കൊതിപ്പിച്ചിട്ട് പോയല്ലോ...നിലമ്പൂർ ഉപതിരഞ്ഞെടുപ്പിൽ യു.ഡി.എഫ് സ്ഥാനാർത്ഥി വിജയിച്ചതിനെത്തുടർന്ന് കോട്ടയം നഗരത്തിൽ യു.ഡി.എഫ് പ്രവർത്തകർ നടത്തിയ ആഹ്ലാദപ്രകടനത്തിനിടെ ബസിൽ ഇരുന്ന കുട്ടിക്ക് ലഡ്ഡു നൽകവേ ബസ് എടുത്ത് പോയപ്പോൾ.

കൃഷി കഴിഞ്ഞ കുട്ടനാടൻ പാടശേഖരങ്ങളിലേക്ക് വിവിധ തരം ദേശാടനപക്ഷികളാണ് എത്തുന്നത്. ആലപ്പുഴ കൈനകരി കാടുകയ്യാർ പാടശേഖരത്തിൽ തീറ്റതേടിയെത്തിയ സ്പോട്ട് ബിൽഡ് പെലിക്കനുകളാണ് ചിത്രത്തിൽ. പാടങ്ങളിലെ വെള്ളം വറ്റിത്തുടങ്ങുമ്പോഴുള്ള ചെറുമീനുകളേയും ജീവികളേയുമാണ് ഇവ ഭക്ഷിക്കാനെത്തുന്നത്

അന്താരാഷ്ട്ര യോഗ ദിനം... കൊല്ലം ഇരവിപുരം കടൽത്തീരത്ത് സന്ധ്യാസമയത്തിൽ യോഗ അഭ്യസിക്കുന്ന ദേവിക.

ആറങ്ങോട്ടുകുളമ്പ് വേനോലി മേഖലയിൽ കഴിഞ്ഞ ദിവസങ്ങളിലായി കൃഷിയും മറ്റ് നാശനഷ്ടങ്ങൾ വരുത്തിയ ചുരുള്ളി കൊമ്പൻ പി.ടി. അഞ്ച് എന്ന പേരിൽ അറിയപ്പെടുന്ന കാട്ടാനയെ വാളയാർ റെയ്ഞ്ച് മേഖലയിൽ നിന്നുള്ള വനം വകുപ്പ് ഉദ്യോഗസ്ഥർ ഊരോലി കാട്ടിൽ നിന്ന് തുരത്തിയതിനെ തുടർന്ന് പുറത്തേക്ക് ഇറങ്ങിയ കാട്ടാന. റെയിൽവേ പാളം മുറിച്ച്കടക്കാതെ ഉൾക്കാട്ടിലേക്ക് തന്നെ കാട്ടാന കയറി.

തിര തേടി...സംസ്ഥാനത്ത് ട്രോളിഗ് നിരോധനമേർപ്പെടുത്തിയ സാഹചര്യത്തിൽ മത്സ്യബന്ധന ബോട്ടുകൾ തീരത്തടുപ്പിച്ചപ്പോൾ പിക്ക് അപ്പ് വാനിൽ കയറ്റി നഗരത്തിലൂടെ കൊണ്ടുപോകുന്ന ബോട്ട്. കോട്ടയം തിരുനക്കരയിൽ നിന്നുള്ള കാഴ്ച.

ഫ്ലാഗ് ഓഫ്... ലോക ഭക്ഷ്യ സുരക്ഷാ ദിനത്തോടനുബന്ധിച്ച് പാലക്കാട് സിവിൽ സ്റ്റേഷനിൽ ഭക്ഷ്യ സുരക്ഷാ വകുപ്പിൻ്റെ ആഭിമുഖ്യത്തിൽ സംഘടിപ്പിച്ച 'ഈറ്റ് റൈറ്റ് വാക്കത്തോൺ' ജില്ലാ കളക്ടർ ജി. പ്രിയങ്ക ഫ്ലാഗ് ഓഫ് ചെയ്യുന്നു.

കേരളത്തിലെത്തുന്ന ദേശാടന പക്ഷികളിലെ സുന്ദരന്മാരാണ്‌ വർണ്ണകൊക്കുകൾ (പെയിന്റഡ് സ്റ്റോർക്ക്). രണ്ടാംകൃഷിക്കായി നിലമൊരുക്കുന്ന ആലപ്പുഴ നെടുമുടി പഴയകരി പാടത്ത് തീറ്റതേടിയെത്തിയ വർണ്ണകൊക്കുകൾ

വരവായി ആമ്പൽ കാഴ്ച... കോട്ടയം തിരുവാർപ്പ് പഞ്ചായത്തിലെ മലരിക്കൽ തിരുവായ്ക്കരി പാടശേഖരത്ത് വള്ളത്തിൽ പോയി ആമ്പൽ വസന്തം ആസ്വദിക്കുന്നവർ. ഈ വർഷം നേരത്തെ ആമ്പൽ വിരിഞ്ഞ് തുടങ്ങി.

കാലവർഷം ആരംഭിച്ചതോടെ പാലക്കാട്‌ ജില്ലയിൽ കാർഷിക മേഖല ഉണർന്നു. ഒന്നാം വിളയുടെ ആരംഭത്തോടെ കൃഷി സ്ഥലം ഉഴിതു മറിക്കലും ഞാറ്റാടി തയ്യാറാക്കലും സജീവായി തുടരുന്നു. തന്റെ കൃഷിയിടത്തിലേക്ക് തുമ്പയുമായി പോകുന്ന കർഷകൻ. കരിമ്പനയുടെ പശ്ചാത്തലത്തിൽ പാലക്കാട്‌ കോട്ടായി ഭാഗത്തു നിന്നുള്ള ദൃശ്യം .

കോട്ടയം മെഡിക്കൽ കോളേജ് ബൈപ്പാസ് റോഡിൽ ചുങ്കം പാലത്തിന് സമീപം നിന്ന വർഷങ്ങൾ പഴക്കമുള്ള തണൽ മരം കടപുഴകി വീണപ്പോൾ മുറിച്ച് മാറ്റുന്നു.മരം അപകടാവസ്ഥയിലാണെന്ന് പരാതി കൊടുത്തിട്ടും മുറിച്ച് മാറ്റാൻ തയാറായില്ല.ഓട്ടോറിക്ഷ യാത്രക്കാരും സമീപത്തെ വീട്ട്കാരും ഭാഗ്യം കൊണ്ട് രക്ഷപ്പെട്ടു

ഇവിടെ വാസം സാദ്ധ്യമോ...പ്ലാസ്റ്റിക് മാലിന്യം നിറഞ്ഞ വെള്ളക്കെട്ടിലൂടെ കുട്ടികളോടൊപ്പം പോകുന്ന ഇരണ്ടപ്പക്ഷികൾ. പരിസ്ഥിതി ദിനത്തിൽ കോട്ടയം ശാസ്ത്രി റോഡിന് സമീപത്ത് നിന്നുള്ള കാഴ്ച

ഹോളി മേരി കാത്തു...കനത്തമഴയ്ക്കിടെ കോട്ടയം ഗാന്ധിസ്വകയറിൽ നിന്ന് തിരുനക്കര ബസ് സ്റ്റാൻഡ് റോഡിലേക്ക് തിരിയുന്നതിനിടെ കാർ തട്ടി നിലത്തു വീണ സ്കൂട്ടർ യാത്രക്കാരിയെ നോക്കുന്ന ബസ് യാത്രക്കാർ. പെട്ടെന്ന് കാർ നിറുത്തിയതിനാൽ വൻ ദുരന്തം ഒഴിവായി. കാലിന് പരിക്കേറ്റ സ്കൂട്ടർ യാത്രക്കാരിയെ കാർയാത്രക്കാർ പിന്നീട് ആശുപത്രിയിലേയ്ക്ക് കൊണ്ടുപോയി

നിരവധി ടൂറിസ്റ്റുകളെത്തുന്ന ചിന്നക്കനാലിൽ നിന്നുള്ള കാഴ്ച

മാതൃസ്നേഹം... തെരുവ് നായ കുഞ്ഞുങ്ങളുമായി സ്നേഹം പങ്കുവയ്ക്കുമ്പോൾ. എറണാകുളം കെ.എസ്.ആർ.ടി.സി സ്റ്റാൻഡിന് സമീപത്ത് നിന്നുള്ള കാഴ്ച.

ഹരിത ഭാഗ്യം: റാന്നി തിയ്യാടിക്കൽ ജംഗ്ഷനിൽ ലോട്ടറി വിൽക്കുന്ന കടയുടെ അഴകാണ് ഇൗ വള്ളിച്ചെടി. പച്ചപടർത്തി നിൽക്കുന്ന ചെടിയുടെ അഴക് ആളുകളുടെ ശ്രദ്ധനേടുന്നുണ്ട്.

കാക്ക കൊത്തി പോയല്ലോ... വിളഞ്ഞ് നിൽക്കുന്ന റംബൂട്ടാൻ കൊത്തിയെടുക്കാൻ ശ്രമിക്കുന്ന കാക്ക. കോട്ടയം നഗരത്തിൽ നിന്നുള്ള കാഴ്ച.

മരങ്ങൾ മുറിച്ച് മാറ്റി കെട്ടിട സമുച്ചയങ്ങൾ പണിയുന്ന കാലത്ത് കോട്ടയം ബസേലിയസ് കോളേജ് ജംഗ്‌ഷന്‌ സമീപമപത്തെ കെട്ടിടത്തിന്റെ മുകളിൽ ആൽമരം വളർന്ന് പന്തലിച്ച് നിൽക്കുന്നതിന്റെ കൗതുക കാഴ്ച

മഴക്കൂട്ട്.... മഴയത്ത് മഴക്കോട്ടും ഹെൽമറ്റും വച്ച് നടന്ന് പോകുന്നവർ. കോട്ടയം നഗരത്തിൽ നിന്നുള്ള കാഴ്ച

മഴക്കും കടൽക്ഷോഭത്തിനും നേരിയ കുറവുണ്ടായപ്പോൾ കടലിലേക്കിറങ്ങി മീൻ പിടിക്കുവാനായി വലയുമായി കാത്തുനിൽക്കുന്ന മത്സ്യത്തൊഴിലാളികൾ. വൈപ്പിൻ കടപ്പുറത്ത് നിന്ന്.

തോട്ടപ്പള്ളി സ്പിൽവേയുടെ ആഴം കൂട്ടി നീരൊഴു വർദ്ധിപ്പിക്കുന്നതിനായി ഒന്നിൽ കൂടുതൽ ജെ.സി.ബി കൾ ഉപയോഗിച്ച് പൊഴി മുറിക്കുന്ന ജോലികൾ പുരോഗമിക്കുമ്പോൾ സമീപത്ത് വല വീശി എത്തുന്ന മീനുകളെ പിടിക്കുന്ന പ്രദേശവാസികൾ.