മധുരിക്കും ഓർമ്മകളെ... എസ്.എസ്.എൽ.സി പരീക്ഷയും കഴിഞ്ഞിറങ്ങിയ വിദ്യാർത്ഥികൾ സഹപാഠികളുടെ യൂണിഫോമിൽ ഓർമ്മക്കുറിപ്പുകൾ കോറിയിടുന്നു. കണ്ണൂർ സെന്റ് മൈക്കിൾ സ്കൂളിൽ നിന്നുമുള്ള ദൃശ്യം. ഫോട്ടോ: ആഷ്‌ലി ജോസ്

പച്ചപ്പനംതത്തെ...തെങ്ങിൽ കൂടുക്കിട്ടിരിക്കുന്ന തത്തമ്മ. ഇണ തത്തയെ കാത്ത് ഓലയിൽ ഇരിക്കുന്നു. കൊച്ചി നഗരത്തിൽ നിന്നുള്ള കഴ്ച

കൊയ്യ്തിട്ട പാടത്തെ നെല്മണികൾ തിന്നാൻ എത്തിയ പ്രാവിൻ കൂട്ടം. ആലപ്പുഴ ചുങ്കം കന്നിട്ട പാടശേഖരത്തിൽ നിന്നുള്ള വൈകുന്നേരത്തെ ദൃശ്യം

വർണ്ണമയം...എറണാകുളം ആലപ്പുഴ അതിർത്തി ഗ്രാമമായ ചാപ്പക്കടവിൽ അസ്തമയ സൂര്യന്റെ പശ്ചാത്തലത്തിൽ പൊന്ത് വള്ളത്തിൽ മത്സ്യബന്ധനത്തിലേർപ്പെട്ടിരിക്കുന്ന മത്സ്യത്തൊഴിലാളി

സ്വപ്നക്കൂട്...തെങ്ങിൽ കൂടുകുട്ടിരിക്കുന്ന മൈന പുറത്തേക്കു പറക്കാൻ തയ്യാറെടുക്കുന്നു. കൊച്ചി നഗരത്തിൽ നിന്നുള്ള കഴ്ച

കരുതലും ജീവിതവും...കൊച്ചി നഗരത്തിൽ പ്ലാസ്റ്റിക് കുപ്പികൾ ശേഖരിച്ചു ഉപജീവന നടത്തുന്ന ഇതര സംസ്ഥാന തൊഴിലാളി തന്റെ കുഞ്ഞിനെയും സൈക്കളിൽ ഇരുത്തികൊണ്ട് അപകടകരമായ രീതിയിൽ പോകുന്നു. എം.ജി. റോഡിൽ നിന്നുള്ള കാഴ്ച

പകലും പുറത്തിറങ്ങാൻ കഴിയാതായോ...സാധാരണ പകൽ സമയങ്ങളിൽ മൂങ്ങകളെ പരാതി കാണാറില്ല. അപ്രതീക്ഷിതമായി പുറത്തുകണ്ടപ്പോൾ കൊച്ചി നഗരത്തിൽ നിന്നുള്ള കഴ്ച

കുംഭത്തിൽ തിളച്ച്... വേനൽ കടുത്തതോടെ ചൂടിൽ നിന്ന് രക്ഷനേടാൻ തലമറച്ച് യാത്ര ചെയ്യുന്ന ഇരുചക്ര വാഹന യാത്രക്കാരി. കോഴിക്കോട് സിവിൽ സ്റ്റേഷനിന് സമീപത്ത് നിന്നുള്ള കാഴ്ച.

കോഴിക്കോട് കളക്ടറേറ്റിൽ ഭിന്നശേഷിക്കാർക്കായി പുതുതായി നിർമ്മിച്ച നടവഴിയിലൂടെ നടന്നു കയറുന്ന ഉദ്യോഗസ്ഥർ. ജില്ലയിൽ തെരുവുനായ ശല്യം സ്ഥിരം വാർത്തയാകുമ്പോഴും നഗരത്തിലെ പ്രധാന ഇടങ്ങളിൽ പോലും ഒരു കൂസലില്ലാതെ നടക്കുകയാണ് നായകളും.

പുഴയല്ല, കണ്ണീരിനുറവയാണ്.. കടുത്ത വേനലിൽ പുഴകളിലേയും കിണറുകളിലേയും വെള്ളം ക്രമാതീതമായി കുറഞ്ഞുവരികയാണ്. പലയിടത്തും കൃഷി നശിക്കാതിരിക്കാൻ പുഴയിൽ കിണറുകൾ നിർമ്മിച്ച് മോട്ടോർ ഇറക്കി ജലസേചനം തുടങ്ങിക്കഴിഞ്ഞു. പൂർണ്ണമായും വറ്റിയ ഷിറിയ പുഴയിൽ കുടിവെള്ള ആവശ്യത്തിനായി നിർമ്മിച്ച കിണറിൽ നിന്ന് ദാഹമകറ്റുന്ന സ്കൂൾ കുട്ടികൾ. കാസറഗോഡ് അംഗടിമൊഗറിൽ നിന്നുമുള്ള കാഴ്ച്ച.

പാർക്കിംഗ് ഫുൾ...കൊച്ചിക്കായലിൽ മീൻ പിടിക്കാനായി സ്ഥാപിച്ചിരിക്കുന്ന ചിനവലയിൽ കൂട്ടത്തോടെ വന്നിരിക്കുന്ന നീർക്കാകകൾ

അണ്ടർ ഗ്രൗണ്ട്...എറണാകുളം കെ.എസ്.ആർ.ടി.സി ഗെരെജിൽ ബംഗളുരുവിൽ നിന്നും എറണാകുളത്തിനു വന്ന ബസിനു അടിയിലുള്ള ലഗേജുകൾ വെക്കുന്ന സ്ഥലത്തു വിശ്രമിക്കുന്ന ജീവനക്കാർ

ഇരണ്ടപ്പാടം : മുവാറ്റുപുഴ പെരുമ്പാവൂർ റോഡിന് സമീപം വിരുന്നെത്തിയ ഇരണ്ടകൾ. ഫോട്ടോ: ബാബു സൂര്യ

ഈ നോട്ടം എങ്ങനെയുണ്ട് : മരത്തിൽ ഒരുമിച്ചെത്തിയ മലയണ്ണാനുകൾ. മലയാറ്റൂർ ഡിവിഷനിലെ കണ്ണിമംഗലം ഫോറസ്റ്റ് സ്റ്റേഷന് സമീപത്തുനിന്നുള്ള ദൃശ്യം .

കൊയ്ത്തു കഴിഞ്ഞ പാടത്തു അന്നം തേടിയെത്തിയ തത്തക്കൂട്ടം . നെല്ല് കതിരിടുമ്പോൾ തന്നെ ഇവർ നെൽ പാടങ്ങളിൽ സജീവമാണ്. ആലപ്പുഴ ചുങ്ക൦ കന്നിട്ടപ്പാട ശേഖരത്തിൽ നിന്നുള്ള ദൃശ്യം

തിരുവനന്തപുരം ഫോർട്ട് ആശുപത്രിയ്ക്കടുത്തായി വില്പനയ്ക്കായി കൊണ്ട് വന്ന നിറങ്ങൾ ചാർത്തിയ കോഴികുഞ്ഞുങ്ങൾ

രാവിന്നു മുമ്പേ കനൽക്കാട് താണ്ടാം ... കത്തുന്ന വേനലിൽ തെങ്ങിൻ തലപ്പിൽ ഒരുക്കിയ കൂട്ടിൽനിന്ന് ഇത്തിരി തണൽ തേടിപ്പറക്കുന്ന തത്തമ്മ

എലിശല്യം വ്യാപകമായതോടെ നെൽപ്പാടത്ത് മടലിൽ തട്ട് നിർമ്മിച്ച് അതിന് മുകളിൽ എലിപ്പെട്ടി തയ്യാറാക്കി വെക്കുന്ന കർഷകൻ. എലിക്ക് കെണിയൊരുക്കിയ തട്ടിലേക്ക് എളുപ്പത്തിൽ കയറുവാനായി മടൽ മണ്ണിൽനിന്ന് ചരിച്ചുവെച്ചിരിക്കുന്നതും ചിത്രത്തിൽ കാണാം. ആലപ്പുഴ കൈനകരി നോർത്ത് പൊങ്ങാപ്പാടത്ത് നിന്നുള്ള കാഴ്ച.

വേനലിൽ വെള്ളം വറ്റി കിടക്കുന്ന ഭാരതപ്പുഴയിലെ തെളിനീരിൽ തങ്ങളുടെ തുണി അലക്കി വീടുകളിലേയ്ക്ക് മടങ്ങുന്ന കാർത്ത്യയിനിയും , കൊയ്തയും തൃശൂർ ചെറുത്തുരുത്തി പൈങ്കുളം വാഴാലിക്കാവിൽ നിന്നൊരു ദൃശ്യം ഫോട്ടോ: റാഫി എം. ദേവസി

കണ്ണൂർ തില്ലങ്കേരിയിൽ മുറിച്ച മരത്തിൽ നിന്ന് വീണ് അവശ നിലയിലായ കുട്ടിക്കുരങ്ങനെ വന്യജീവി സംരക്ഷണ സംഘടനയായ മാർക്ക് പ്രവർത്തകൻ റിയാസ് മാങ്ങാട് വെറ്ററിനറി ആശുപത്രിയിൽ എത്തിച്ച് പരിചരിക്കുന്നു.