ചങ്ങനാശേരി പെരുന്നയിൽ നടന്ന മന്നം ജയന്തി സമ്മേളനം ഉദ്ഘാടനം ചെയ്ത ശേഷം മുൻ പ്രതിപക്ഷ നേതാവ് രമേശ് ചെന്നിത്തലയും എൻ.എസ്.എസ് ജനറൽ സെക്രട്ടറി ജി.സുകുമാരൻ നായരുമായി സംസാരിക്കുന്നു .പ്രസിഡന്റ് ഡോ.എം.ശശികുമാർ,അഡ്വ.കെ. ഫ്രാൻസിസ് ജോർജ് എം.പി എന്നിവർ സമീപം

മുല്ലയ്ക്കൽ പോപ്പി ഗ്രൗണ്ടിൽ നടക്കുന്ന കാർണിവലിലെ ഡ്രാഗൺ റൈഡിൽ കയറി ആവേശഭരിതരായവർ.

ആലപ്പുഴ കടപ്പുറത്ത് സായാഹ്നത്തിൽ മത്സ്യബന്ധന വലയിണക്കുന്ന തൊഴിലാളി

ആളുമില്ല ആരവവും...തൃശൂർ ടൗൺ ഹാളിൽ നടക്കുന്ന കേരളോത്സവത്തിൽ വഞ്ചിപ്പാട്ട് നടക്കുന്ന വേദിയിൽ കാണികൾ ഇല്ലാതെ ഒഴിഞ്ഞു കിടക്കുന്ന കസേരകൾ.

മുളളരിങ്ങാട് കാട്ടാനയുടെ ചവിട്ടേറ്റ് മരിച്ച അമർ ഇലാഹിയുടെ പിതാവ് ഇബ്രഹിം ബന്ധുക്കളുടെ മുന്നിൽ വിങ്ങിപ്പൊട്ടുന്നു.

തൊടുപുഴ മുള്ളരിങ്ങാട് ഇന്നലെ ആന ചവിട്ടിക്കൊന്ന അമർ ഇലാഹിയുടെ മൃതദേഹം സംസ്കാരത്തിനായി പള്ളിയിലേക്ക്

മുള്ളരിങ്ങാട് ആന ചവിട്ടിക്കൊന്നതിൽ പ്രതിഷേധിച്ച് അഡ്വ. ഡീൻ കുര്യാക്കോസ് എം.പി യുടെ നേതൃത്വത്തിൽ മാർച്ചറി യുടെ മുന്നിൽ കുത്തിയിരിപ്പ് സമരം.

ശബരിമല വിമാനത്താവള പദ്ധതി നടപ്പാക്കാൻ ഉദ്ദേശിക്കുന്ന ചെറുവള്ളി റബർ എസ്റ്റേറ്റിലെ അസ്തമന കാഴ്ച

ഹോട്ടലിന് മുൻപിൽ മീൽസ് റെഡി എന്ന ബോർഡുമായി യാത്രക്കാരെ കാത്ത് നിൽക്കുന്ന ജീവനക്കാരൻ. കോട്ടയം നഗരത്തിൽ നിന്നുള്ള കാഴ്ച

സാന്താ ' ക്ലോസ് '... നഗരത്തിൽ എത്തുന്നവർക്ക് ആശംസ അർപ്പിക്കുവാൻ പാതയോരത്ത് നിലയുറപ്പിച്ച സാന്താക്ലോസിന്റെ അടുക്കലെത്തിയ വിനോദസഞ്ചാര യാത്രിക. കോട്ടയം സെൻട്രൽ ജംഗ്ഷനിൽ നിന്നുള്ള കാഴ്ച

അനന്തശയനം... ഫ്ലൈ ഓവറിന് താഴെ ക്ഷീണിതനായി ബാഗുകൾക്കിടയിൽ കിടന്നു ഉറങ്ങുന്നയാൾ. ചാലക്കുടി നഗരത്തിൽ നിന്നുമുള്ള ചിത്രം

കോട്ടയം ഏറ്റുമാനൂർ മാരിയമ്മൻ കോവിലിലെ നാൽപ്പത്തിയൊന്ന് ഉത്സവത്തോടനുബന്ധിച്ച് നടന്ന മഞ്ഞൾ നീരാട്ടിൽ പങ്കെടുക്കുന്ന ഭക്തർ

കുട്ടിയുമായെത്തി തൊടുപുഴ വെങ്ങല്ലൂരിലെ റോഡ്സൈഡിൽ ക്രിസ്മസ് പപ്പയുടെ മുഖം മൂടി വിൽക്കുന്ന അന്യ സംസ്ഥാനക്കാരി

ശബരിമല ദർശനത്തിനെത്തുന്ന അയ്യപ്പൻ മാരെ റോഡിന് സമീപത്തെ മരച്ചില്ലയിൽ ഇരുന്നു വീക്ഷിക്കുന്ന മലയണ്ണാന്റെ വിവിധ ഭാവങ്ങൾ. ശബരിമല ചന്ദ്രാനന്ദൻ റോഡിൽ നിന്നുള്ള കാഴ്ച.

ശബരിമലയിൽ സേവനമനുഷ്ഠിക്കുന്ന പൊലീസ് ഉദ്യോഗസ്ഥരുടെ നേതൃത്വത്തിൽ നടന്ന കർപ്പൂരാഴി ഘോഷയാത്രയിൽ പങ്കെടുക്കുന്ന ചെണ്ടമേള കലാകാരന്റെ തോളിലിരുന്ന് മേളം ആസ്വദിക്കുന്ന കുരുന്ന്. പതിനെട്ടാം പടിക്ക് മുന്നിൽ നിന്നുള്ള കാഴ്ച.

ശബരിമല മണ്ഡലപൂജയ്ക്ക് അയ്യപ്പവിഗ്രഹത്തിൽ ചാർത്താനുള്ള തങ്കഅങ്കി വഹിച്ചുകൊണ്ടുള്ള ഘോഷയാത്ര പത്തനംതിട്ട മിനിസിവിൽ സ്റ്റേഷനു മുന്നിലെത്തിയപ്പോൾ ദർശനത്തിനെത്തിയവർ

കോട്ടയം നാഗമ്പടം സ്റ്റേഡിയം റോഡിന് സമീപമിരുന്ന് നാടൻ പുൽക്കൂട് ഉണ്ടാക്കി വിൽക്കുന്ന പാലക്കാട് സ്വദേശികളിൽനിന്ന് പുൽക്കൂട് വാങ്ങികൊണ്ട് പോകുന്നയാൾ

ഹായ് സാന്താ...കോട്ടയം സൈക്ലിംഗ് ക്ലബ്ബിൻറെ നേതൃത്വത്തിൽ കോട്ടയം ഗാന്ധി സ്ക്വയറിൽ നിന്ന് ആരംഭിച്ച ക്രിസ്മസ് സന്ദേശ സൈക്കിൾ യാത്രയിൽ പങ്കെടുക്കുവാൻ സാന്താക്ലോസിന്റെ വേഷമണിഞ്ഞെത്തിയ ആൾ.

ബി.ജെ.പി ആലപ്പുഴ ജില്ലാ ഓഫീസ് ദീനദയാൽ ഭവൻ്റെ ഉദ്ഘാടനത്തിനെത്തിയ കേന്ദ്രമന്ത്രി സുരേഷ് ഗോപി നൃത്തം അവതരിപ്പിക്കാനെത്തിയ കൃഷ്ണ രാധ വേഷധാരികളായ കുട്ടികളെ അരികിലേക്ക് വിളിച്ചപ്പോൾ

ബി.ജെ.പി ആലപ്പുഴ ജില്ലാ ഓഫീസ് ദീനദയാൽ ഭവൻ്റെ ഉദ്ഘാടനത്തിനെത്തിയ കേന്ദ്രമന്ത്രിയും നടനുമായ സുരേഷ് ഗോപിയുടെ വേഷവിധാനം കൗതുകമായി മാറി. താൻ അഭിനയിച്ച കഥാപാത്രങ്ങളുടെയും മറ്റും ചിത്രങ്ങൾ ആലേഖനം ചെയ്ത കസവു മുണ്ടുടുത്താണ് എത്തിയത് . കളിയാട്ടംവും അതിലെ അഭിനയത്തിന് ലഭിച്ച നാഷണൽ അവാർഡ് ഫലകവും, കമ്മീഷണർ സിനിമയിലെ "ഓർമ്മയുണ്ടോ ഈ മുഖം" ഡയലോഗും ആകെ മൊത്തം ഒരു സിനിമാ മയം