വാഷിംഗ്ടൺ: പ്രത്യേക പരിശീലനത്തിന് ശേഷം വൈറ്റ്ഹൗസിൽ തിരിച്ചെത്തിയ അമേരിക്കൻ പ്രസിഡന്റ് ജോ ബൈഡന്റെ വളർത്തു നായ മേജർ ജീവനക്കാരനെ ആക്രമിച്ചു. നേരത്തെ, മറ്റൊരു വൈറ്റ് ഹൗസ് ജീവനക്കാരനെ ആക്രമിച്ചത് മൂലമാണ് മേജറിനെ പരിശീലനത്തിന് അയച്ചത്. പുതിയ സാഹചര്യങ്ങളുമായി മേജർ ഇനിയും പൊരുത്തപ്പെട്ടിട്ടില്ലെന്നും അതുകൊണ്ടാണ് വീണ്ടും ആക്രകാരിയായതെന്നും ബൈഡന്റെ വക്താവ് മൈക്കൽ ലാ രോസ പറഞ്ഞു. 2018ലാണ് ജർമ്മൻ ഷെപ്പേഡ് ഇനത്തിൽപ്പെട്ട ചാംപിനേയും മേജറിനേയും ബൈഡൻ ദത്തെടുക്കുന്നത്. പണ്ട് മുതൽ തന്നെ മേജർ പ്രശ്നക്കാരനാണ്. പലയിടങ്ങളിൽ വച്ച് മേജർ ആക്രമണോത്സുകമായി പെരുമാറിയിട്ടുണ്ട്. മേജർ ആളുകൾക്ക് നേരെ കുരക്കുകയും ചാടുകയും ആക്രമിക്കാൻ ശ്രമിക്കുകയും ചെയ്തതിന്റെ പേരിൽ ബൈഡൻ പല തവണ പഴി കേട്ടിട്ടുണ്ട്. മേജറിനെയും ചാംപിനെയും വീട്ടിലേക്ക് മാറ്റാൻ തീരുമാനിച്ചിരുന്നെന്നും വൈകാതെ അവർ വൈറ്റ് ഹൗസിലേക്ക് മടങ്ങിയെത്തുമെന്നും നേരത്തെ വൈറ്റ് ഹൗസ് പ്രസ് സെക്രട്ടറി ജെൻ സാകി അറിയിച്ചിരുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |