ഉപജീവനമാണ്....കോർപറേഷന്റെ നേതൃത്വത്തിൽ നഗരത്തിന്റെ വിവിധയിടങ്ങളിൽ പ്ളാസ്റ്റിക് മാലിന്യം നിക്ഷേപിക്കാനായി സ്ഥാപിച്ച ബോട്ടിൽ ബൂത്തിൽ നിന്ന് പ്ളാസ്റ്റിക് കുപ്പി കൈകടത്തി എടുത്തുകൊണ്ട് പോകാൻ ശ്രമിക്കുന്ന അന്യസംസ്ഥാനക്കാരിയായ സ്ത്രീ. ബോട്ടിൽ ബൂത്ത് സ്ഥാപിച്ചതോടെ ഇവരുടെ ഉപജീവനത്തെയാണ് ബാധിച്ചത്

അണ്ടർഗ്രൗണ്ട് റൂം...ബംഗളുരുവിൽ നിന്നും എറണാകുളത്തേക്ക് സർവീസ് നടത്തുന്ന കർണാടക ആർ.ടി.സി ബസിന്റെ ലഗേജുകൾ സൂക്ഷിക്കുന്ന സ്ഥലത്ത് വിശ്രമിക്കുന്ന ബസ് ജീവനക്കാരൻ. കാരിക്കാമുറിയിൽ നിന്നുള്ള കാഴ്ച്ച

പ്രതിഷേധ മുഖം...കുടുംബ കോടതിയിൽ കേസുകൾക്ക് അടയ്ക്കേണ്ട ഫീസിൽ വരുത്തിയ വലിയ വർദ്ധനവ് പിൻവലിക്കുക എന്നാവശ്യപ്പെട്ട് മഹിളാ കോൺഗ്രസ് എറണാകുളം ജില്ലാ കമ്മിറ്റിയുടെ നേതൃത്വത്തിൽ രാജേന്ദ്ര മൈതാനിയിലെ ഗാന്ധി പ്രതിമയക്ക് മുന്നിലേക്ക് നടത്തിയ പ്രതിഷേധ മാർച്ചിൽ മുദ്രാവാക്യം വിളിക്കുന്ന പ്രവർത്തകർ

കഴിഞ്ഞ ദിവസങ്ങളിൽ പെയ്ത മഴയിൽ ഇരുക്കരയും മുട്ടിഒഴുക്കുന്ന ഭാരതപ്പുഴ ലക്കിടി ഭാഗത്ത് നിന്ന്'.

സ്കൂൾ ബസിനുള്ളിലിരുന്ന് ചാറ്റൽ മഴ ആസ്വദിച്ച് കടന്ന് പോകുന്ന കുരുന്നുകൾ. എറണാകുളം വൈറ്റിലയിൽ നിന്നുള്ള കാഴ്ച

മഴയ്ക്ക് മുന്നേ....കനത്ത മഴയ്ക്ക് മുന്നോടിയായി ഇരുണ്ട മാനത്തിന്റെ പശ്ചാത്തലത്തിൽക്കൂടി കടന്ന് പോകുന്ന വാട്ടർ മെട്രൊ. എറണാകുളം വൈറ്റില കണിയാമ്പുഴ പാലത്തിൽ നിന്നുള്ള കാഴ്ച

ആകാശപാത പൊളിച്ചു നീക്കണമെന്ന് ആവശ്യപ്പെട്ട് സി.പി.എം കോട്ടയം ഏരിയാ കമ്മിറ്റിയുടെ നേതൃത്വത്തിൽ നടത്തിയ പ്രതിഷേധ മാർച്ച്

കോട്ടയം പ്രസ്ക്ലബ് ഹാളിൽ നടന്ന വിക്ടർ ജോർജ് അനുസ്മരണ ചടങ്ങിൽ വിക്ടർ സ്മാരക പുരസ്കാരം കേന്ദ്ര സഹമന്ത്രി ജോർജ് കുര്യൻ കേരളകൗമുദി ചീഫ് ഫോട്ടോഗ്രാഫർ ശ്രീകുമാർ ആലപ്രക്ക് സമ്മാനിക്കുന്നു. ദേശാഭിമാനി ചീഫ് ഫോട്ടോഗ്രാഫർ പി.വി സുജിത്ത്, മാതൃഭൂമി ചീഫ് ഫോട്ടോഗ്രാഫർ സി.ആർ ഗിരീഷ്‌കുമാർ, ഫ്രാൻസിസ് ജോർജ് എം. പി, കെ.യു.ഡബ്ല്യു.ജെ ജില്ലാ കമ്മിറ്റി അംഗം ജോൺ മാത്യു, പ്രസ് ക്ലബ് പ്രസിഡൻ്റ് ജോസഫ് സെബാസ്റ്റ്യൻ, സെക്രട്ടറി റോബിൻ തോമസ് എന്നിവർ സമീപം

ഒന്ന് ആഞ്ഞു പിടിച്ചോണേ...കോട്ടയത്തെ ആകാശപാതയുടെ പണി ഉടനെ ആരംഭിക്കുക എന്ന ആവശ്യത്തിൽ തിരുവഞ്ചൂർ രാധാകൃഷ്ണൻ എം.എൽ.എയുടെ നേതൃത്വത്തിൽ നടത്തുന്ന ഉപവാസ സമരത്തിനെത്തിയ കേരള കോൺഗ്രസ് ചെയർമാൻ പി.ജെ ജോസഫുമായി തിരുവഞ്ചൂർ രാധാകൃഷ്ണൻ സംഭാഷണത്തിൽ. മുതിർന്ന കോൺഗ്രസ് നേതാവ് രമേശ് ചെന്നിത്തല സമീപം.

അശാസ്ത്രീയമായി നിർമിച്ച കോട്ടയത്തെ ആകാശപാത പൊളിച്ചു നീക്കണമെന്ന് ആവശ്യത്തിൽ യൂത്ത് ഫ്രണ്ട് (എം) ജില്ലാ കമ്മിറ്റിയുടെ നേതൃത്വത്തിൽ നടത്തിയ പ്രതിഷേധ പ്രകടനത്തെ തുടർന്ന് ആകാശപാതയുടെ ചുവട്ടിൽ പടവലത്തൈ നടുന്ന പ്രവർത്തകർ.

ബ്രിട്ടീഷ് മധുരം ... ബ്രിട്ടീഷ് പാർലമെന്റ് അംഗമായി തെരഞ്ഞെടുത്ത ആദ്യ മലയാളി സോജൻ ജോസഫിന്റെ കോട്ടയം കൈപ്പുഴയിലെ വീട്ടിൽ സന്തോഷം പങ്കിടുന്ന സോജന്റെ അച്ഛൻ സി.ടി ജോസഫും സഹോദരങ്ങളും മറ്റു ബന്ധുക്കളും

ബ്രിട്ടൻ പാർലമെൻ്റ്റ് തിരഞ്ഞെടുപ്പിൽ ലേബർ പാർട്ടി സ്ഥാനാർത്ഥിയായി മത്സരിച്ച് വിജയിച്ച സോജൻ ജോസഫിൻ്റെ കോട്ടയം കൈപ്പുഴയിലെ വീട്ടിൽ പൂത്തിരി കത്തിച്ച് ആഘോഷിക്കുന്ന മൂത്ത സഹോദരൻ ജോയ്.

ഒരു വഴി തെളിയും വരെ... കോട്ടയത്ത് നിർമ്മാണത്തിലിരിക്കുന്ന ആകാശപാതയെ ചൊല്ലിയുള്ള യു.ഡി.എഫ്, എൽ.ഡി.എഫ് തർക്കം രൂക്ഷമായിരിക്കുമ്പോൾ കാടുകയറിയ ആകാശ പാതയുടെ ചുവട് വൃത്തിയാക്കുന്ന നഗരസഭ ജീവനക്കാരി.

ജല ശുദ്ധീകരണവും ജലവിഭവ സംരക്ഷണവും എന്ന വിഷയത്തില്‍ മഹാത്മാ ഗാന്ധി സര്‍വകലാശാലയില്‍ നടന്ന രാജ്യാന്തര സമ്മേളനം വൈസ് ചാന്‍സലര്‍ ഡോ.സി.ടി. അരവിന്ദകുമാര്‍ ഉദ്ഘാടനം ചെയ്യുന്നു

വെള്ളത്തിലായ നടപ്പാത... കുമരകം ബോട്ട് ജെട്ടിയിൽ നിന്ന് വേമ്പനാട് കായൽ തീരത്തേക്ക് വിനോദ സഞ്ചാരികൾക്ക് നടന്ന് പോയി കാണാനായി നിർമ്മിച്ച നടപ്പാത തകർന്ന നിലയിൽ

യുനെസ്‌കോയുടെ സാഹിത്യ നഗരി പദവി സ്വീകരിച്ചു തിരിച്ചെത്തിയ മേയർ ഡോ. ബീനാ ഫിലിപ്പിന് കോഴിക്കോട് ടൗൺ ഹാളിൽ സംഘടിപ്പിച്ച സ്വീകരണ ചടങ്ങിലേക്ക് മേയർ എത്തിയപ്പോൾ. സാഹിത്യകാരായ യു.കെ. കുമാരൻ , സുബാഷ് ചന്ദ്രൻ, കെ.പി. രാമനുണ്ണി , പി.കെ. ഗോപി തുടങ്ങുയവർ സമീപം

കടവൂർ ക്ഷേത്രത്തിന് പിന്നിലുള്ള ഏലായിൽ ട്രാക്ടർ ഉപയോഗിച്ച് നിലമുഴുന്നു. ഫോട്ടോ: അക്ഷയ് സഞ്ജീവ്

യു.കെ സന്ദർശനത്തിനിടെ ചാണ്ടി ഉമ്മൻ എം.എൽ.എ ബ്രിട്ടൻ പാർലമെന്റിലേക്ക് തിരഞ്ഞെടുക്കപ്പെട്ട സോജൻ ജോസഫിനെ അഭിനന്ദിക്കുന്നു

കൈത്താങ്ങായി ഞാനുണ്ട്...നടപ്പാതയിലെ മരത്തണലിൽ അമ്മയുറങ്ങുമ്പോൾ വികലാഗനായ അച്ഛന്റെ സൈക്കിൾ പിന്നിൽ നിന്നും തള്ളിനീക്കാൻ ശ്രമിക്കുന്ന കുരുന്ന്. പ്ലസ്റ്റിക് കുപ്പികൾ ശേഖരിച്ചു വിൽക്കുന്ന നാടോടികളാണിവർ. ഹൈക്കോർട്ട് ജംഗ്ഷനു സമീപത്തു നിന്നുള്ള കാഴ്ച്ച

88 പിന്നാൾ ദിനത്തിൽ പ്രശസ്ത സാഹിത്യകാരൻ കെ.എൽ. മോഹന വർമ്മയ്ക്ക് പത്നി രാധ മധുരം നൽകുന്നു. പി. രാമചന്ദ്രൻ, സി.ജി. രാജഗോപാൽ, സി.ഐ.സി.സി ജയചന്ദ്രൻ എന്നിവർ സമീപം