🤣കണ്ണവം പാലയത്തുവയൽ യു.പി സ്കൂളിൽ വോട്ട് ചെയ്ത പെരുവയിലെ എൺപത്തി ഏഴുകരി സരോജിനി തന്റെ കൊച്ചുമകൾക്ക് വിരലിൽ പുരട്ടിയ മഷി കാണിച്ചു കൊടുക്കുന്നു.

ആറളം പാലക്കുന്ന് അംഗൻവാടിയിൽ വോട്ട് ചെയ്യാൻ എത്തിയ പതിനൊന്നാം ബ്ലോക്കിലെ എൺപതു വയസുള്ള ജാനു.

അമ്പായത്തോട് സെന്റ് ജോർജ് എൽ.പി സ്കൂളിൽ സുരക്ഷണം ഒരുക്കുന്ന ഐ.ടി.ബി.പി ഫോഴ്സ്.

ആവോളം ദുരിതം ആവുന്ന വിധി...കാഴ്ച ശക്തിയും കേൾവി ശക്തിയുമില്ലാത്ത മകനെ വീട്ടിലാക്കി 84 വയസിലും മറ്റ് ആശ്രയമില്ലാതെ പൊരിവെയിലിൽ ഒറ്റക്ക് 3 കിലോമീറ്ററോളം നടന്നും കടത്തുകയറിയും ആലപ്പുഴ ചേന്നങ്കരി ദേവമാതാ സ്കൂളിലെ 67 നമ്പർ ബൂത്തിൽ എത്തിയ ത്രേസ്യാമ്മയെ ബി.എൽ.ഒ വള്ളത്തിൽ നിന്ന് പിടിച്ചു കയറ്റി വോട്ട് ചെയ്ത് തിരികെ പോകുവാൻ സഹായിക്കുന്നു.

വോട്ട് വഞ്ചി... ലോക്സഭാ തിരഞ്ഞെടുപ്പിൽ കോട്ടയം ആർപ്പുക്കര പഞ്ചായത്തിലെ ചുഴലിക്കുഴി പ്രദേശവാസികൾ മണിയാപറമ്പ് എസ്.എൻ.ഡി.പി സ്കൂളിലെ ബൂത്തിലെത്തി വോട്ട് രേഖപ്പെടുത്തിയ ശേഷം പോള തിങ്ങിനിറഞ്ഞ പെണ്ണാർതോട്ടിലൂടെ വഞ്ചിയിൽ കയറി മടങ്ങിയപ്പോൾ.

നോവലിയാൻ...കോട്ടയം കുറ്റിക്കാട്ട് ദേവി ക്ഷേത്രത്തിലെ പത്താമുദയ മഹോത്സവത്തോടനുബന്ധിച്ച് നടന്ന കുംഭകുട ഘോഷയാത്രയ്‌ക്ക് മുന്നോടിയായി ദേഹത്ത് ശൂലം കുത്തുന്നയാൾക്ക് ഐസ്ക്രീം നൽകുന്ന സുഹൃത്ത്.

നോവുന്നതെൻ മനം...കോട്ടയം കുറ്റിക്കാട്ട് ദേവി ക്ഷേത്രത്തിലെ പത്താമുദയ മഹോത്സവത്തോടനുബന്ധിച്ച് നടന്ന കുംഭകുട ഘോഷയാത്രയ്‌ക്ക് മുന്നോടിയായി മള്ളൂശ്ശേരി സ്വദേശി വിഷ്ണുവിൻ്റെ കവിളിലൂടെ വലിയ ശൂലം കയറ്റുമ്പോൾ നിറ കണ്ണുകളോടെ വീക്ഷിക്കുന്ന ഭാര്യ ജ്യോതി.

സെലക്ഷനല്ല,​ ഇലക്ഷൻ ഷോട്ട്... ആലപ്പുഴമണ്ഡലത്തിലെ യു.ഡി.എഫ് സ്ഥാനാർത്ഥി കെ.സി.വേണുഗോപാലിന്റെ തിരഞ്ഞെടുപ്പ് പ്രചരണാർത്ഥം മുൻ ഇന്ത്യൻ ക്രിക്കറ്റ് ടീം ക്യാപ്റ്റനും കോൺഗ്രസ് നേതാവുമായ മുഹമ്മദ് അസ്ഹറുദ്ദീൻ ബാറ്റുചെയ്യുന്നു

കാസർകോട് ടൗണിൽ ഡി വൈ എസ് പി യുടെ നേതൃത്വത്തിൽ നടന്ന പോലീസ്, കമാന്റോ റൂട്ട് മാർച്ച്‌

കാസർകോട് അണങ്കൂരിൽ ബസ് മറിഞ്ഞുണ്ടായ അപകടം.

ഇടുക്കി എൻ .ഡി എ സ്ഥാനാർത്ഥി അഡ്വ. സംഗീതവിശ്വനാഥനെ എസ് എൻ ട്രസ്റ്റ് ബോർഡഗം പ്രീതി നടേശൻ ആലിംഗനം ചെയ്ത് അനുഗ്രഹിക്കുന്നു. തൊടുപുഴയിൽ നടന്ന മഹിളാസംഗമം ഉദ്ഘാടനം നടത്തിയതായിരിന്നു പ്രീതി നടേശൻ

കോട്ടയം,പത്തനംതിട്ട ലോക്ഭാ മണ്ഡലത്തിലെ എൻഡിഎ സ്ഥാനാർത്ഥികളായ തുഷാർ വെള്ളാപ്പള്ളിയും അനിൽ ആൻ്റണിയും കോട്ടയം പ്രിൻസ് ഹോട്ടലിൽ സംയുക്തമായി പത്രസമ്മേളനം നടത്തുന്നു

മനം നിറച്ച മാനം...കനത്ത വേനൽചൂടിൽ ആശ്വാസമെന്നപോൾ ഇന്നലെ പെയ്ത മഴയ്ക്ക് മുൻപ് മാനത്തുരുണ്ടു കൂടിയ കാർമേഘം. ചങ്ങനാശ്ശേരി ഇത്തിത്താനത്ത് നിന്നുള്ള കാഴ്ച

പകർന്നാട്ടം... കലാപ്രകടനത്തിന് ശേഷം കോലമഴിക്കുന്ന കലാകാരി. ആലപ്പുഴ നഗരത്തിൽ നിന്നുള്ള കാഴ്ച.

ഒരു കുട്ടനാടൻ ദേശാടനം... കുട്ടനാട്ടിലെ പാടശേഖരങ്ങളിൽ ഇരതേടിയെത്തിയ ഏഷ്യൻ ഓപ്പൺബിൽ ഇനത്തിൽപ്പെട്ട ദേശാടനപ്പക്ഷി. വെളുപ്പ് കലർന്ന ചാരനിറവും കറുപ്പും ചേരുന്ന പക്ഷികൾ ഒറ്റക്കോ രണ്ടോ മൂന്നെണ്ണമുള്ള കൂട്ടമായയോ ആണ് ഇരതേടുന്നത്, ഒച്ച്, കക്ക, ഞണ്ട്, മീൻ എന്നിവയാണ് ഭക്ഷണം.കൊടിൽപോലെ ബലമേറിയ നീണ്ടകൊക്കുകൾ ഉള്ള ഇത്തരം പക്ഷികൾ ഒച്ചുകളുടെയും, കക്കകളുടെയും കടുപ്പമുള്ള തോട് നിഷ്പ്രയാസം പൊളിച്ച് മാംസം ഭക്ഷിക്കുന്നു.

വെള്ളം സ്റ്റോക്കാട്ടാ ...ആനപ്പുറത്തിരിക്കുന്ന ആളുകൾക്ക് കുടിക്കാനായി മിനറൽ വാട്ടർ കുപ്പികൾ ആനയുടെ ചങ്ങലയിൽ കെട്ടിത്തൂക്കി ഇട്ടിരിക്കുന്ന കാഴ്ച. പടിഞ്ഞാറെ ഗോപുര നടയിൽ നിന്നുമുള്ള ചിത്രം .

ഇലക്ഷനും കട്ടനും സ്ട്രോങ്ങാ...ആലപ്പുഴ ലോക്സഭാ മണ്ഡലം എൽ.ഡി.എഫ് സ്ഥാനാർത്ഥി എ.എം. ആരിഫിന്റെ തെരഞ്ഞെടുപ്പ് പ്രചരണാർത്ഥം അമ്പലപ്പുഴ നിയമസഭാ മണ്ഡലത്തിലെ പൊതുയോഗം ഉദ്‌ഘാടനം ചെയ്യാനെത്തിയ സി.പി.ഐ ജനറൽ സെക്രട്ടറി ഡി. രാജയ്ക്ക് കുടിക്കാൻ കട്ടൻ ചായ നൽകിയപ്പോൾ. എച്ച്. സലാം എം. എൽ. എ സമീപം

കത്തിപ്പോകുമോ...കനത്ത ചൂട് വകവയ്ക്കാതെ ആലപ്പുഴ ബീച്ചിന് സമീപത്തെ ഹോഡിംഗ് തൂണുകളിൽ പെയിന്റിംഗ് ജോലിയിലേർപ്പെട്ടിരിക്കുന്ന തൊഴിലാളികൾ

ആവേശം ആകാശത്ത്...തിരുവനന്തപുരം ശംഖുമുഖം ബീച്ചിൽ ഫുട്ബാൾ കളിക്കുന്ന കുട്ടികൾ

അത്രമേൽ പ്രിയപ്പെട്ടവൻ... കോട്ടയം ലോക്സഭാ മണ്ഡലത്തിലെ യു.ഡി.എഫ് സ്ഥാനാർത്ഥിയുടെ തിരഞ്ഞെടുപ്പ് പ്രചരണാർത്ഥം തിരുനക്കരയിൽ നടന്ന പൊതുസമ്മേളനത്തിനെത്തിയ രാഹുൽ ഗാന്ധിയെ കാണാൻ കാത്തുനിന്ന കൂടല്ലൂർ വിസിറ്റേഷൻ കോൺവെന്റിലെ സിസ്റ്റർ മേരി സാബ തിരക്കിനിടയിൽ രാഹുൽ ഗാന്ധിയെ തൊട്ടപ്പോൾ. ഡൽഹി ഹോളി ഫാമിലി ഹോസ്പിറ്റലിൽ ജോലി ചെയ്തിരുന്ന കാലത്ത് സോണിയഗാന്ധിക്ക് പ്രിയങ്ക ഗാന്ധി ജനിച്ചപ്പോൾ ഇരുവരെയും പരിചയിച്ച സിസ്റ്റർ മേരി സാബ കുട്ടിയായിരുന്ന രാഹുൽ ഗാന്ധിയെ പിന്നീട് ഇപ്പോഴാണ് അടുത്ത് കാണുന്നത്.