സിനിമയിൽ അഭിനയിക്കാൻ വാഗ്ദാനം: പണം തട്ടിയ പ്രതി അറസ്റ്റിൽ

പുതുക്കാട്: സിനിമയിൽ അഭിനയിക്കാൻ അവസരം നൽകാമെന്ന് വിശ്വസിപ്പിച്ച് ആമ്പല്ലൂർ സ്വദേശിയിൽ നിന്നും പണംതട്ടിയ പ്രതി അറസ്റ്റിൽ. മലപ്പുറം വണ്ടൂർ വാണിയമ്പലം പന്തലംകുന്നേൽ വീട്ടിൽ നിയാസ് (40) നെയാണ് അറസ്റ്റ് ചെയ്തത്. കഴിഞ്ഞ സെപ്റ്റംബർ മാസത്തിൽ 15 .5 ലക്ഷത്തോളം രൂപയാണ് തട്ടിയെടുത്ത്. മലപ്പുറം അങ്ങാടിപ്പുറത്ത് നിന്നാണ്
പുതുക്കാട് എസ്.എച്ച്.ഒ.വി.സജീഷ്‌കുമാറിന്റെ നേതൃത്വത്തിൽ അറസ്റ്റ് ചെയ്തത്. മറ്റു സ്ഥലങ്ങളിലും സമാനമായ രീതിയിലുള്ള തട്ടിപ്പ് നടത്തിയിട്ടുണ്ട്. അന്വേഷണ സംഘത്തിൽ എസ്‌ഐമാരായ പി.ആർ. സുധീഷ് ,കെ.എ. കൃഷ്ണൻ, ഗ്രേഡ് സിവിൽ പൊലീസ് ഓഫീസർമാരായ വി.ഡി അജി, കെ.ആർ.സജീവ് സി.പി.ഒ. കെ.വി. ശ്രീജിത്ത് എന്നിവർ ഉണ്ടായിരുന്നു. പ്രതിയെ റിമാൻഡ് ചെയ്തു.