ലഹരി പുതഞ്ഞ്... ഇന്ന് അന്താരാഷ്ട്ര ലഹരി വിരുദ്ധ ദിനം. നഗരത്തിലെത്തുന്ന നിരവധി ആളുകൾ വിശ്രമിക്കാനും നടക്കാനും എത്തുന്ന കോട്ടയം തിരുനക്കര മൈതാനിയിൽ പുകവലിച്ചു പാതിമയക്കത്തിൽ കിടക്കുന്നയാൾ.

മലബാറിൽ പുതിയ പ്ലസ് വൺ ബാച്ചുകൾ അനുവദിക്കണമെന്ന് ആവശ്യപ്പെട്ട് കെ.എസ്.യു പ്രവർത്തകർ കണ്ണൂർ ഡി.ഡി. ഓഫീസ്സിലേക്ക് നടത്തിയ മാർച്ചിൽ പ്രവർത്തകരെ പോലീസ് അറസ്റ്റ് ചെയ്യുന്നതിനിടയിൽ എസ് ഐയുടെ കാല് തെറ്റി നിലത്തു വീഴുന്നു.

കണ്ണിലൊരു തോരാമഴ......അതിശക്തമായമഴക്കിടയിൽ ബസ് സ്റ്റോപ്പിൽ നിർത്തിയപ്പോൾ ഷട്ടർ ഉയർത്തി മഴ കാഴ്ച കാണുന്ന അമ്മയും കുഞ്ഞും.

മലബാറിലെ പ്ലസ് വൺ സീറ്റ് വിഷയത്തിൽ പ്രതിഷേധിച്ച് ആർ.ഡി.ഡി ഓഫീസ് പൂട്ടിയിട്ട എം.എസ്.എഫ് പ്രവർത്തകരെ പോലീസ് അറസ്റ്റ് ചെയ്തു നീക്കുന്നു.

കണ്ണൂർ സെന്റ് മൈക്കിൾസ് ആംഗ്ലോ ഇന്ത്യൻ ഹയർ സെക്കൻഡറി സ്കൂളിൽ പ്ലസ് വൺ പ്രവേശനോത്സവത്തിനെത്തിയ വിദ്യാർത്ഥിനികൾക്ക് മുൻ എം.പി പി.കെ ശ്രീമതി ആശംസകൾ നൽകുന്നു. സ്കൂൾ മാനേജർ ഫാ.രാജു അഗസ്റ്റിൻ എസ്.ജെ സമീപം

ഗോൾ മഴ തീർക്കാൻ...ആലപ്പുഴ എസ്. ഡി. വി സ്കൂൾ ഗ്രൗണ്ടിൽ ഇന്നലെ പെയ്ത മഴയത്ത് ആസ്വദിച്ച് ഫുടബോൾ കളിക്കുന്ന കുട്ടികൾ

പ്ലസ് വൺ സീറ്റുകൾ വർദ്ധിപ്പിക്കണമെന്നാവശ്യപ്പെട്ട് കെ .എസ് .യു ജില്ലാ വിദ്യാഭ്യാസ ഓഫീസിലേക്ക് നടത്തിയ മാർച്ചിൽ പ്രവർത്തകരും പൊലീസും തമ്മിലുണ്ടായ സംഘർഷം Image Filename Ca

അപകടമീ മഴയാത്ര... കനത്ത കാറ്റിലും മഴയിലും ഇത്തരം സാഹസികമായ യാത്രകൾ വൻ അപകടങ്ങളാണ് ക്ഷണിച്ചു വരുത്തുന്നത്. കോഴിക്കോട് തൊണ്ടയാട് ജംഗ്ഷന് സമീപത്ത് നിന്നുള്ള കാഴ്ച്ച.

വാമോസ്...അർജൻ്റീനൻ ഫുട്ബോൾ ഇതിഹാസം ലയണൽ മെസ്സിയുടെ ജന്മദിനത്തോടനുബന്ധിച്ച് തൃശൂർ നഗരത്തിലെ ഒരു കടയിൽ പ്രദർശിപ്പിച്ച മെസ്സിയുടെ മുഖമുള്ള ടീഷർട്ടുകൾ.

നീറ്റ് പിജി പരീക്ഷ റദ്ദാക്കിയതിൽ പ്രതിഷേധിച്ച് എസ്.എഫ്.ഐ കണ്ണൂരിൽ പ്രധാനമന്ത്രി നരേന്ദ്ര മോദി, കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ എന്നിവരുടെ കോലം കത്തിക്കുന്നു

ഒളിമ്പിക് ദിനാചരണത്തിന്റെ ഭാഗമായി ജില്ലാ സ്‌പോർട്സ് കൗൺസിലും ഒളിമ്പിക് അസോസിയേഷനും ചേർന്ന് കണ്ണൂരിൽ സംഘടിപ്പിച്ച ഒളിമ്പിക് റൺ.

ഇന്നലെ രാവിലെയുണ്ടായ ശക്തമായ മഴയിൽ സ്കൂട്ടറിൽ പോകുന്ന മത്സ്യ തൊഴിലാളികൾ . കണ്ണൂർ ആയിക്കരയിൽ നിന്നുള്ള ദൃശ്യം.

പാഠം ഒന്ന് ലാത്തി..... പ്ലസ് വൺ സീറ്റുകൾ വർദ്ധിപ്പിക്കണമെന്നാവശ്യപ്പെട്ട് കെ എസ് യു ജില്ലാക്കമ്മറ്റി തൊടുപുഴ ജില്ലാ വിദ്യാഭ്യാസ ഓഫീസിലേക്ക് നടത്തിയ മാർച്ചിൽ പോലീസിന്റെ ലാത്തി പിടിച്ചു വാങ്ങാൻ ശ്രമിക്കുന്ന പ്രവർത്തകൻ

അടവിയിൽ കുട്ടവഞ്ചി സവാരിക്കായി ബംഗളുരുവിൽ നിന്ന് എത്തിയവർക്കൊപ്പം വന്നതാണ് വളർത്തുനായ. പക്ഷേ കുട്ടവഞ്ചിയിൽ നായയെ കയറ്റാൻ അധികൃതർ അനുവദിച്ചില്ല. കരയിലിരുന്ന് പ്രിയപ്പെട്ടവരുടെ യാത്ര കാണുകയാണ് നായ

മലബാറിലെ പ്ലസ് വൺ സീറ്റ് വിഷയമടക്കം വിദ്യാഭ്യാസ മേഖലയോടുള്ള അവഗണനയ്ക്കെതിരെ കെ.എസ്.യു കാസർകോട് ജില്ലാ കമ്മിറ്റിയുടെ നേതൃത്വത്തിൽ നടന്ന കളക്ട്രേറ്റ് മാർച്ച് അക്രമാസക്തമായതിനെ തുടർന്ന് പൊലീസ് ജലപീരങ്കി പ്രയോഗിച്ചപ്പോൾ.

മഴക്കാല വിനോദം.... മഴയിൽ പുഴകൾ നിറഞ്ഞപ്പോൾ തോണിയിൽ വല വലയെറിഞ്ഞ് മീൻ പിടിക്കുന്ന യുവാവ്.തൊടുപുഴയിൽ നിന്നുള്ള ദൃശ്യം

തൊടുപുഴയിൽ നടന്നു വരുന്ന സർവ്വേ ഫീൽഡ് സ്റ്റാഫ് ആസോസിയേഷൻ 53-ാം സംസ്ഥാന സമ്മേളനം ഉദ്ഘാടനം ചെയ്ത റവന്യു മന്ത്രി കെ രാജന് എറണാകുളം സർവ്വേ സൂപ്രണ്ട് ഓഫീസിലെ വി എസ് ബിജു തടിയിൽ കൊത്തിെയെടുത്ത മന്ത്രിയുടെ ഫോട്ടോ സമ്മാനിക്കുന്നു.

അതിജീവനവും ഉപജീവനവും... വേമ്പനാട്ട് കായലിൽ സഞ്ചാരികൾ ഉപേക്ഷിച്ച പ്ലാസ്റ്റിക് കുപ്പികൾ പെറുക്കി വള്ളത്തിലെത്തിൽ നിറച്ചെത്തിയ തൊഴിലാളി ആക്രിക്കടയിൽ കൊടുക്കുവാനായി സമീപത്തെ കടവിൽ അടുപ്പിച്ച് ചാക്കിലേക്ക് നിറക്കുന്നു. 20 വർഷമായി കായലിലെ പ്ലാസ്റ്റിക് മാലിന്യങ്ങൾ പെറുക്കി ഉപജീവനം നടത്തുന്ന ആലപ്പുഴ പള്ളാത്തുരുത്ത് സ്വദേശി ശശി ഇന്നും 50 രൂപ വാടകക്ക് വെള്ളമെടുത്തുപോയാണ് ഇത്തരത്തിൽ കായലിന് അതിജീവനും കുടുംബത്തിന് ഉപജീവനവും കണ്ടെത്തുന്നത്.

അന്താരാഷ്ട്ര യോഗദിനാചരണത്തിന്റെ ഭാഗമായി കണ്ണൂർ കലക്ടറേറ്റിൽ നടന്ന പ്രദർശനം

പൂവിനെ തേടി... കർണാടക ഗുണ്ടൽപേട്ടിലെ സൂര്യകാന്തി പൂപാടത്തിൽ നിന്നുള്ള കാഴ്ച്ച.