് നേടി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |