യു.എസ് ഉദ്യോഗസ്ഥർക്ക് വിലക്കേർപ്പെടുത്തി ചൈന

ബീജിംഗ്: ഉയ്ഗൂർ വംശഹത്യ വിഷയത്തിൽ യു.എസ് പ്രഖ്യാപിച്ച നയതന്ത്ര ഉപരോധത്തിന് മറുപടിയായി നാല് അമേരിക്കൻ ഉദ്യോഗസ്ഥർക്ക് വിലക്കേർപ്പെടുത്തി ചൈന. യു.എസ് സർക്കാറിനു കീഴിലെ അന്താരാഷ്ട്ര മതസ്വാതന്ത്ര്യ കമ്മീഷൻ അംഗങ്ങൾക്കാണ് ചൈനീസ് ഭരണകൂടം വിലക്കേർപ്പെടുത്തിയത്.

യു.എസ് പാനലിന്റെ ചെയർപേഴ്സൻ നദീൻ മീൻസ, വൈസ് ചെയർമാൻ നൂരി തുർകൽ, അംഗങ്ങളായ അനുരിമ ഭാർഗവ, ജെയിംസ് കാർ ഷാവോ എന്നിവർക്കാണ് വിലക്ക്. ചൈനീസ് ഭരണകൂടത്തിന്റെ നിയന്ത്രണത്തിലുള്ള ഇടങ്ങളിൽ ഇവർക്ക് ആസ്തിയുണ്ടെങ്കിൽ അത് മരവിപ്പിക്കപ്പെടുകയും ചെയ്യും.