ഷാജി പാപ്പൻ ക്രിസ്മസിന് വരില്ല മക്കളേ

ആട് 3 മാർച്ച് 20ന്

ജയസൂര്യ ഷാജി പാപ്പൻ ആയി വീണ്ടും എത്തുന്ന ആട് 3 മാർച്ച് 20ന് റിലീസ് ചെയ്യും. ക്രിസ്മസ് റിലീസായിരുന്നു നേരത്തേ തീരുമാനിച്ചിരുന്നത്. ആട് സീരിസ് ഒരുക്കിയ മിഥുൻ മാനുവൽ തോമസാണ് രചനയും സംവിധാനവും. ആദ്യഭാഗം ആട് ഒരു ഭീകരജീവിയാണ് വിജയിച്ചില്ലെങ്കിലും രണ്ടാം ഭാഗം ചരിത്ര നേട്ടം കൊയ്തു. അതേസമയം ആട് 3 നുവേണ്ടി

മലയാളത്തിലെ രണ്ട് വമ്പൻ സിനിമ നിർമ്മാണ കമ്പനികൾ ഒന്നിക്കുന്നു എന്ന പ്രത്യേകത കൂടിയുണ്ട്. വിജയ് ബാബുവിന്റെ ഫ്രൈഡേ ഫിലിം ഹൗസും വേണു കുന്നപ്പള്ളിയുടെ കാവ്യ ഫിലിം കമ്പനിയും ചേർന്നാണ് നിർമ്മാണം.ഫ്രൈഡേ ഫിലിം ഹൗസ് നിർമ്മിക്കുന്ന 23-ാമത്തെ ചിത്രം ആണ് ആട്.ആട് ഒരു ഭീകരജീവിയാണ്, ആട് 2 എന്നിവയ്ക്ക് ശേഷം ബിഗ് ബഡ്ജറ്റിൽ ഒരുക്കുന്ന എപിക് ഫാന്റസി ചിത്രം ആണ് ആട് 3.വിനായകൻ, വിജയ് ബാബു, സൈജു കുറുപ്പ്, ധർമ്മജൻ ബോൾഗാട്ടി, ഭഗത് മാനുവൽ, സണ്ണിവയ്‌ൻ, ഇന്ദ്രൻസ്, സ്രിന്ധ, ബിജുക്കുട്ടൻ, സുധികോപ്പ, ഹരികൃഷ്ണൻ തുടങ്ങിയവരോടൊപ്പം കുറച്ച് സർപ്രൈസ് താരങ്ങളും വേഷമിടുന്നുണ്ട്.